Ինչպիսին է իրավիճակը Լոռու հոգեբուժական դիսպանսերում. ՄԻՊ հետազոտության հետքերով

2017 թ.-ին Մարդու իրավունքների պաշտպանի գրասենյակի կողմից հոգեբուժարաններում կատարված ուսումնասիրություններն ու հայտնաբերված խախտումները շարունակվում են քննարկվել ոլորտին առնչվող կառույցների ղեկավարների կողմից: Դիսպանսերներում հայտնաբերված խախտումները բազմաթիվ ու բազմաբնույթ էին՝ ժամկետանց դեղորայք, զսպման մեթոդներ ու ոչ միայն:

Լոռու մարզային հոգենյարդաբանական դիսպանսերում եւս իրականացվել են ուսումնասիրություններ, սակայն դիսպանսերի տնօրենն արձանագրված ոչ բոլոր խնդիրների հետ է համաձայն: Արձանագրված խախտումներից մեկն այն է, որ դիսպանսերում առանձնացված չեն կանանց եւ տղամարդկանց բաժանմունքները: Տնօրեն Գայանե Քալանթարյանը, սակայն, համաձայն չէ: Ըստ նրա՝ բաժանմունքներն իրարից առանձնացված են նախասրահով ու ընդարձակ սենյակով, բացի դա էլ երկու բաժանմունքներում իրականացվում է հերթապահություն. «Մշտապես հերթապահում է բուժակը, մայրապետն ու տղամարդ սանիտարը: Մեկ բաժանմունքից դեպի մյուս բաժանմունք գնալը հեշտ չէ, բայց եթե շփման անհրաժեշտություն կա, ապա երբեւէ մեր կողմից խնդիր չի դրվել տարբեր սեռերի պացիենտների՝ միմյանց հետ շփվելու համար»: Գայանե Քալանթարյանը համամիտ չէ հայտնաբերված այն խախտման հետ, թե դիսպանսերի խոհանոցը չի լուսավորվում. «Խոհանոցը մթության մեջ չի աշխատում, լուսավորությունն էլ բավարար է»:

Գերբնակեցվածության առումով եւս Լոռու մարզային հոգենյարդաբանական դիսպանսերում թերություններ են գրանցվել: Սենյակներում հիվանդների համար նախատեսված մակերեսը կրճատված է: Դիսպանսերի տնօրենի խոսքով՝ պատճառը շենքային պայմաններն են, որոնք թույլ չեն տալիս վերացնել այդ խնդիրները, սակայն ամսական ունենալով մոտ 30 հիվանդ, խնդիրը մասամբ լուծվում է. «Շենքը նախատեսված է 35 մահճակալի համար, բայց քանի որ մենք մշտապես 35 հիվանդ չենք ունենում, այլ ունենում ենք մինչեւ 30 հիվանդ, կարծում եմ խնդիրը լուծված է»,- ասում է տնօրենը:

Գրանցված խնդիրների շարքում է եղել նաեւ ժամկետանց դեղորայք օգտագործելը: Քալանթարյանը վստահեցնում է՝ դեղորայքի սրվակները ժամկետանց չեն եղել եւ պիտանի են եղել օգտագործման համար, իսկ եթե ոչ, ապա հարցը վիճելի է. «Դիտողություն արեցին, թե մենք ունենք երկու ժամկետանց դեղորայք, որոնք երեք սրվակ անալգինի լուծույթ էր, որի ժամկետն ավարտվում էր 2018-ի հոկտեմբերին, իսկ ստուգումը եղել է 2017-ի հոկտեմբերի 18-ին»,- ասաց նա:

Ինչ վերաբերում է մի շարք հոգեբուժական կազմակերպություններում զսպման ներգործության միջոցների կիրառման կարգի խախտումներին, ապա տնօրենը նշեց, որ դիսպանսերում օգտագործում են լայն կիրառում ունեցող միջոցներ, որոնք թեեւ կաշվե չեն, բայց լիովին համապատասխանում են, իսկ կաշվե կօգտագործեին, եթե Հայաստանում արտադրվեր, կամ էլ գոնե վաճառվեր. «Մենք փորփրելով համացանցը, ՌԴ-ում գտել ենք համապատասխան խանութ ու պատվիրել, որոնք կիրառվում են ռեանիմացոն բաժանմունքում, դրանք ունեն համապատասխան արտոնագիր, անվտանգ են ու հուսալի»:

Քալանթարյանը հիշեցնում է՝ դիսպանսերում թերություններից զատ նաեւ առավելություններ կան: Լոռու մարզային հոգենյարդաբանական դիսպանսերը այն եզակի կառույցներից է, որտեղ շահառուները զբաղվում են աշխատանքային թերապիայով: Դիսպանսերում գործում է կարի փոքրիկ արտադրամաս:

Տնօրենը վստահեցնում է՝ արձանագրված խնդիրներն օր առաջ կլուծվեն իրենց կողմից, իսկ այն խնդիրները, որոնք կապված են ներդրումների հետ, իրենք ոչինչ անել չեն կարող:

Տպագրվել է «Հայկական ժամանակ» օրաթերթի ապրիլի 6-ի համարում:

Տպել
1077 դիտում

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա

Արտակարգ դեպք Արմավիրի մարզում. գիշերը փորձել են թալանել Արմավիրի մարզպետարանը

Փակ են Արագածոտնի մարզի 11 համայնքների միջհամայնքային ճանապարհներ, այլ ճանապարհների առկա է մերկասառույց

Հայաստանի 24 համայնքներում այսօր ՏԻՄ ընտրություններ են անցկացվում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը