«Սան Ռեմո» երգի միջազգային մրցույթում Հայաստանի պատանի մասնակցին ընտրել են տնավարի

Իտալիայում ապրիլի 19-ին կայանալիք երգի միջազգային «Սան Ռեմո» պատանեկան մրցույթին այս տարի առաջին անգամ կմասնակցի նաեւ Հայաստանը: Մեր երկրում անցկացված ընտրությունը, սակայն արդեն իսկ հասցրել է վիճահարույց դառնալ, իսկ ի վերջո, Իտալիայում Հայաստանը կներկայացնի միայն մեկ մասնակից՝ նախապես հայտարարված երկուսի փոխարեն:   

Մրցույթի հայաստանյան եզրափակիչ փուլի ավարտից հետո ՀՀ մշակույթի նախարարությունը, մասնավորապես, տեղեկացրել էր. «Ժյուրին հաղթող ճանաչեց Դիլիջանի արվեստի պետական քոլեջին կից երաժշտական դպրոցի սան Համլետ Բադալյանին (դասատու Վարազդատ Հովհաննիսյան, տնօրեն Հասմիկ Մկրտումյան) եւ Իջեւանի միջնակարգ երաժշտական դպրոցի սան Գոռ Հարությունյանին (դասատու Ռուզան Մատինյան, տնօրեն Աիդա Սարգսյան): Մասնակիցներն Իտալիայի Սան Ռեմո քաղաքում Հայաստանի դրոշի ներքո ելույթ կունենան ապրիլի 19-ին»: Հաղորդագրությունը դեռ կարելի է գտնել մշակույթի նախարարության ֆեյսբուքյան էջում:

Բայց ավելի ուշ պարզվել է, որ 11-ամյա Գոռը մրցույթին չի մասնակցելու: Նրա մոր՝ Լարիսա Ծովանյանի տեղեկացմամբ, մրցույթի հայաստանյան կազմակերպիչները Գոռի մասնակցության վերաբերյալ մեկ դրական, մեկ բացասական պատասխան տալուց հետո, նախորդ ուրբաթ արդեն հայտնել են, որ նա Իտալիայում ելույթ ունենալ չի կարող եւ որ ցանկության դեպքում կարող է այնտեղ մեկնել՝ ուղղակի վարպետության դասեր ստանալու:

«Իրենց ասելով՝ Իտալիան թույլ էր տալիս, որ երկու մասնակից գնա, ու ընտրել են երկուսին: Մրցույթից հետո՝ մարտի 15-ին, մեզ կանչեցին ստուդիա՝ Գոռին ձայնագրելու: Մենք չգիտեինք՝ ինքը հաղթել է, թե՝ չէ, ուղղակի կանչեցին, որպեսզի լավագույնների միջեւ ընտրություն կատարեն, իրենք ինչ-որ մտորումների մեջ էին: Մրցույթի ավարտին նույնպես ոչ մի հաղթողի անուն չէին հայտարարել, ընդամենը ասել էին՝ բոլորդ գնացեք տուն, մենք զանգի միջոցով ձեզ կտեղեկացնենք: Ոչ մի միավոր չի շեշտվել, մենք չենք իմացել ընդհանրապես, թե մեր երեխաները ինչ միավորներ են հավաքել: Ստուդիայում էլ երեխային ձայնագրեցին, մեզ ուղարկեցին տուն, ասացին երկու ժամից պատասխան կասենք»,- տեղի ունեցածը ներկայացրեց Գոռի մայրը: Զանգ չստանալով՝ իրենք են կապ հաստատել մրցույթի կազմակերպիչների հետ ու տեղեկացել, որ տղայի Իտալիա մեկնելու դեպքում ճանապարհի եւ կեցության ծախսերը իրենք պետք է հոգան: Ընդհանուր առմամբ՝ 2 հազար եվրո: Սա անակնկալ է եղել երեխայի ծնողների համար եւ նրանք մտածելու համար մի քիչ ժամանակ են խնդրել:

«Ամուսինս երկրորդ խմբի զինվորական թոշակառու է, 90-ականների Ղարաբաղյան կռիվների մասնակից: Այնպես չէ, որ այդ գումարը իմ փափուկ բարձի տակ դրած է, ես մտածելու բան չունեի, ուղղակի իմ երեխայի ապագայի համար փորձում էինք ելքեր գտնել»,- ասաց Լարիսա Ծովանյանը: Մի քանի ժամվա ընթացքում ամուսիններին հաջողվել է պարզել, որ հարազատները հնարավորության չափով գումարով կօգնեն, գումարի կեսն էլ խոստացել է տրամադրել Իջեւանի քաղաքապետը: «Զանգահարեցինք իրենց, որ ասենք՝ մենք համաձայն ենք, պատասխանեցին, որ արդեն ուրիշ երեխա է գնում Գոռի փոխարեն: Ու երբ ասացինք՝ բայց մենք չենք հրաժարվել, առաջարկեցին մի քիչ մտածել եւ զանգահարել մեզ: Որոշ ժամանակ անց զանգեցին, ասացին՝ Գոռն էլ կարող է գնալ, իրենք կայքերում հրապարակել են երկու մասնակից՝ հավասար միավորներ հավաքած»,- տեղեկացրեց Լարիսա Ծովանյանը: Այժմ, երբ նորից պարզվել է, որ Գոռը ելույթ չի ունենալու, ծնողները որոշել են նրան Սան Ռեմո չուղարկել՝ եթե դահլիճում է նստելու որպես հանդիսատես:    

Հայաստանյան ընտրական փուլի հանձնաժողովի ղեկավար Կարինե Ավդալյանը, մեկնաբանելով ստեղծված իրավիճակը, նշեց, որ Համլետ Բադալյանը ստացել է 60 միավոր, իսկ Գոռ Հարությունյանը՝ 42: Բայց ինքը, տեսնելով, որ Գոռը սահմանամերձ բնակավայրից է եւ ունի բնատուր ձայն, գտել է, որ նա պետք է խրախուսվի, եւ քանի որ մրցույթի կանոններով հնարավոր է երկու մասնակից ներկայացնել, որոշվել է, որ երկրորդը կլինի Գոռը՝ չնայած ինքը գիտակցում էր, որ տղան էական հաջողություններ չի գրանցի եւ որ նրա հետ դեռ մասնագիտական մեծ աշխատանքի կարիք կա: Իտալական կողմը, սակայն լսելով Գոռի ձայնագրությունը, մերժել է այդ թեկնածությունը:

«Իտալացիները ասում են, որ ինքը չի կարող երգել նվագախմբի հետ: Ասում են՝ դուք առաջին անգամ եք մասնակցում, կարող ենք դեռ միայն մի երեխա ընդունել: Եվ երկրորդ երեխային իրենք չեն հավանել, այսինքն՝ այդ իջեւանցի տղային»,- փոխանցեց հանձնաժողովի նախագահը՝ ավելացնելով, որ նամակագրության միջոցով, որը պահպանվում է, բավական երկար փորձել է բանակցել Գոռ Հարությունյանի համար մասնակցության իրավունք ստանալ, բայց ապարդյուն:  

Ավդալյանը միեւնույն ժամանակ ասաց, որ հայաստանյան մրցույթի արդյունքում եղել են Գոռից բարձր միավորներ ստացած երեխաներ. «60 միավոր հավաքել է առաջին տղան, 42 միավոր՝ ինքը, մեջտեղում կան 57, 56, 55 միավորներ հավաքած երեխաներ: Բայց մենք ոչ մեկին չենք դիմել: Ես ուզեցել եմ սահմանամերձ գոտուց երեխա տանենք, ե՛ս եմ ուզեցել, իմ սխալն է եղել, իմ վատ, հիմար բնավորությունն է եղել, որ ես ուզում եմ մարդկանց լավ լինի եւ դա վատով է նայվում: Ինչ վատ բան ենք արել: Գյումրիից մի հատ այնպիսի ռոքնռոլով երեխա կար, որ... Ես այդ երեխային չանդրադարձա, ոչ էլ Երեւանից մասնակցող 1300 երեխաներին: Դուք չեք պատկերացնում՝ ինչ փայլուն երեխաներ կային, բայց մենք անդրադարձանք իջեւանցի երեխային, որովհետեւ ուզեցինք, որ այդ երեխան գնա»,- շարունակեց հանձնաժողովի նախագահը: Ապա նա զայրացավ մեր դիտարկումից՝ թե ստացվում է՝ սա ոչ թե երգի մրցույթ էր, այլ ըստ բնակավայրի, եւ մեղադրեց փաստերը խեղաթյուրելու մեջ:

Բայց եթե Կարինե Ավդալյանն ասում էր, որ երկրորդ մասնակցին ընտրելը թողնված էր իրենց հայեցողությանը, հանձնաժողովի անդամ Զառա Արամյանը նշեց, որ կանոնների համաձայն երկիրը պետք է ներկայացնեն առավելագույն միավորներ հավաքած երկու մասնակիցները, բայց իրենք Գոռի տվյալներն ուղարկելիս հո չե՞ն ասել, որ նա երկրորդ տեղը չի գրավել:

Ինչ վերաբերում է հայաստանյան մրցույթի ընթացքում մասնակիցների միավորները հայտարարվել-չհայտարարվելուն՝ հանձնաժողովի նախագահը պատասխանեց. «Ես ուզում եմ՝ դուք հստակ իմանաք, մրցույթի անցկացման լիցենզիան բացառապես իմ մենաշնորհն է, ես ինքս եմ գումար մուծել, այդ լիցենզիան բերել եմ Հայաստան: Ո՛չ մշակույթի նախարարն է ինձ գումար տվել, ոչ որեւէ մեկը: Ես մրցույթի ընտրական փուլը բերել, հասցրել եմ Հայաստան, որպեսզի Հայաստանից երեխաներ գնան «Սան Ռեմո»: Եվ մենք բացառապես օբյեկտիվ եւ բաց ձեւով ենք անցկացրել մրցույթը»:

Հ.Գ. Հայաստանյան ընտրական փուլի հանձնաժողովում ընդգրկված են եղել նաեւ Զարուհի Բաբայանը, Նաիրա Գյուրջինյանը, Էդգար Գյանջումյանը, Ավետ Բարսեղյանը եւ ուրիշներ:

Նյութը տպագրվել է «Հայկական ժամանակ» օրաթերթի ապրիլի 3-ի համարում:

Տպել
6988 դիտում

Ախուրյան համայնքում կկառուցվի տեխնիկական միջոցների կայանատեղի և սպասարկման կենտրոն

Լոռու մարզպետը ծանոթացել է Վանաձորում իրականացվող սուբվեցիոն ծրագրերի ընթացքին

Սկսվել են Մյասնիկյանի մանկապարտեզի ցանկապատման և սանհանգույցի հիմնանորոգման աշխատանքները

TAIEX գործիքի շրջանակում օժանդակություն կցուցաբերվի զբոսաշրջության օրենսդրական բարեփոխումներին

ՀՀ տարածքում ավտոճանապարհները հիմնականում անցանելի են․ Սպիտակի ոլորաններում առկա է մերկասառույց

Եռաբլուրում տեղի է ունեցել գնդապետներ Արթուր Սարգսյանի և Սերգեյ Շաքարյանի մահվան տարելիցի հիշատակի արարողություն

Այսօր արդեն երրորդ երկրաշարժն է գրանցվել Բավրայի տարածքում

Հոկտեմբերի 26-ի գիշերը առանձին շրջաններում սպասվում են տեղումներ, լեռնային և նախալեռնային շրջաններում ձյան տեսքով

Կիպրոս-Հայաստան-Հունաստան խորհրդարանական համագործակցության ձևաչափի մեկնարկն առաջնահերթություն է․ ԱԺ նախագահը Կիպրոսում է

Վարդենիսում «Քաղաքացիական պայմանագիր» կուսակցության համայնքապետի թեկնածուն ես եմ. Արամ Մելքոնյան

ԿԳՄՍ փոխնախարարն ընդունել է Սիերա Լեոնեի դեսպանին․ քննարկել են համագործակցության հնարավոր հեռանկարները

Կիպրոսի ԱԳ նախարարն առանձնահատուկ ընդգծել է հայ համայնքի անգնահատելի դերակատարությունը հասարակական և քաղաքական կյանքում

Վիճակի վատթարացման պարագայում կարող ենք գնալ պատվաստումը որոշ չափով պարտադրող մեխանիզմների կիրառման․ Արտակ Բեգլարյան

Կրակոցների ձայներ լսելու դեպքում հորդորում ենք հանրության շրջանում չառաջացնել անհարկի խուճապ․ Մեղրիի համայնքապետարան

Սուրեն Պապիկյանը Զանգեզուրի պղնձամոլիբդենային կոմբինատում ծանոթացել է անելիքներին

Անդրեասյանը և Կոպիրկինը քննարկել են Սահմանադրության, ոստիկանության, հակակոռուպցիոն և այլ բարեփոխումների վերաբերող հարցեր

Ալեն Սիմոնյանի գլխավորած պատվիրակությունը հանդիպել է Նիկոսիայի քաղաքապետ Կոնստանտինոս Յորկաջիսին

ՊԵԿ-ում ամփոփվել են տրանսֆերային գնագոյացման և քրեական հետաքննության ոլորտներում իրականացված ծրագրերը

Հայալեզու կրթական ռեսուրսներն անվճար դարձնելու հասանելիություն. PMI Science-ի և «Այբի» նախաձեռնությունը

Ալեն Սիմոնյանը և Կիպրոսի պաշտպանության նախարարն անդրադարձել են ռազմաքաղաքական երկխոսությանը

Դոլարն ու ռուբլին թանկացել են․ Կենտրոնական բանկը սահմանել է նոր փոխարժեքներ

Ինչ տեսք ունի քովիդի նոր դելտա շտամը. դրան աշխարհում բաժին է ընկնում դեպքերի գրեթե 100%-ը (լուսանկար)

Մեկնարկել է եռօրյա ցուցադրական զորավարժություն՝ մարտական հրաձգությամբ

Բանակցային գործընթացն այդպես էլ չի սկսվել. ԿԳՄՍՆ՝ Գևորգ Լոռեցյանի՝ Ազգային մարզադաշտ կառուցելու նախագծի մասին

Ուսումնական հաստատությունները կանցնեն հեռավար ուսուցման, իսկ դպրոցական աշնանային արձակուրդը կերկարաձգվի 1 շաբաթով

Քննարկվել են Արաքս գետի ավազանում բնապահպանական իրավունքների ապահովման և իրանական կողմի հետ գործակցության խնդիրները

Տնտեսագիտական համալսարանն անցնում է առցանց ուսուցման

3-4 բալ ուժգնությամբ երկրաշարժ է տեղի ունեցել Շիրակի մարզի Բավրա գյուղից 10 կմ հյուսիս-արևելք

Որոշ ավտոճանապարհներին թույլ ձյուն է տեղում

Ուսանողից՝ աշխատակից․ IDBank-ն ամփոփում է IDream հերթական ծրագիրն ու հայտարարում հաջորդ փուլի մեկնարկը

Շարունակվում են «Ճանապարհաշինարարներ» կամ «Անվերջության ժապավեն» քանդակի վերականգնման աշխատանքները (լուսանկարներ)

Հրապարակվել է թենիսիստների վարկանիշային աղյուսակը. առաջատարը չի փոխվել

Ծավ գյուղում այրվում են մոտ 600 հակ պահեստավորած անասնակեր և ծածկը

Պտղի հետ ամեն ինչ կարգին է, երեխաս նորմալ զարգանում է. Հայաստանում սկսել են պատվաստվել նաև հղիները

Դիլիջանի նախկին քաղաքապետի ու ևս 2 պաշտոնյայի՝ կաշառք ստանալու և կեղծիքների գործով նախաքննությունն ավարտվել է. ՔԿ

Երևանի 2022 թ. բյուջեի ու զարգացման ծրագրի նախագծերը դրված են հանրային քննարկման

Մհեր Արմենիան ազդարարել է համազգային շարժում սկսելու մասին. նա Շուռնուխից ոտքով գալիս է Երևան (տեսանյութ)

Վարդան Մինասյանը կթողնի ղազախական ակումբի մարզչի պաշտոնը. պատճառը ակումբի ղեկավարության վերաբերմունքն է

605 արտակարգ դեպք, 218 հրդեհ. փրկարար ծառայությունն ամփոփել է աշխատանքային ամիսը

Ազգային ժողովում ստեղծվել է ևս մեկ քննիչ հանձնաժողով