Ժանգոտ փուչիկները 25 հազար նստեցին վրես, ջիգյարդ ուտեմ. գաղտնալսում զինված խմբի գործով

2015 թվականի նոյեմբերի 25-ին ԱԱԾ-ի կողմից մեծ աղմուկով վնասազերծված զինված խմբի գործով այսօրվա դատական նիստի ընթացքում հրապարակվեցին զինված խմբի պարագլուխ համարվող Արթուր Վարդանյանի եւ գործով անցնող մի շարք անձանց միջեւ տեղի ունեցած հեռախոսային խոսակցությունների գաղտնալսումները:

Դրանք, սակայն, մեղմ ասած, լսել չէին դահլիճում ներկա գտնվող լրագրողների համար. նիստերի մեծ դահլիճում հեռախոսային խոսակցությունների գաղտնալսումները հրապարակվում էին նիստերի քարտուղարուհու մոտ գտնվող երկու փոքր բարձրախոսներով: «Ջիգյարդ ուտեմ, ցավդ տանեմ, մեռնեմ ջանիդ, լավ ախպերս, մեռնեմ քեզ դու իմ համար ուրիշ ես»,- սրանք խոսակցությունների այն հատվածներն են, որոնք հստակ լսվում էին:

Հեռախոսային խոսակցության գաղտնալսումներից մեկում Արթուր Վարդանյանը զանգահարում է սույն գործով ամբաստանյալի աթոռին հայտնված Մարինե Կաթանյանին եւ խոսում գումարի մասին: Ըստ ամենայնի՝ այդ գումարը Կաթանյանը պետք է փոխանցեր իրեն. «140 հազար դրամ՝ արագի մեջ»,- այսքանը լսվեց խոսակցությունից:

Մի քանի գաղտնալսումներ էլ հրապարկվեցին Արթուր Վարդանյանի եւ գյումրեցի վարորդ Հակոբ Հակոբյանի հետ տեղի ունեցած խոսակցություններից:  Հակոբ Հակոբյանը սույն գործի անջատված մասով դատապարտյալ է: Նա խմբի անդամներին տաքսի ծառայություն է մատուցել, բացի այդ՝ զենք-զինամթերք է հայթայթել ու վաճառել Արթուր Վարդանյանին: Իր այդ արարքի համար նա դատապարտվել է 3 տարվա ազատազրկման:

Արթուր Վարդանյանը Հակոբ Հակոբյանին դիմում էր «ուստ ջան», «ջիգյարդ ուտեմ», «մեռնեմ քեզ, դու իմ համար ուրիշ ես» արտահայտություններով, այս հատվածներն էին, համենայնդեպս, լսելի դահլիճում գտնվողների համար: «Փուչիկները 25 հազար նստավ վրես… Էն բաների մի հատն էլ ժանգոտված էր, ասի՝ հետ տար… Ասի՝ ուստեն բերել ա 90-ով, բայց թափ-թազա, յաշիկով ա բերել, ոչ թե՝ ժանգոտված, նա էլ թե՝ շան տղա ըլնեմ, իմը չի…»: Ժանգոտ փուչիկը, ըստ ամենայնի վերաբերում էր հենց զենք-զինամթերքին: Ապա՝ դիմելով Հակոբյանին՝ Արթուր Վարդանյանն ասում է, որ որդու մասին չմտածի: Նշենք, որ Արթուր Վարդանյանը Հակոբ Հակոբյանի որդուն զինծառայության հարցում ինչ-որ աջակցություն էր խոստացել, խոսակցություններից մեկի ժամանակ Հակոբ Հակոբյանին Արթուր Վարդանյանն ասում է. «Քու էրեխու վրով 90 տոկոսով էլած բան ա… Տես՝  100 տոկոս չեմ ասում, չնայած՝ էլած բան ա… Հարց չկա…»: Հրապարակված գաղտնալսումներից մեկում էլ Արթուր Վարդանյանը Վահագն Սալնազարյանին (գործով ամբաստանյալ) հանձնարարել է ինչ-որ Յուրայի Նոյեմբերյան տանել: Թե ինչ նպատակով լսելի չէր: Արդեն Նոյեմբերյան հասած Յուրային Արթուր Վարդանյանը հորդորում է զգույշ լինել, ինչի պատասխան Յուրան ասում է.  «Դու գիտես իմ զգուշավորության սահմանը, ես սաղին զգուշացրել եմ…մեկ օրվա գործ չի»:

Նիստի ավարտին լրագրողները Արթուր Վարդանյանի պաշտպան Սիրուշ Աղվանյանից խնդրեցին հստակեցնել, թե ի՞նչ փուչիկի մասին է խոսքը եւ այս խոսակցություններով ի՞նչ է հիմնավորվում: Ի պատասխան, սակայն Աղվանյանն ասաց, որ հրապարակված հեռախոսազրույցների վերաբերյալ ոչ մի մեկնաբանություն ո՛չ ինքը, ո՛չ իր պաշտպանյալ Արթուր Վարդանյանը չեն կատարի: «Դրանք մեղադրանքի կողմի ապացույցներն են, մեղադրանքի կողմը դրանք պետք է ամփոփի եւ մեղադրական ճառում ասի, թե ինչպես է հիմնավորում մեղադրանքը: Շատ բաներ մեզ համար էլ հստակ չեն... խոսակցություններից մի քանիսում ես հարցրի՝ այ ստեղ ի՞նչ ես ասել, ինքն ասաց, որ դա ընդհանրապես մեղադրանքի հետ կապ չունի: Ավելի ճիշտ կլինի Արթուր Վարդանյանն իր ցուցմունք անդրադառնա այդ հարցին»,- ասաց Սիրուշ Աղվանյանը: Հարցին, թե ի վերջո ինչ փուչիկի մասին է խոսքը, որն այդքան գումար է արժեցել, պաշտպանը դարձյալ չպատասխանեց՝ նշելով, որ դա հետագայում կմեկնաբանվի: Սիրուշ Աղվանյանի խոսքով, իր պաշտպանյալին առաջադրված մեղադրանքները կոպտագույն խախտումներով են առաջադրվել, նման պարագայում այս պահի դրությամբ այս գործը պետք է շարունակություն չունենար:

Այսօրվա նիստը հետաձգվեց Արթուր Վարդանյանի առողջական վատ վիճակի պատճառով. համենայնդեպս՝ այդպես հայտարարեց նրա պաշտպանը: Տեղեկացանք, որ նրա համար այսօր նույնիսկ շտապօգնություն էր հրավիրվել դատարան: Մեր հարցին, թե ի՞նչ առողջական խնդիրներ ունի Վարդանյանը, պաշտպանը պատասխանեց. «Արթուր Վարդանյանի առողջական վիճակը 2017 թվականի հուլիսից սկսած՝ վատանում է: Նա մինչեւ այսօր թույլ չէր տալիս դրա մասին խոսել, բայց արդեն ի վիճակի չէ նստել դատական նիստին: Նրան հետազոտությունների ենթարկել են, բայց մենք չենք վստահում տրված եզրակացություններին, համալիր գործողություններ են պետք: Օրինակ, այսօր նա բողոքում էր լյարդի ցավից, ասում էր, որ ցավը տալիս է թոքերին»,- ասաց Աղվանյանը:

Նրա խոսքով՝ հուլիսի կեսերից Արթուր Վարդանյանի ջերմությունը տատանվում է 37-38 աստիճանների միջեւ եւ Վարդանյանին քաղաքացիական հիվանդանոց չեն տեղափոխել, դատապարտյալների հիվանդանոցում է եղել, հետազոտության համար մասնագետներ են հրավիրվել, բայց կատարված հետազոտությունները բավարար չեն: «Եթե նշանակված բուժումը արդյունք տար, այսօր նա այս վիճակում չէր լինի»,- ասաց պաշտպանը:

Սույն գործով հաջորդ դատական նիստը տեղի կունենա ապրիլի 6-ին:

Տպել
4901 դիտում

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում

«Շախմատ» առարկայի դասավանդման կողմնակից եմ. Արայիկ Հարությունյան