Սերժ և Արմեն Սարգսյանների վարվելաձևերի տարբերությունը իրենց շրջապատներից է գալիս. Բաբայան

Այսօր Արմեն Սարգսյանի ինաուգուրացիային ներկա մշակութային գործիչների թվում էր նաև Հովհաննես Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը: «ՀԺ»-ի հետ զրույցում Բաբայանն ասաց, որ առաջին անգամ էր ներկա գտնվում նման իրադարձության եւ առանձնացրեց իր համար հաճելի մի փաստ, որ նախագահի կողմից երդմնակալությունը շատ կարճ էր ու բովանդակալից, դուր եկավ եւ այն, որ Արմեն Սարգսյանը իր խոսքում նշեց նախորդ երեք նախագահների անունները, ըստ Ռուբեն Բաբայանի՝ դա որոշակի մշակույթ է, որը պետք է զարգացնել:

«Կարծում եմ՝ իր անձնական օրինակը որոշակի ձևով կարող է փոխարինել այլ լծակների սակավությանը, որը կա իրականում: Բոլոր դեպքերում յուրաքանչյուր ղեկավարի օրինակը, կեցվածքը, բարեկրթությունը, զարգացվածությունն ու ինտելեկտը մեծ նշանակություն ունի»,-ասաց նա:

Մեր դիտարկմանը, որ տեսախցիկները ֆիքսել էին՝ Արմեն Սարգսյանի ելույթի ընթացքում ռեժիսորը քնած էր՝ Ռուբեն Բաբայանը նշեց, որ սովորություն ունի մի 10 վայրկյանով քուն մտնելու, անգամ ամենահետաքրքիր ներկայացումը դիտելու ժամանակ՝ դա իրենից անկախ է լինում. «Ես միշտ վազվզոցի մեջ եմ, սովոր չեմ երկար նստել, երբ նման իրավիճակում եմ հայտնվում, մի պահ աչքս կպցնում եմ, հետո առույգ ձևով կարողանում եմ հետևել մնացածին»,-ասաց նա եւ հավելեց, որ դա ոչ մի կապ չի ունեցել արարողության հետաքրքիր կամ ձանձրալի լինելու հետ:

Մեր հարցին՝ ինչ ակնկալիքներ ունի Արմեն Սարգսյանի նախագահությունից եւ կլինի՞ արդյոք որևէ դրական փոփոխություն, Ռուբեն Բաբայանն ասաց, որ նախ ցանկանում է ինքն ինչ-որ բան փոխել իր շրջապատում, իսկ ընդհանուր առմամբ լավատեսորեն է տրամադրված: Ընդգծեց նաև, որ պետք է փորձենք ինքներս ինչ-որ բան փոխել: «Ես քաղաքական գործիչ չեմ, ուստի շատ ավելի մեծ փոփոխություններ կապում եմ ներքին՝ հասարակության փոփոխության հետ, քան թե երկրի գլուխ կանգնած ինչ-որ մեկի»,-ասաց նա:

Անդրադառնալով Սերժ Սարգսյանի նախագահած տարիների դրական եւ բացասական կողմերին, նշեց, որ այս տասը տարիների ընթացքում դրական էր այն, որ Սերժ Սարգսյանի «շնորհիվ» հասարակությունը դարձավ ավելի ադեկվատ: Ինչ վերաբերում է կոռուպցիային կամ դատական համակարգի անկախությանը՝ ընդգծեց, որ չի կարծում, թե այդտեղ առաջընթաց կա: 

Վերջին երկու տարիների նոր կառավարության գործունեության մասին խոսելով, Բաբայանն ասաց, որ նշվող 7 տոկոսանոց աճը ոչ իր թատրոնի վրա է զգում, ոչ էլ իր ընտանիքի: «Աղքատության մակարդակը, թոշակառուների վիճակը ողբալի է, իսկ կայացած երկիրը միայն նրանով են որոշում, թե տվյալ երկրում ինչպես են վերաբերվում երեխաներին եւ մեծահասակներին»,-ասաց Ռուբեն Բաբայանը:

Խոսելով Սերժ Սարգսյանի եւ Արմեն Սարգսյանի տարբերությունների մասին՝ առանձնացրեց իր կարծիքով մի կարևոր փաստ. «Կարծում եմ՝ Արմեն Սարգսյանի վարվելաձևի մեջ մեծ նշանակություն ունի իր շրջապատը, իսկ Սերժ Սարգսյանի շրջապատն իրեն պահում է սովետական մտածողության եւ վարվեցողության սկզբունքներից ելնելով, «շեֆ ջան, ցավդ տանեմ, դու ոնց ասես՝ էդ ձևով կանենք»-ով, ինչը շատ հարցերում խանգարում է»,-ասաց ռեժիսորը:

Վերջինս ընդգծեց, որ Արմեն Սարգսյանի մոտ բարեբախտաբար դա չի նկատվում կամ դե՛ռ չի նկատվում: Ռուբեն Բաբայանի բնորոշմամբ՝ Հայաստանում առաջին հերթին պետք է վերացնել «շեֆի» հանդեպ այդ սխալ մոտեցումը, որ երիտասարդներին չխանգարի զարգանալ, քանի որ երբ իրենք տեսնում են, որ բացի մասնագիտական որակ ապահովելուց օղակների ղեկավարներ եւ պատգամավորներ են դառնում նրանք, ովքեր ինքնուրույն կարծիք չունեն եւ առաջնորդվում են «շեֆի» կարծիքով, պնակալեզությամբ ու քծնող վարքով, դա հանգեցնում է ծայրահեղ վատ հետևանքների: Ըստ Բաբայանի՝ Հայաստանում առաջին հերթին ինքնուրույն մտածող անհատների կարիք կա:

Աղունիկ Հովհաննիսյան

Տպել
4553 դիտում

ՀՀ արդարադատության նախարարությունը տեղեկություն է հրապարակել Վարուժան Ավետիսյանի առողջության վերաբերյալ

Արջուկը Գառնիի փողոցներում․ Կոտայքի մարզպետը տեսանյութ է հրապարակել

Հայաստանում ապաստան ստանալու 700 խնդրագիր է ստացվել․ որ երկրի քաղաքացիներն են ավելի շատ դիմում ներկայացրել (տեսանյութ)

Երևանում մեկնարկել է հայ-ռուսական առողջապահական 7-րդ համաժողովը

Ոչ թե հայկական, այլ՝ ադրբեջանական ԶՈՒ-ն է խախտել հրադադարի ռեժիմը․ ՀՀ ՊՆ

Ադրբեջանի ՊՆ-ն շարունակում է ապատեղեկատվություն տարածել․ ՊԲ

Հրդեհ Գյումրու «ԼՈՖԹ» ժամանցային կենտրոնում (լուսանկարներ)

Օդի ջերմաստիճանը կնվազի, լեռնային շրջաններում թաց ձյուն կտեղա

Պուտինն ու Ալիևն այս շաբաթ երկրորդ անգամ են քննարկել Հայաստանի հետ պայմանավորվածությունների կատարման հարցը

ԿԸՀ ռազմավարական պլանավորման աշխատանքային քննարկման ընթացքում կվերանայվեն ընտրական վարչարարության ուժեղ և թույլ կողմերը

Բռնցքամարտիկ Էրիկ Իսրայելյանը՝ աշխարհի երիտասարդական առաջնության հաղթող

Շուրջ 800 աշակերտ է այս տարի մասնակցել Երևանի քաղաքապետարանի նախաձեռնած կրթական-ճանաչողական ծրագրին (տեսանյութ)

Գանձաքար-Բերդ ավտոճանապարհին բեռնատարը ձորն է գլորվել․ վարորդը մահացել է

ԿԸՀ-ն ընտրատարածքային ընտրական հանձնաժողովների անդամակցության 600-ից ավելի դիմում է ստացել

«Առողջություն և անվտանգ երթևեկություն բոլորիս». վթարի է ենթարկվել ԱԺ պատգամավոր Գևորգ Պապոյանը

Շիրակի մարզպետը ակնկալում է եղբորը բերման ենթարկելու դեպքի մանրամասն ուսումնասիրություն, ընդհուպ՝ ծառայողական քննություն

ԵԱՀԿ ԽՎ-ն պետք է ամուր լինի ուժի սպառնալիքից կամ դրա կիրառումից զերծ մնալու սկզբունքի պաշտպանության հարցում. Խանդանյան

Արման Եղոյանը Մարլեն Լունդ-Կոպպարկլինտիի հետ խոսել է Հայաստանին սպառնացող վտանգների աշխարհաքաղաքական ենթատեքստի մասին

Գորայքում, Վարդենյաց լեռնանցքում և ՀՀ այլ ավտոճանապարհներում ձյուն է տեղում

Հոկտեմբերից Հայաստանում գտնվող ՀՀ ազգային հերոս, սրտային վիրաբույժ Հրայր Հովագիմյանը 40 բարդ վիրահատություն է կատարել

Մեկ ամիս Արարատ գյուղում ջրամատակարարումը կիրականացվի ժամանակացույցի խախտումներով

ԱԽ քարտուղար Արմեն Գրիգորյանն աշխատանքային այցով կմեկնի Ֆրանսիա և Գերմանիա

Նորագավիթ 1-ին փողոցում բախվել են երկու մարդատար ավտոմեքենաներն ու բեռնատար գնացքը

ԱԱ-2022․ նոյեմբերի 26-ի խաղացանկը

ՊԲ-ն հերքում է ադրբեջանական նոր ապատեղեկատվությունը

Մարտունի-Գավառ ավտոճանապարհին մեքենաներ են բախվել․ կան տուժածներ և 4 զոհ

Մեղրիի լեռնանցքում ձյուն է տեղում

Հակառակորդը կրակ է բացել հայ-ադրբեջանական սահմանի հայկական դիրքերի ուղղությամբ

Չկա սահման՝ չկա ճանաչված տարածք, ուրեմն ինչ ամբողջականության մասին էիք խոսում 30 տարի. Աղաջանյանի ելույթը ԵԽԽՎ-ում

Կանադան պատրաստակամ է աջակցելու Հայաստանում ժողովրդավարության ամրապնդմանը. հանդիպել են Միրզոյանն ու դեսպանը

Շաբաթն ուրբաթից շուտ եկավ, կամ՝ ինչու են ընդդիմադիր պատգամավորները մանդատները վայր դնում

Երևան-Մարգարա ավտոճանապարհին «Նիսսան»-ը բախվել է կցորդիչով բեռնատարին. վարորդը մահացել է

ԿԳՄՍ նախարարի տեղակալն առաջարկել է Կապանը հռչակել ԱՊՀ 2026-ի երիտասարդական մայրաքաղաք

Պուտինը ՌԴ ԱԽ մասնակիցների հետ կքննարկի ՀԱՊԿ գագաթնաժողովի արդյունքները և Փաշինյանի հետ հանդիպումը

Փարիզը պատրաստ է աջակցել Փաշինյանի և Ալիևի հետագա բանակցություններին. Ֆրանսիայի ԱԳՆ

Խոշոր վթար Ափնագյուղի մոտ. ըստ նախնական տվյալների՝ կա 1 զոհ և 3 տուժած

Երևանում բեռնատար գնացքը բախվել է մարդատար ավտոմեքենային

Ադրբեջանից սպառնում են Էդմոն Մարուքյանին

«Գնիր մեկը, մյուսը ստացիր նվեր». մարքեթինգային հնա՞րք, թե՞ իրական զեղչեր. ինչ է «սև ուրբաթը»

Վաչե Տերտերյանը մասնակցել է ԱՊՀ պետությունների մերձսահմանային համագործակցության հարցերով խորհրդի նիստին