Շամիրամում սպանդի մեջ մեղադրվողները միտումանվոր ձգձգում են նիստը. եզդիները դժգոհում են

Արագածոտնի մարզի Շամիրամ գյուղի սգո սրահում տեղի ունեցած սպանության գործով դատական նիստն այսօր հետաձգվեց. պատճառը 4 անձի սպանության մեջ մեղադրվող Թելման Քալաշյանի պաշտպան Կրոմվել Գրիգորյանի բացակայությունն էր:

Սա առաջացրեց տուժող կողմի դժգոհությունը: Բանն այն է, որ բազմաթիվ եզդիներ են գալիս Ռուսաստանի Դաշնությունից այս նիստին մասնակցելու համար, բացի դրանից գործով տուժողների մեծ մասը ՌԴ-ում է բնակվում: Նրանք կարծում են, որ պաշտպանական կողմը միտումնավոր է ձգձգում դատական նիստը:

Հիշեցնենք, որ սգո սրահում տեղի ունեցած կրակոցների հետեւանքով 4 անձ մահացել, իսկ 7-ը՝ տարբեր աստիճանի մարմնական վնասվածքներ էին ստացել: Սպանության եւ այլ արարքների մեջ մեղադրվող Թելման Քալաշյանի հետ ամբաստանյալի աթոռին է հայտնվել նաեւ վերջինիս հորեղբայրը՝ Քյարամ Քալաշյանը, որն, ըստ մեղադրանքի, պարտակել է եղբորորդուն՝ վերջինիս սգո սրահի տարածքից մեքենայով տանելով: Նիստը նախագահում է Սուրեն Մնոյանը:

Նախորդ նիստին դատարանը ամբաստանյալ Թելման Քալաշյանի եւ տուժողի իրավահաջորդի նկատմամբ սանկցիա էր կիրառել՝  մեկ ժամով երկուսին էլ հեռացնելով նիստերի դահլիճից: Թեւ մեկ ժամվա սանկցիան դեռ չէր լրացել, այնուամենայնիվ, Թելման Քալաշյանը ներկայացվեց նիստերի դահլիճ, դահլիճ թույլ տրվեց մտնել նաեւ տուժողի իրավահաջորդին: Թելման Քալաշյանի եւ հորեղբոր շուրջ ուժեղացված հսկողություն էր սահմանված:

Պաշտպան Կրոմվել Գրիգորյանը, որը նախորդ նիստին դատավորին ինքնաբացարկի միջնորդություն ներկայացնելու համար ժամանակ էր խնդրել, այսօրվա նիստին չէր ներկայացել՝ Հանարպետությունից բացակայելու պատճառով եւ միջնորդել էր հետաձգել նիստը: Բացի դա, պաշտպանը նշել է, որ առաջիկա նշանակված նիստին՝ մարտի 30-ին նույնպես չի կարող ներկա գտնվել եւ հավելել, որ դատարանը դեռեւս դատավարության մասնակիցների հետ չի քննարկել յուրաքանչյուր ուրբաթ դատական նիստ անցկացնելը եւ խնդրել է նիստերը որոշելիս հաշվի առնել դատավարության մասնակիցների զբաղվածությունը:

Գրիգորյանի այս դիմումը դժգոհություն առաջացրեց ինչպես մեղադրանքի, այնպես էլ տուժողի կողմի համար: Մասնավորապես՝ մեղադրող դատախազ Տիգրան Ենոքյանը նշեց, որ պաշտպանը իր դատավարական իրավունքներից անբարեխղճորեն է օգտվում: «Պաշտպանության կողմը քաջ գիտակցելով, որ տուժողներից մեծ մասը ՀՀ են ժամանում Ռուսաստանի Դաշնությունից, չի ներկայանում դատական նիստերին, արհեստականորեն, որպեսզի չապահովի վերջիններիս (տուժողների) հակընդդեմ հարցման իրավունքը դատաքննության ընթացքում: Բացի այդ, պաշտպանի այն պնդումը, որ պայմանավորվածություն չի եղել յուրաքանչյուր ուրբաթ նիստ նշանակելու, իրականությանը չի համապատասխանում, քանի որ նման որոշում եղել է: Եթե պաշտպանության կողմը հաջորդ ուրբաթ օր չներկայացնի իր բացակայություն հիմնավորող հարգելի պատճառներ, հարգելի դատարան, խնդրում եմ նաեւ քննարկել պաշտպանի նկատմամբ համապատասխան սանկցիա կիրառելու եւ կարգապահական վարույթ հարուցելու համար Փաստաբանների պալատին դիմելու հարցը»,- ասաց Ենոքյանը: Դիրքորոշում հայտնեց նաեւ տուժողների ներկայացուցիչ Բաբկեն Մարտոյանը, որին հատկապես դժգոհեցրել էր պաշտպանի դիմումի այն հատվածը, համաձայն որի՝ Գրիգորյանն ասել էր,  որ մարտի 30-ին նշանակվելիք նիստին չի կարող գալ քանի որ այլ նիստերով զբաղված է: Նա սա դիտեց անհարգալից վերաբերմունք դատարանի նկատմամբ: «Նա իրավունք չուներ այս նիստին չներկայանալ: Մենք ունենք շատ-շատ տուժողներ, որոնք ՌԴ-ում են բնակվում եւ չենք կարող երկար ժամանակ մնալ այստեղ, միգուցե դրանից ելնելով միտումնավոր ձգձգում է դատական նիստերը, ես սա դիտում եմ դատական նիստերը անհարկի ձգձգելու միտում»,- ասաց Մարտոյանը:

Սգո սրահում սպանված Օզմաննյանների իրավահաջորդ Միշա Օզմանյանը, որը նախորդ նիստին հեռացվել էր նիստերի դահլիճից, ասաց, որ տուժող կողմի 90 տոկոսը Ռուսաստանում է բնակվում  եւ ֆինանսապես հնարավոր չի լինի պարբերաբար գալ-գնալ: «Իրա ցանկությունն ա, որ մենք չգանք, եթե էտ հնարավոր ա, ուրեմն թող էդ դատապաշտպանը գա դատը անի, մենք էլ թողնենք գնանք ստեղից, 4-րդ անգամն ա սենց»,- ասաց Օզմանյանը:

Իսկ երբ դատավոր Սուրեն Մնոյանը դիրքորոշում հայտնելու համար ձայն տվեց նաեւ ամբաստանյալի աթոռին հայտնված Թելման Քալաշյանին, վերջինս չգիտես ինչու, որոշեց ներկայացնել իր կենսագրությունը: «Թելման Քալաշյան, ծնվել եմ 1967 թ.-ին Արմավիրի մարզում, գյուղ Մյասնիկյան, ամուսնացած եմ, ունեմ չորս երեխա»,- շարունակում էր ներկայացնել Քալաշյանը, երբ դատավորը ընդհատեց նրան եւ ասաց, որ դատարանն արդեն իսկ պարզել է նրա կենսագրությունը: Ինչից հետո Մնոյանը հետաքրքրվեց, թե արդյո՞ք ամբատանյալը տեղյակ եղել է, որ իր պաշտպանը չի գալու, Քալաշյանն ասաց՝ այո: «Առանց փաստաբանի չեմ մասնակցելու նիստին»: Երբ դատավորը հետաքրքրվեց, թե ի՞նչ պատճառով չի եկել եւ ե՞րբ է տեղեկացվել այդ մասին, ամբաստանյալն ասաց, որ չգիտի եւ չի հիշում: Նրա հորեղբայրը պնդեց նույնը: Դատարանը որոշեց հետաձգել դատական նիստը եւ այն նշանակել ապրիլի 6-ին:

Նշենք, որ դատարանում ուժեղացված հսկողություն էր սահմանվել. պատճառն այն է, որ այս գործով նիստերն անցնում են լարված մթնոլորտում:

Նիստի ավարտին տուժող կողմը եւ, մասնավորապես, Միշա Օզմանյանը չցանկացան պատասխանել լրագրողների հարցերին:  Դահլիճում ներկա եզդիները պարբերաբար հայհոյանքներ ու անեծքներ են ուղղում գործով ամբաստանյալ Թելման Քալաշյանի հասցեին:

Համաձայն մեղադրական եզրակացության՝ Թելման Քալաշյանը 2017-ի օգոստոսի 1-ին Արագածոտնի մարզի Շամիրամ համայնքի գերեզմանատանը կից սգո սրահում, շատերի կյանքի համար վտանգավոր եղանակով, կատարել է չորս անձի սպանություն: Բացի այդ՝ նա 1999թ. ապօրինի կերպով ձեռք է բերել, պահել հրազեն եւ ռազմամթերք, 2012թ. դեկտեմբերից մինչեւ 2014թ. նոյեմբերն ընկած ժամանակահատվածում կատարել է վաշխառություն, որի հետեւանքով տուժողներն ընկել են նյութական ծանր կացության մեջ, 2017թ. օգոստոսի 17-ին էլ կատարել է սուտ մատնություն:

Այսպիսով`Քալաշյանին մեղադրանք է առաջադրվել ՀՀ քրեական օրենսգրքի` միաժամանակ 4 հոդվածների հատկանիշներով: Շուրջ 24 օր հետախուզման մեջ գտնվող Քալաշյանը հայտնաբերվել էր 2017 թ. օգոստոսի 25-ին եւ ներկայացվել վարույթն իրականացնող մարմնին։ Այս գործով ամբաստանյալի կարգավիճակում է նաև Թելման Քալաշյանի հորեղբայրը` Քյարամ Քալաշյանը: Նա մեղադրվում է առանձնապես ծանր հանցագործությունը պարտակելու համար: Համաձայն գործի նյութերի՝ սգո դուրս գալուց հետո Քալաշյանի հորեղբայրը մեկ այլ ավտոմեքենայով գնացել է Քալաշյանի մոտ, եւ միասին դիմել են փախուստի:

Տպել
3023 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ