Քառօրյա պատերազմի զոհերին խոշտանգելու դեպքով հարուցված 6 քրգործը կասեցվել է

Ապրիլյան պատերազմի օրերին ադրբեջանցիների կողմից Պաշտպանության բանակի զինծառայողների սպանության եւ նրանց մարմինների խոշտանգումների դեպքերի առթիվ հարուցված 6 քրեական գործի վարույթը Արցախի իրավապահները կասեցրել են հանցագործություն կատարած անձի ինքնությունը հայտնի չլինելու հիմքով:

Տեղեկությունը մեր զրույցում հաստատեց ՄԻԵԴ-ում ապրիլյան զոհերի հարազատների ներկայացուցիչ Արտակ Զեյնալյանը: «Քրեական գործից այն նյութերը, որոնք տրամադրվում են տուժողին, ներկայացված են Եվրոպական դատարանին»,- հավելեց Զեյնալյանը:

Ապրիլյան պատերազմի օրերին ադրբեջանցիների կողմից խոշտանգված զինվորականների եւ խաղաղ բնակիչների, ինչպես նաեւ պատերազմի հետեւանքով տեղահանված խաղաղ բնակիչների գործերով 359 հայց է ներկայացված Մարդու իրավունքների եվրոպական դատարան։ Այս դիմումների մեծ մասը հենց 2016 թ-ին, արագացված ձեւով ընդունվել է վարույթ եւ ներկայումս գտնվում է քննարկման փուլում: Թե երբ կսկսվի գործի քննությունը, դեռ հայտնի չէ:

Անդրադառնալով հարուցված քրեական գործերին, նշենք, որ ապրիլյան պատերազմից մեկ ամիս հետո Արցախի դատախազությունը հայտնեց հարուցված քրեական գործերի, ինչպես նաեւ՝ ստացված փորձաքննությունների մասին: Քրեական գործը հարուցված է եղել ԼՂՀ քրեական օրենսգրքի 416 հոդվածի 6-րդ մասով (Միջազգային մարդասիրական իրավունքի նորմերի լուրջ խախտումները զինված ընդհարումների ժամանակ):

Ստորեւ ներկայացնում ենք Արցախի դատախազության կողմից ներկայացված սահմռկեցուցիչ մանրամասները ադրբեջանական վայրագություններից:

2016 թվականի ապրիլի 02-ից 05-ն ընկած ժամանակահատվածում Ադրբեջանի Հանրապետության զինված ուժերը ռազմական հարձակում են իրականացրել Լեռնային Ղարաբաղի Հանրապետության զինված ուժերի N զորամասի պահպանության տակ գտնվող մարտական դիրքերի վրա, որի արդյունքում առաջացած զինված ընդհարման ժամանակ Ադրբեջանի Հանրապետության զինծառայողները սպանել են վերը նշված զորամասի բազմաթիվ զինծառայողների, որոնցից նույն զորամասի ժամկետային զինծառայող, շարքային ազգությամբ եզդի Քյարամ Սլոյանին սպանելուց հետո, միջազգային մարդասիրական սովորութային իրավունքի 35-րդ գլխի 113-րդ կանոնի լուրջ խախտմամբ՝ անարգանքի են ենթարկել վերջինիս դիակը` գլխատելով նրան:

Անարգանքի են ենթարկել նաեւ մայոր Հայկ Թորոյանի դիակը. նրան սպանելուց հետո միջազգային մարդասիրական սովորութային իրավունքի 35-րդ գլխի 113-րդ կանոնի լուրջ խախտմամբ՝ անարգանքի են ենթարկել վերջինիս դիակը` գլխատելով նրան:

Ռաֆիկ Հակոբյանին եւ Աղասի Ասատրյանին սպանելուց հետո, միջազգային մարդասիրական սովորութային իրավունքի 35-րդ գլխի 113-րդ կանոնի լուրջ խախտմամբ՝ անարգանքի են ենթարկել վերջիններիս դիակը` կտրելով ականջները:

2016 թվականի ապրիլի 02-ից 05-ն ընկած ժամանակահատվածում Ադրբեջանի Հանրապետության զինված ուժերը ռազմական հարձակում են իրականացրել Լեռնային Ղարաբաղի Հանրապետության զինված ուժերի N զորամասի պահպանության տակ գտնվող մարտական դիրքերի վրա, որի արդյունքում առաջացած զինված ընդհարման ժամանակ Ադրբեջանի Հանրապետության զինծառայողները սպանել են վերը նշված զորամասի բազմաթիվ զինծառայողների, որոնցից նույն զորամասի ժամկետային զինծառայողներ, շարքայիններ Անդրանիկ Զոհրաբյանի եւ Ռոբերտ Աբաջյանի սպանվելուց հետո, միջազգային մարդասիրական սովորութային իրավունքի 35-րդ գլխի 113-րդ կանոնի լուրջ խախտմամբ՝ անարգանքի են ենթարկել վերջիններիս դիակները` կտրելով ականջները:

Փոխգնդապետներ Ալեքսան Առաքելյանին, Օնիկ Գրիգորյանին, Ռոման Պողոսյանին, մայոր Սուրեն Մելքումյանին, ավագ լեյտենանտ Մաքսիմ Գրիգորյանին, շարքայիններ Ժորա Եսայանին, Բագրատ Ալեքսանյանին, Բորիս Օզմանյանին, Գրիգոր Հարությունյանին, սերժանտ Ադամ Սահակյանին եւ պայմանագրային զինծառայող, շարքային Անդրանիկ Գրիգորյանին սպանելուց հետո անարգանքի են ենթարկել վերջիններիս դիակները` կտրելով ականջները:

Ժամկետային շարքային զինծառայող Տիգրան Բերակչյանին սպանելուց հետո`կտրել են դիակի ականջներն ու աջ ձեռքի 2-րդ եւ 3-րդ մատները: Ժամկետային զինծառայող, սերժանտ Արման Անդրասյանին սպանելուց հետո` կտրել են դիակի ձախ ականջը, նաեւ պարանոցին ու կրծքավանդակին կատարելով կտրվածքներ:

Ըստ դատախազության տարածած հաղորդագրության՝ շարքային Ազատ Սիմոնյանին սպանելուց հետո կտրել են դիակի աջ դաստակի առաջին մատը, ինչպես նաեւ հանել լեյտենանտ Աշոտ Շահբազյանի դիակի ձախ աչքը:

Սույն փաստերի առթիվ ԼՂՀ գլխավոր դատախազ Արթուր Մոսիյանը ԼՂՀ քրեական օրենսգրքի 416-րդ հոդվածի 6-րդ մասով հարուցել էր քրեական գործ եւ նախաքննություն կատարելու համար ուղարկել ԼՂՀ ոստիկանության քննչական վարչություն:

Նյութը տպագրվել է «Հայկական ժամանակ» օրաթերթի ապրիլի 3-ի համարում:

Տպել
3584 դիտում

Հոկտեմբերի 20-21-ը ջերմաստիճանը կնվազի 6-7 աստիճանով, որոշ շրջաններում անձրեւ է սպասվում

Հրդեհ է բռնկվել Զորավան գյուղի սկզբնամասում՝ բրիկետների արտադրամասի տարածքում

Նիկոլ Փաշինյանը հանդիպում է զոհված զինծառայողների մայրերի հետ (տեսանյութ)

Սիրիայի վրա հարձակումը քննադատելու համար Թուրքիայում բերման է ենթարկվել 186 մարդ, ձերբակալվել՝ 24-ը

«Զվարթնոց» օդանավակայանի 25-ամյա հաշվառողը բռունցքով հարվածել է իր հետ վիճող քաղաքացուն

Շիրակի մարզում 3 ավտոմեքենայի բախման հետևանքով 3 հոգի տեղափոխվել է հիվանդանոց

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները