Կեմերովոյի հայ համայնքն այսօր մասնակցելու է հրդեհի զոհ Գալանի-Խումարյանների հոգեհանգստին

Ռուսաստանի հայերի միության Կեմերովոյի գրասենյակի ղեկավար Գեորգի Անտոնով-Միրզախանյանը ՀԺ-ին հայտնել էր, որ երեկ արդեն պարզվել է, որ մարտի 25-ին «Զիմնյայա վիշնյա» առեւտրի կենտրոնում բռնկված մահաբեր հրդեհի զոհերի ցուցակում երկու հայ կա. զոհերի թիվը հասել է 76-ի: 

Գեորգի Անտոնով-Միրզախանյանը տեղեկացրել էր, որ ազգությամբ հայ զոհերը հայր եւ որդի են, բայց ռուսական ազգանուններով՝ Գալանին Դմիտրի Սարգիսի եւ Գալանին Միխայիլ Դմիտրիի: Հայրը ծնվել է 1975 թվականին, որդին՝ 2008: 

«Փաստաթղթերում իրենք ռուսներ են համարվում, բայց Դմիտրիի հայրը Սարգիս Կարապետի Խումարյանն է՝ ծննդով Ախալցխայից, վրացահայեր են: Բայց քանի որ Սարգիս Խումարյանը կնոջից բաժանված է եղել, տղային՝ Դմիտրիին, տվել է մոր ազգանունը՝ Գալանին, եւ բնականաբար՝ տղայի տղան էլ Գալանին է: Դմիտրին Խումարյանի հարազատ տղան է: Թե՛ Դմիտրիի, թե՛ Միխայիլի մայրերը ռուսներ են: Ու քանի որ ամուսնալուծված են եղել, ծննդյան վկայականներում գրել են, որ ռուսներ են: Միայն այսօր, երբ ճշտեցին հայրանունները, պարզվեց, որ դա Սարգիսի տղան եւ թոռն են»,- ՀԺ-ի հետ զրույցում ասել էր Գեորգի Անտոնով-Միրզախանյանը:

Կառավարական հանձնաժողովն այսօր կազմակերպելու է ազգությամբ հայ հայր եւ որդի Դմիտրի Գալանինի եւ Միխայիլ Գալանինի հոգեհանգիստը: Կեմերովոյի հայ համայնքը մասնակցելու է հոգեհանգստին:

- Պարոն Միրզախանյան, ի՞նչ վիճակ է այժմ քաղաքում, իրավիճակը հանդարտվե՞լ է:

- Այո, հանդարտվել է, երեկ չէ անցած օրը այլ վիճակ էր, երեկ այլ վիճակ էր, այսօր լրիվ հանգիստ էր:

- Ցույցեր եւ բողոքներ էլ չկա՞ն:

- Չէ, այսօր ցույց անող չի եղել, ամեն ինչ հանգիստ է, արդեն լուրջ մտածում են հրդեհի պատճառները հայտնաբերելու ուղղությամբ: Հենց այսօր Կեմերովոյի մարզպետն իշխանության 4 ղեկավարի ազատեց աշխատանքից, Մոսկվայի բարձրակարգ բժիշկներն այստեղ են եկել:

- Քանի՞ հոգու են արդեն հուղարկավորել:

- Հուղարկավորություն դեռ չի կարող լինել (թեեւ երեկ ռուսական ԶԼՄ-ները հաղորդում էին, որ 14 հոգու հուղարկավորություն է կատարվել-հեղ.), մինչեւ գենետիկ անալիզների պատասխանը չգա, դա 2-3 շաբաթվա մեջ է ճշտվում:

- Բայց արդեն նկարներ են տարածվել, որ մի քանիսին հուղարկավորել են:

- Սուտ ինֆորմացիա է, ճշտվում են գենետիկ կապերը, մինչեւ դա չճշտվի, ոչ մի հուղարկավորություն չի լինելու:

- Իսկ քանի՞ հոգու դիակ դեռ չի ճանաչվել:

- 76-ից ճանաչվել է 25 հոգու դիակ, մնացածը դեռ չի ճանաչվել, ճանաչումը պիտի անի Մոսկվայի լաբորատորիան:

Տպել
902 դիտում

ԵՊՀ հոգաբարձուների նոր խորհուրդը օրակարգային հարց կդարձնի՞ ռեկտորի հետագա պաշտոնավարման նպատակահարմարությունը

Շիրակի մարզպետի տեղակալը պաշտոնից ազատվելու դիմում է գրել

Դատավոր Արսեն Նիկողոսյանի տրամադրվածությունն ակնհայտ էր. Մանվել Գրիգորյանի պաշտպանները ստացել են դատարանի որոշումը

Ալիևը մեկնաբանել է Ադրբեջանի՝ ՀԱՊԿ անդամակցության հավանականության հարցը

Նիկոլ Փաշինյանն ու Իլհամ Ալիեւը հանդիպել են, մտքեր փոխանակել շուրջ 1,5 ժամ

Հանդիպել են Ղազախստանում ՀՀ դեսպանն ու երկրի պետական քարտուղարը

Այս պարագայում ես կարծիք չունեմ. դպրոցի տնօրենը՝ նախարարի ֆեյսբուքյան գրառման մասին

Նիկոլ Փաշինյանը հանդիպել է Բրազիլիայի նախագահի, Լյուքսեմբուրգի և Եգիպտոսի վարչապետների հետ

Ռոբերտ Քոչարյանի պաշտպանները երեկ ստացել են դատարանի որոշումը

Արարատ Միրզոյանն ընդունել է ՀՀ-ում Շվեդիայի Թագավորության դեսպանին

Վաղարշյան 1 հասցեի վիճաբանությունը կրակոցներով չի սահմանափակվել. բնակիչներն ահազանգում են՝ իրենց ահաբեկում են

Նիկոլ Փաշինյանը Դավոսում հանդիպելու է Իլհամ Ալիևի հետ

Հայտարարություն մրցույթի մասին

Նիկոլ Փաշինյանը հարցազրույցներ է տվել միջազգային առաջատար մի շարք լրատվամիջոցների

Մի երկու տարի կնստես, կհելնես, գողական աղջիկ կդառնաս. հետաքննիչները հերքել են Հասմիկ Սարգսյանի ցուցմունքները

Մեղադրանք է առաջադրվել 20-ամյա երիտասարդին՝ ատրճանակով ու պայթուցիկով սպառնալու, ավազակության համար

Կապված Լարսի ճանապարհների փակ լինելու հետ՝ հեղուկ գազի որոշակի դեֆիցիտ է առաջացել. Շաբոյան

ՀՀ ֆուտբոլի ֆեդերացիան կանանց 3 ազգային ընտրանի կունենա

Նվազել են գրիպով պայմանավորված շտապօգնության կանչերը և հոսպիտալացման դեպքերը

Կրակոցներ Արարատի մարզում. կան վիրավորներ ու վնասված ավտոմեքենաներ