Մոսկվան փորձում է զսպել Բաքվին, որ ԼՂ հարցում ռազմական լուծման չգնա. Deutsche Welle

Նախագահական ընտրություններն Ադրբեջանում, Սերժ Սարգսյանի նախագահության ժամկետի ավարտը Հայաստանում, ինչպես նաեւ ԱՄՆ եւ ՌԴ համագործակցությունը կարող են պայմաններ ստեղծել ղարաբաղյան հակամարտության կարգավորման համար, կարծում են փորձագետները: Այս մասին գրում է Deutsche Welle-ն:

Բրյուսելում ապրիլի 4-ին եվրոպական EPC վերլուծական կենտրոնի կազմակերպած եւ 2016-ին Ղարաբաղում ռազմական գործողություններին նվիրված կլոր սեղանի մասնակիցները համամիտ էին, որ ռազմական գործողությունների վերսկսման ռիսկ նախկինի պես կա:

«Մենք երբեք այնքան հեռու չենք եղել խաղաղ համաձայնագրից, որքան այսօր: Ես մինչ օրս շատ բարձր եմ գնահատում նոր պատերազմի հավանականությունը»,- ասել է Տարածաշրջանային հետազոտությունների կենտրոնի վերլուծաբան Դավիթ Շահնազարյանը Լեռնային Ղարաբաղի հակամարտության 2016-ի սրացումից 2 տարի անց, գրում է պարբերականը՝ նշելով, որ Շահնազարյանը 1990-ականներին եղել է ՀՀ կառավարության անդամ, իսկ հետո պատգամավոր:

Նշվում է, որ նման մտավախությունների համար պատճառները քիչ չեն՝ կողմերը ոչ միայն հզորացրել են իրենց ռազմական ներկայությունը շփման գծում, այլ նաեւ ուժգնացնում են ռազմատենչ տրամադրություններն ինչպես Հայաստանի, այնպես էլ Ադրբեջանի հանրության շրջանում: Սակայն ոչ բոլորն էին հոռետեսորեն տրամադրված, ասվում է հոդվածում:

Բրիտանական վերլուծական LINKS կենտրոնի տնօրեն Դենիս Սամութը խաղաղ բանակցություններում առաջընթացի հնարավորություն տեսնում է: Ըստ նրա, դրա համար անհրաժեշտ են համապատասխան պայմաններ Հայաստանի եւ Ադրբեջանի ներսում, ինչպես նաեւ միջազգային ասպարեզում:

Ըստ փորձագետների, թեեւ իրավիճակը միջազգային ասպարեզում բարենպաստ չէ, հաշվի առնելով ԵԱՀԿ Մինսկի խմբի համանախագհների բարդ հարաբերությունները մի շարք հարցերում, այնուամենայնիվ ՌԴ-ն, ԱՄՆ-ն ու Ֆրանսիան փոխըմբռնում ունեն ԼՂ կարգավորման հարցում:

Ըստ քաղաքագետ Անդրեյ Մակարիչեւի, որը դասավանդում է Տարտուսի համալսարանում, Մոսկվայի գլխավոր շահը ստատուս քվոն պահպանելն է՝ ուստի նա փորձում է զսպել Բաքվին, որ ռազմական լուծման չգնա, իսկ Երեւանին ՌԴ իշխանությունները փորձում են հասկացնել, որ ռուսական զորքերն այդ երկրում կգործեն միայն, եթե սպառնալիք լինի ՀՀ միջազգայնորեն ճանաչված տարածքին: Նաեւ, ըստ փորձագետի, Մոսկվան ձգտում է զերծ պահել Երեւանին չափազանց շեշտված արեւմտյան կողմնորոշումից:

Crisis Group-ի անդամ փորձագետ Զաուր Շիրիեւն իր հերթին ասել է, որ եթե հաջորդ սրացումը լինի, այն ավելի ծավալուն կլինի: Ըստ նրա, 2016-ի ապրիլին մարտերը սահմանափակ էին ինչպես տարածքային առումով, այնպես էլ գործարկված զինտեխնիկայի եւ զորատեսակների կազմով: «Հաջորդ սրացումն ավելի ավերիչ կլինի»,- ասել է նա:

Ապրիլի 9-ին կավարտվի ՀՀ գործող նախագահ Սերժ Սարգսյանի պաշտոնավարումը, սակայն ակնկալվում է, որ նա կպահպանի իշխանությունը շնորհիվ 2015-ի սահմանադրական բարեփոխումների, որոնց համաձայն իշխանությունը կկենտրոնանա վարչապետի ձեռքում: Ադրբեջանում ապրիլի 11-ին կկայանան նախագահի ընտրություններ, որոնք 2018-ի աշնանից Ալիեւի հրամանագրով տեղափոխվեցին ապրիլ: Ակնկալվում է, որ Իլհամ Ալիեւը կրկին կվերընտրվի եւ արդեն 4-րդ անգամ կստանձնի իշխանությունն արդեն ոչ թե 5-ամյա, այլ 7-ամյա ժամկետով:

Տպել
6761 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը