Էրիկը՝ լավագույն երգչի մրցանակի, ծրագրերի ու անձնականը գաղտնի պահելու մասին

2017 թ. լավագույն երգչի տիտղոսը երգիչ Էրիկի համար մեծ նշանակություն ունի: Այդ մրցանակը նա ստացավ մարտի 31-ին «Ծիծեռնակ» ազգային երաժշտական մրցանակաբաշխության ժամանակ: Նախորդ անգամ ազգային երաժշտական մրցանակաբաշխության կողմից նա նույն տիտղոսին արժանացել էր ավելի քան 6 տարի առաջ՝ 2012 թ., 2011-ին կատարած աշխատանքի համար: «Հայկական ժամանակ»-ի հետ զրույցում երգիչն ընդգծեց, որ մրցանակն իր համար շատ կարեւոր է:

«Ընդհանրապես ցանկացած մրցանակ գնահատական է, շնորհակալական ժեստ: Սա մեծ հաղթանակ է, մանավանդ, որ, ինչպես նշել եմ, 7 տարի առաջ՝ վերջին ազգային մրցանաբաշխությունում, նույնպես ստացել եմ այս մրցանակը: Դրանից հետո դադար եղավ, ու հիմա մրցանակաբաշխությունը վերածնվեց «Ծիծեռնակ» անվանումով, եւ 7 տարի անց... շատ հազվադեպ է լինում, որ դառնում ես սիրված, գնահատված ու այդ ամենը պահպանում ես: Ուրախ եմ, որ 7 տարվա իմ աշխատանքը նկատվել, գնահատվել է»,- ասաց նա:

Երգիչը հույս հայտնեց, որ հետագա տարիներին էլ այնպես կաշխատի, որ կրկին բարձր գնահատականների կարժանանա: Առհասարակ, ըստ նրա, մրցանակներն ու նման մրցանակաբաշխություններն անհրաժեշտ են Հայաստանում: Դրանք կարող են նպաստել շոու բիզնեսի ակտիվացմանը, քանի որ ոգեւորում են արտիստներին, խրախուսում են ավելի մեծ եռանդով աշխատել:  

«Կարծում եմ՝ մրցանակաբաշխությունները միանշանակ միշտ օգնել են, որովհետեւ դա խթան է, որ շարունակես աշխատել: Օրինակ, ինձ այնքան մեծ ուժ է տվել, որ ուզում եմ այս տարի այնքան բան անել, որ, եթե անգամ մյուս տարի չարժանանամ այդ մրցանակին, ասեն, որ Էրիկն էլ էր արժանի: Շատ կարեւոր է, որ գնահատված ես լինում: Երբեմն արտիստներին ինչ-որ կոչումներ են տալիս, ու մարդիկ քննադատում են: Բայց, ախր, այդ արտիստը թեւ է առնում: Ի վերջո մեր քաղաքում, մեր երկրում ու ընդհանրապես այս կյանքում, ամբողջ աշխարհում նեգատիվն այնքան շատ է, բացասական քննարկումներն այնքան շատ են, որ ինչ-որ խթան է պետք, որպեսզի արտիստը կարողանա նորից ոգեւորվել, ոգեշնչվել, ստեղծագործել, գործ անել: Այնպես որ դրանք հարկավոր են մեզ, նաեւ պարտադիր են»,- ասաց նա:

Մրցանակաբաշխության ժամանակ Էրիկը բեմից շնորհակալություն է հայտնել բոլոր իրեն աջակցողներին: Հատուկ հնչեցրել է սիրելիի՝ Լանայի անունը եւ նշել, որ մրցանակը նաեւ նրանն է: Ընդհանրապես Էրիկը չի սիրում անձնական կյանքից խոսել: Այս անգամ էլ գաղտնիքներ չբացահայտեց: Միայն նշեց, որ բնական է, որ մի օր էլ իր կյանքում փոփոխություններ լինեն:  

«Ես երգիչ եմ, որին պետք է լսեն: Միշտ ասել եմ դրա մասին: Բնականաբար մի օր լինելու է փոփոխություն իմ կյանքում, ընտանիք, երեխաներ: Սպասում եմ, որ դրանից իմ հանդիսատեսի վերաբերմունքն իմ նկատմամբ չի փոխվի, որովհետեւ ես միշտ նրանց համար հանդիսացել եմ երգիչ: Երբեք ինձ չեմ ներկայացրել որպես բոլորի համար փեսացու: Ես եղել եմ ընդամենը երգիչ: Միգուցե ինչ-որ մեկին այդ հարցերը հետաքրքրում են, բայց նա իմ հանդիսատեսը չէ, որովհետեւ իմ հանդիսատեսն ինձանով հետաքրքրված է միայն երգարվեստի շրջանակներում»,- ասաց նա:

Այս շրջանում Էրիկն աշխատում է նոր նախագծերի վրա: Մի քանի նոր երգ ունի, եւ հնարավոր է՝ տեսահոլովակներ էլ լինեն, սակայն առայժմ չգիտի՝ երբ: Անցած տարի ներկայացրել է հիմնականում լիրիկական, սիրային երգեր, այս տարի դրանք հիմնականում լինելու են ավելի աշխույժ: Նաեւ անակնկալ նախագիծ է պատրաստում իր լսարանի համար: Այն սկսելու է մայիս-հունիս ամիսներին: Դեռ մանրամասներ չի ցանկանում հայտնել:

Տպել
852 դիտում

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին