Մրցանակաբաշխություն ՀԿՄ-ում, հաղթողներին տրվեցին 100 հազար դրամ եւ մեդալներ

Ապրիլի 7-ին, Հայաստանի կոմպոզիտորների միության դահլիճում կայացավ «Տարվա լավագույն ստեղծագործություն» մրցանակաբաշխության պարգևատրման արարողությունը: Մրցանակաբաշխության գաղափարը ծնվել է երկու տարի առաջ:

 Երկրորդ տարին անընդմեջ բարի ավանդույթ է դարձել մեծարելու, արժևորելու չորս տարբեր անվանակարգերում ներկայացվածների, ինչպես նաև կոմպոզիտորների այն ստեղծագործությունները, որոնք նախորդ տարիների ընթացքում լսվել են եւ արժևորվել։ 
Սիմֆոնիկ, կամերային, խմբերգային երաժշտության, երաժշտագիտական անվանակարգերում լավագույն ստեղծագործությունները, ինչպես անցած տարի, այս տարի ևս արժանացան անվանական մեդալների, պատվոգրերի ու դրամական պարգևների: 
Սիմֆոնիկ երաժշտության անվանակարգում լավագույնը ճանաչվեց Երվանդ Երկանյանի 6-րդ սիմֆոնիան: Կամերային երաժշտության անվանակարգում մրցանակը կիսեցին Արսեն Բաբաջանյանը «Zyklus» (ջութակի, թավջութակի եւ դաշնամուրի համար) եւ Աննա Հակոբջանյանը «Հազարան հավքի թևով» (հայկական վիոլայի եւ տավիղի համար) ստեղծագործություններով:

Ժյուրիի որոշմամբ՝ խմբերգային ժանրում լավագույնը ճանաչվեց Վահրամ Սարգսյանի «Մհերի դուռը» ստեղծագործությունը, իսկ Երաժշտագիտական անվանակարգում՝ Աննա Ասատրյանի «Հայաստանի կոմպոզիտորների միություն-85» մենագրությունը: Կոմպոզիտորների միության նախագահ Արամ Սաթյանը «ՀԺ»-ի հետ զրույցում ասաց, որ բավականին մեծ ընտրություն կար, իսկ մասնակիցներն իրենք են առաջադրվել՝ մրցույթին ներկայացնելով իրենց գործերը:

«Անցյալ տարի եւ այս տարի նույնպես՝ ոսկեջրած մեդալներ ենք պատրաստել տվել: Ես գտնում եմ, որ գումարային խրախուսումն էլ է պետք, ճիշտ է՝ մի  թղթի կտորն էլ է ուշադրություն, բայց գումարն ամեն դեպքում կարևոր է: Այսօր արվեստագետներն այնպիսի վիճակում են, որ այդ հարյուր հազարը գոնե մի փոքր կօգնի իրենց»,-ասաց Արամ Սաթյանը:

Վերջինս հավելեց, որ ժյուրիի համար կազմվել էր 7-ից 8 հոգանոց հանձնախումբ, որոնք էլ որոշել են հաղթողներին: Խոսելով կոմպոզիտորների եւ առհասարակ արվեստի բացերի ու խնդիրների մասին՝ Արամ Սաթյանն ասաց. «Պետք է գործ անեն այն մարդիկ, որոնք ոչ թե գործը սիրողներ են, այլ գործի պրոֆեսիոնալներ, բայց Հայաստանում, ցավոք սրտի տարբեր ասպարեզներում միայն սիրողներ են»:

Արամ Սաթյանը նշեց, որ այսօր  հայ երիտասարդները հնարավորություն չունեն կատարելագործվելո եւ որ Հայաստանում երիտասարդ երաժիշտը հնարավորություն չունի սիմֆոնիկ գործ կատարելու: «Մեր ժամանակ բոլորիս գործերը հնչում էին սիմֆոնիկ նվագախմբում, դա պետականորեն դրված էր, հիմա պետականորեն մենք թույլ ենք, բայց պետք է անել»,-ասաց նա:

«Հաճախ կոմպոզիտորներն ինձ ասում են, որ իրենց գործերը չեն կատարում, բայց ինքս էլ 4 սիմֆոնիա ունեմ, որից մեկն եմ լսել, այն էլ 1973 թվականին, ընդ որում՝ այդ տարիներին իմ գործն ավելի ընկալելի էր քան հիմա»,-ասաց Արամ Սաթյանը: Վերջինս հավելեց, որ Կոմպոզիտորների միությունն այսօր ունի կեցությունն ապահովելու խնդիր, մի քանի կոմպոզիտորներ են, որոնք դրսից են պատվերներ ստանում, իսկ մնացածի գործերը չի էլ կատարվում:

 Արամ Սաթյանը վստահեցրեց է, որ եթե կոմպոզիտորը չի լսում իր գործը,ապա չի  կարող իմանալ, թե թղթի վրա գրածը որքանով է համապատասխանում իր լսածին: Մտահոգություն հայտնեց, որ Հայաստանում կենտրոնանում են առանձին  մի քանի անհատների վրա, նրանցից այն կողմ ոչ մեկին չեն տեսնում:

Մրցանակաբաշխության արարողություն ժամանակ, ՀԿՄ նախագահը հոբելյանական ուղերձներ հանձնեց նաև ՀԿՄ անդամեր Մարտին Վարդազարյանին, Մելիք Մավիսակալյանին, Ռոմեն Դավթյանին, Մարտուն Իսրայելյանին և Մարգարիտա Ռուխկյանին՝ ծննդյան 80-ամյա հոբելյանի կապակցությամբ: 

 

Աղունիկ Հովհաննիսյան

 

Տպել
3607 դիտում

Գերմանիան ևս դադարեցրել է զենքի արտահանումը Թուրքիա. Մերկելը Էրդողանին կոչ է անում անհապաղ դադարեցնել կրակը

Վայք քաղաքի բնակիչներից մեկի ավտոտնակում «Տրոտիլ» տեսակի 4 պայթուցիկ է հայտնաբերվել

Եղեգնուտ գյուղի 50-ամյա մի բնակիչ բենզասղոցի գործադրմամբ 63 ծառ է կտրել ու տարել իր բակ

Վանաձորի աղմկահարույց սպանությունների գործով Բագրատաշենի անցակետում հայտնաբերվել է եւս մեկ կասկածյալ

Ոստիկանները հայտնաբերել են «Դայմոնդ» ֆիթնես» ակումբի և մեկ այլ ԱՁ-ի տնօրեններին դանակահարողին

Աննա Հակոբյանն իրականացրել է հաշմանդամություն ունեցող Ռազմիկի երազանքը

Սարավան գյուղում այրվել են ավտոմեքենա և խոտածածկույթ

Արարատ Միրզոյանը Բելգրադում հանդիպել է Սերբիայի խորհրդարանի խոսնակի հետ

Բակո Սահակյանը այցելել է գյուղաշխատողի օրվա կապակցությամբ կազմակերպված տոնավաճառին

Եղանակային առումով նորից ունենալու ենք հրաշք շաբաթ, արեւային աշունը շարունակվում է. Սուրենյան

Թուրքական բանակը Ռաքքայի հյուսիս-արևելքում գրավել է Սուլուք բնակավայրը

Ստեփանակերտում կկառուցվի ֆրանկոֆոնիայի կենտրոն. Արցախում հուշագիր է ստորագրվել

Արմեն Սարգսյանը ցավակցական հեռագիր է հղել ֆրանսահայ նկարիչ Ռիշար Ժերանյանի մահվան կապակցությամբ

Ծեծկռտուք՝ Արարատի մարզում. Մասիսի Բ/Կ-ի տնօրենը քթի շրջանում վնասվածքով տեղափոխվել է հիվանդանոց

«Ավրորայի» հերոս Զանա Բուկար Մուստաֆան արդեն ժամանել է Երևան

Բակո Սահակյանը հանդիպել է ՌԴ Պետդումայի պատգամավոր Կոնստանտին Զատուլինի հետ

Սպիտակ քաղաքում տնակ է հրդեհվել. տուժածներ չկան

Թուրքիան միտումնավոր կրակ է բացել Սիրիայում տեղակայված ամերիկյան դիրքերի վրա. Washington Post

Կոնգոյում վթարի ենթարկված օդանավը հայկական պատկանելություն չունի. ՀՀ վարչապետի խորհրդական

Ֆրանսիան դադարեցնում է սպառազինությունների արտահանումը Թուրքիա. որոշումն ուժի մեջ է մտնում անհապաղ