Խորհրդարանում թեժ քննարկման առարկա է դարձել մերկապարուհիների հարցը

Այսօր ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նիստում քննարկվում էր «Առեւտրի եւ ծառայությունների մասին» Հայաստանի Հանրապետության օրենքում փոփոխություն եւ լրացումներ կատարելու մասին նախագիծը: Կառավարության ներկայացրած նախագծի հիմնական զեկուցող ՀՀ տնտեսական զարգացման եւ ներդրումների նախարարի տեղակալ Հովհաննես Ազիզյանի խոսքով՝ այս օրենքը եթե ընդունվի, ապա հնարավոր կլինի կանոնակարգել բազմաբնակարան շենքերում եւ նրանց մոտակայքում գործող գիշերային ակումբների գործունեությունը: Փոխնախարարի տեղեկացմամբ՝ օրենքով մեկ տարի ժամանակ է տրամադրվելու գիշերային ակումբների սեփականատերերին, որպեսզի ժամանցի կենտրոնները տեղափոխեն այլ վայր: Իսկ, թե բնակելի շենքերից որքան հեռավորության վրա պետք է լինի գիշերային ակումբը, նոր օրենքով որոշելու է համայնքի ավագանին, ինչը, սակայն պատգամավորների սրտով չեղավ:

Օրենքի նախագծի քննարկման ժամանակ պատգամավորների ուշադրությունը սեւեռվեց մերկապարի վրա եւ այստեղ պատգամավորներին ոչ թե հուզում էր դրա արգելումը կոնկրետ վայրերում, այլ այն, թե ինչպես է այն օրենքում ներկայացված: Օրենքի նախագծում սահմանափակման ենթակա ծառայությունների ցանկում մերկապարը ներկայացվում է հետեւյալ կերպ. հեստապար` պարերով եւ (կամ) երաժշտությամբ ուղեկցվող բեմական ներկայացում, որի մասնակիցները ներկայացման ընթացքում աստիճանաբար մասամբ կամ լրիվ մերկանում են:

Ծառուկյան խմբակցության պատգամավոր Սերգեյ Բագրատյանը պնդում էր, որ ձեւակերպումը ճիշտ չէ:

«Մենք այլ մշակույթի մարդիկ ենք, մեր մենթալիտետով ինչքանով է ճիշտ, որ մեր օրիորդը կամ մեծահասակը կարդա նման ձեւակերպումը, պետք է լինի մերկապար եւ վերջ, մանրամասներ պետք չէ: Օրենքում ասվում է, որ պետք է մերկապարը արգելվի, որին մենք կողմ ենք, բայց ձեւակերպմանն ենք դեմ: Նախագծում ասվում է՝ աստիճանաբար մասամբ կամ լրիվ մերկանալ, դա ո՞րն է: Աստիճանաբար, որ մերկանում են, լրիվ չեն մերկանու՞մ: Այս ձեւակերպումը պետք է հանել»,- ասաց Բագրատյանը: Իսկ փոխնախարարն էլ հակադարձեց, որ լրիվ մերկանալու ձեւակերպումը հստակ է տրված:

«Այդ ձեւակերպումը միջազգային օրինակից է»,- ասաց նա:

Հանձնաժողովի նախագահ Վարդեւան Գրիգորյանն էլ այս թեժ քննարկման պահին ասաց. «Իսկ եթե մերկապարուհիներն ընդհանրապես չհանվե՞ն»: Դահլիճն այս հայտարարությունից հետո ծիծաղից պայթեց:

Գիշերային ակումբներից լսվող երաժշտության բարձր ձայնի մասով կառավարության ներկայացուցիչներն ու պատգամավորները համաձայնության չեկան: Սերգեյ Բագրատյանը դժգոհեց, որ նախագծում յուրաքանչյուր խախտման համար պետք է սեփականատիրոջը տուգանել 50 հազար դրամով եւ ավելի: Օրինակ՝ առաջին անգամ 50, երկրորդ անգամ 100 եւ այսպես շարունակ:

«Մենք ասում ենք, որ 2-րդ անգամ կրկնվելու դեպքում լիցենզիայից զրկեք: Այսինքն, եթե գիշերային ակումբից երկրորդ անգամ բարձր երաժշտության ձայն է գալիս, պետք է գործունեությունը դադարեցնել, թե չէ՝ միշտ կմուծեն տուգանք ու կշարունակեն նույն վիճակը»,- ասաց նա:

Օրենքի նախագծով կարաոկեն, դիսկոտեկը, սաունան, բաղնիքը եւ շոգեբաղնիքը եւս գիշերային ակումբների նման բազմաբնակարան շենքի բնակելի եւ ոչ բնակելի տարածքում, ինչպես նաեւ  կրթական եւ պատմամշակութային հաստատությունների, պետական եւ տեղական ինքնակառավարման մարմինների վարչական շենքերի, բժշկական հաստատությունների տարածքներում չեն գործելու: Այստեղ եւս առարկություններ եղան: Սերգեյ Բագրատյանն առաջարկեց ցանկում ներառել նաեւ մերսման սրահները:

«Մի շենքի առաջին հարկում երկու մերսման սրահ կա, ասում են՝ քչություն է անում, 3-րդն էլ բացենք»:

Տպել
2689 դիտում

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկներին, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը

Պարգեւատրվել են ԱՆ քրեակատարողական ծառայության մի շարք աշխատակիցներ (տեսանյութ)

Հանրապետության տարածքում կան դժվարանցանելի և փակ ավտոճանապարհներ

Չարենցավանում մեքենան ընկել է 9 մետր խորությամբ ջրանցքը

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը