Ինչու եւ ում թույլտվությամբ Վանաձորում հաստաբուն ծառեր հատվեցին (լուսանկարներ)

Վանաձորի Երեւանյան խճուղու երկայնքով՝ «Գլորիա» կարի ֆաբրիկայի նոր կառուցվող մասնաշենքի հարեւանությամբ, մի քանի հսկա ծառեր են հատվել, ինչը սոցցանցերում լուրջ քննարկումների տեղիք է տվել: Վանաձորցիներն իրենց դժգոհությունն են հայտնել, նշելով, որ ծառերը ապօրինի են հատվել՝ այս կամ այն պաշտոնյայի թողտվությամբ:

Լրագրողների հետ զրույցում հատված ծառերի շուրջ բարձրացված աղմուկի վերաբերյալ պարզաբանումներ են տվել Վանաձորի քաղաքապետ Մամիկոն Ասլանյանն ու «Գլորիա» կարի ֆաբրիկայի տնօրեն Բագրատ Դարբինյանը: Քաղաքապետի խոսքով՝ ծառերի հատման թույլտվության խնդրանքով իրենց են դիմել ֆաբրիկայի տնօրենն ու ներդրողը, որպեսզի ընդլայնվող արտադրամասի տարածքի դիմացի ծառերը հատվեն եւ հետագա կանաչապատում կազմակերպվի. «Որպեսզի իրենք եւ իրենց մեքենաները մուտք ունենան գործարանի տարածք, մենք էլ մեր հերթին դիմել ենք բնապահպանության նախարարության տեսչություն՝ եզրակացություն եւ հատման թույլտվություն ստանալու համար: Դրական եզրակացությունը ստացել ենք, եւ գործարանի սեփականատերը պարտավորվել է հատված 7-8 ծառի փոխարեն մշտադալար 80 ծառ տնկի եւ 1000 քմ կանաչ տարածք ստեղծի»,- ասել է քաղաքապետը, հավելելով, որ ծառերն արդեն հատվել են, իսկ առաջիկայում նորերը կտնկվեն. «Ամեն ինչ օրինականության սահմաններում է, որեւէ մեկը հենց այնպես թույլտվություն չի տվել… ծառերը 50 տարեկան էին, նախարարությունն էլ առարկություն չէր ներկայացրել»:

«Գլորիա» կարի ֆաբրիկայի տնօրեն Բագրատ Դարբինյանի խոսքով՝ առաջին հերթին տարիքով ծառերն իրենցից վտանգ էին ներկայացնում, հետո նաեւ՝ տհաճ տեսք ունեին. «Մենք հարակից շենքում պլանավորում ենք արտադրություն, որտեղ պետք է 1000 հոգի աշխատի, մարդիկ խմբով դուրս են գալիս ու անցնում այդ ծառերի տակով… կարող էին նաեւ այդ մարդկանց վրա ընկնել… զգացինք, որ վտանգավոր են, կոճղերի ներսը դատարկ էր»,- ասաց տնօրենը:

Քաղաքապետարանի քաղաքաշինության եւ բարեկարգման բաժնի պետ Սուրեն Աբովյանն էլ պնդում է՝ իրենք տվել են բարեկարգման թույլտվություն, ներկայումս պետք է վերահսկողություն իրականացնեն, որպեսզի գործարանը նախագծով սահմանված քայլերը կյանքի կոչի:

Լուսանկարները՝ Կորյուն Շեկոյանի

Տպել
983 դիտում

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է

2018-ին բացահայտված հանցագործությունների դեպքերով պետությանը պատճառվել է 84.8 մլրդ դրամի վնաս

Շոկային պարտությունից հետո «Արսենալը» պետք է փորձի դուրս չմնալ Եվրոպա լիգայից

«Մենք ստացանք մեր լուծումը». ռեստորանատերերի խնդիրը կառավարությունը կարգավորեց

Ն. Փաշինյանը և ԵԱՀԿ Մինսկի խմբի համանախագահները կարևորել են հրադադարի ռեժիմի պահպանման իրականացումը

Արմավիրի քաղաքապետարանը սկսում է քաղաքը մեքենաների թափքերից մաքրելու ծրագիր

Թաեքվոնդոյի ֆեդերացիայի նախագահի ընտրությունները կրկին հետաձգվել են

Արամ Խաչատրյանի երաժշտության հիման վրա օրհներգի համար տեքստի մրցույթ է հայտարարվել

Նախարար Հակոբ Արշակյանի այցից հետո Կենտրոնական ավտոկայանում միջադեպ է տեղի ունեցել