Առաջիկայում նոր գյուղապետներ կձերբակալվեն Շիրակի մարզում. ՇՄ դատախազն ասուլիս է հրավիրել

Շիրակի մարզի դատախազությունում ասուլիս է հրավիրվել՝ կոռուպցիոն չարաշահումների դեպքերի հետ կապված: Մեղրաշատ եւ Իսահակյան համայնքների նախկին գյուղապետեր Արտավազդ Արսենյանն ու Վահրամ Սաղաթելյանը, օգտագործելով ունեցած պաշտոնական դիրքերը, յուրացման եղանակով հափշտակել են առանձնապես խոշոր չափերի՝ շուրջ 3 միլիոն դրամից ավելի գումար։ «Չարաշահումը հայտնաբերվել է տեղական սերմարտադրողներից և ՌԴ-ից աշնանացան ցորենի սերմացուի ձեռքբերման, բաշխման գործընթացում պետական շահերի պաշտպանության վիճակի ուսումնասիրման ժամանակ»,-հրավիրված ասուլիսում տեղեկացրել է ՇՄ դատախազ Կարեն Գաբրիելյանը: Ուսումնասիրություններ են կատարվել 47 համայնքում, 19-ում հայտնաբերվել են բացահայտ խախտումներ: 5 քրեական գործ կա արդեն հարուցված:

«Այս ոլորտում նյութերի նախապատրաստումը շարունակվում է, ես համոզված եմ, որ ունենալու ենք այլ քրեական գործեր եւս, հիմա հորդորում եմ բոլոր այն համայնքապետներին, ովքեր դրսեւորել են նման վարքագիծ, միջոցներ ձեռնարկեն պետությանը պատճառված վնասը փոխհատուցելու ուղղությամբ»,- կոչ է արել ՇՄ դատախազը: Անդրադառնալով արդեն որպես կասկածյալներ ձերբակալված Իսահակյան եւ Մեղրաշատ համայնքների նախկին գյուղապետեր Արտավազդ Արսենյանին եւ Վահրամ Սաղաթելյանին՝ դատախազ Կարեն Գաբրիելյանը նշել է, որ նրանք դեռ կասկածյալի կարգավիճակում են, եւ, եթե պետությանը պատճառած վնասը փոխհատուցեն, հնարավոր է երկուսի նկատմամբ էլ քրեական ներգործության միջոցները մեղմվեն: Ասվածը նաեւ վերաբերվում է դեռ չձերբակալված օրինազանցներին:

«Էդ ես վստահեցնում եմ, հաստատ, մարդիկ չեն ձերբակալվի, եթե ձերբակալվածներ էլ վերականգնեն, նրանց նկատմամբ խափանման միջոցը կփոխվի: Անազատության հետ կապված խափանման միջոց չի ընտրվի»,-ասել է դատախազը:

Այս պատմությունը ջրի երես դուրս եկավ այն ժամանակ, երբ կառավարության որոշմամբ սերմացուի դիմաց ունեցած պարտքերը ներելու որոշում կայացվեց: 2012-16թթ. ժամանակահատվածի ուսումնասիրությունից էլ պարզվեց, Շիրակի մարզում առկա են խոշոր չափերի յուրացման դեպքեր: Գործում կան գյուղացիներ, ում անուն-ազգանուններն առկա են որպես պարտք ունեցողներ, նրանք, սակայն կամ սերմացու չեն վերցրել, կամ էլ վերցրածի դիմաց վաղուց են վճարումներ արել:

«Իսահակյան համայնքում մոտ 41 գյուղացու է վերաբերվում, Մեղրաշատում՝ 9-ը: Անձինք, ովքեր ներառված են էդ պարտքացուցակներում, որոնց պարտքը զիջվել է պետության կողմից, ուսումնասիրության ընթացքում պարզվել է, որ նրանք գումարը փոխանցել են գյուղապետին, սակայն գյուղապետն այն չի մուտքագրել պետական բյուջե»,- ասել է Կարեն Գաբրիելյանը:

Հիշեցնենք, որ ՇՄ դատախազությունը մարտի 29-ին տարածել էր հաղորդագրություն, որում, մասնավորապես, ասվում է. «2018 թվականի մարտի 17-ին նյութեր նախապատրաստելու համար ՀՀ ոստիկանության Շիրակի մարզային վարչության Ամասիայի բաժին են ուղարկվել մարզի Մեղրաշատ և Իսահակյան համայնքների իրավասու պաշտոնատար անձանց կողմից թույլ տրված առերևույթ չարաշահումների վերաբերյալ նյութերը, որոնց նախապատրաստման ընթացքում ձեռք բերված փաստական տվյալներով պարզվել է, որ նշված համայնքների ղեկավարները, նպատակ ունենալով աշնանացան ցորենի բաշխման գործընթացում հափշտակել համայնքի բնակիչներին հասանելիք սերմացուն, 2012-2016թթ. ընթացքում Մեղրաշատ համայնքի թվով 23 և Իսահակյան համայնքի թվով 7 բնակչի տվյալները ձևականորեն ներառել են պետական աջակցության ծրագրի շրջանակներում տրամադրվող աշնանացան ցորենի սերմացուի բաշխման ցուցակներում, սակայն նրանց անվամբ դուրս գրված սերմացուն վերջիններին հատկացնելու փոխարեն, օգտագործելով իրենց պաշտոնեական դիրքը, յուրացման եղանակով հափշտակել են: Բացի այդ, Իսահակյան համայնքի ղեկավարը շահառու 4 այլ բնակիչների տվյալներով ելքագրված սերմացու ցորենից միայն մի մասն է հանձնել վերջիններին, իսկ նրանց անվամբ ելքագրված մնացած մեծ մասն անձամբ ստացել և տնօրինել է` հափշտակելով նաև դրա մի մասը:

Այնուհետև, հափշտակության հանգամանքը թաքցնելու շահադիտական դրդումներից ելնելով՝ համայնքների ղեկավարներն անձամբ կազմել և իրենց ստորագրությամբ ու համայնքապետարանի կնիքով հաստատել են աշնանացան ցորենի առաջին վերարտադրության սերմացուի ստացումը հավաստող բովանդակությամբ կեղծ բաշխացուցակներ, որոնցում ներառել են նաև այն բնակիչների տվյալները, ովքեր կամ առհասարակ սերմացու ցորեն չեն ստացել կամ ստացել են նշվածից շատ ավելի քիչ քանակությամբ և դրանք հանձնել Շիրակի մարզպետարանին:

Վերոգրյալից բացի, համայնքների ղեկավարներն առանձին-առանձին նույն ժամանակահատվածում ստացված սերմացու ցորենի դիմաց Մեղրաշատ համայնքի թվով հինգ և Իսահակյան համայնքի թվով 28 բնակիչների կողմից համայնքապետարանների աշխատակիցներին վճարած գումարները և բնամթերքը (ցորենը) չեն մուտքագրել համայնքների բյուջե, գումարները չի փոխանցել «Սերմերի գործակալություն» ՊՈԱԿ հաշվեհամարին, այլ, օգտագործելով իրենց պաշտոնեական դիրքը` յուրացման եղանակով հափշտակել են և իրենց կողմից սերմացու ցորենի հափշտակության հանգամանքը թաքցնելու նպատակով աշնանացան ցորենի առաջին վերարտադրության սերմացու տրամադրելու բովանդակությամբ կեղծ բաշխացուցակները տրամադրել են Շիրակի մարզպետարանին, որոնցում համայնքների բնակիչների կողմից կատարված վճարումները ներառված չեն եղել:

Արդյունքում, ստացած սերմացուի դիմաց Մեղրաշատ համայնքի բնակիչների անվամբ կուտակված ընդհանուր 6.432.000 ՀՀ դրամ և Իսահակյան համայնքի բնակիչների անվամբ կուտակված ընդհանուր 10.918.000 ՀՀ դրամ գումարների պարտքը հետագայում, կառավարության համապատասխան որոշմամբ, զիջվել են պետության կողմից»։

Տպել
1516 դիտում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար

Ֆեմիդա. նոր դատական համակարգ` հին դատավորներով

ԳԱԱ. ժողովում լուրջ հարցեր են քննարկվելու

Ոստիկանության Մուշի, Կումայրիի, Անիի եւ Արթիկի բաժիններում քաղաքացիները զենքեր են հանձնել

Սամվել Ալեքսանյանի «Ալեքս Հոլդինգը» 2018 թվականին կտրուկ նվազեցրել է իր հարկային մուտքերը․ ՊԵԿ