Ով, ինչու եւ ինչպես նշանակվեց երաժշտական դպրոցի տնօրենի ժամանակավոր պաշտոնակատար

Վանաձորի քաղաքապետարանի ենթակայության տակ գործող Գրիգոր Հախինյանի անվան երաժշտական դպրոցի տնօրենի ժամանակավոր պաշտոնակատար նշանակելը բուռն քննարկումների տեղիք տվեց սոցիալական ցանցերում: Նախկին տնօրենի ազատումը կապված է նրա՝ կենսաթոշակային տարիքի հետ: Վանաձորի քաղաքապետ Մամիկոն Ասլանյանը տնօրենի ժամանակավոր պաշտոնակատար նշանակեց Տաթեւիկ Բարսեղյանին, որը, ըստ շրջանառվող լուրերի, Հայաստանի ազգային արխիվի տնօրեն Ամատունի Վիրաբյանի բարեկամն է: Նշանակման հետ կապված քննարկումների առիթով Վանաձոր համայնքի ավագանու Լուսավոր Հայաստան խմբակցության անդամ Արմեն Եղիազարյանը Վանաձորի քաղաքապետարանից պահանջել է ներկայացնել այն որակական եւ մասնագիտական չափանիշները, որոնք հիմք կհանդիսանան նոր տնօրենի ընտրության հարցում. «Այսօր արդեն հայտնի դարձավ, որ այդ անձը մաթեմատիկայի ուսուցչուհի է։ Սա ցավալի իրականություն է, երբ Վանաձորի քաղաքապետի, կրթության եւ մշակույթի բաժնի պետի կողմից անտեսվում են Վանաձորի մշակույթի ոլորտը ներկայացնող բազմաթիվ արժանի մասնագետները։ Սա ես որակում եմ որպես հետընթաց քայլ, որը ոչ մի աղերս չունի Վանաձորի զարգացմանն ուղղված ծրագրերի եւ նպատակների հետ»,- ֆեյսբուքի իր էջում գրել է ավագանու անդամը։

Վանաձորի քաղաքապետարանի կրթության, մշակույթի եւ երիտասարդության հարցերի բաժնի պետ Գոռ Բադյանը Armtimes.com-ի հետ զրույցում մանրամասնեց Տաթեւիկ Բարսեղյանի անվան շուրջ ստեղծված աղմուկը, ինչպես նաեւ պարզաբանումներ ներկայացրեց, թե ինչու եւ ինչպես հենց նա նշանակվեց տնօրենի ժամանակավոր պաշտոնակատար. «Տաթեւիկ Բարսեղյանը երաժշտական կրթություն ունի, երաժշտական դպրոց է ավարտել, նա կազմակերպչական լավ ջիղ ունի, ես չեմ մերժում բնականաբար, որ կոնսերվատորիա կամ ուսումնարան ավարտած լինեին, բայց քանի որ օրենքը չի արգելում եւ չի պարտադրում, համայնքի ղեկավարը նման որոշում կայացրեց եւ նշանակում արեց, միեւնույն ժամանակ նաեւ՝ այլ դիմումներ չկային»,-ասաց բաժնի պետը:

Բադյանից հետաքրքրվեցինք, թե ինչպես եղավ, որ թափուր հաստիքի համար միայն Տաթեւիկ Բարսեղյանը դիմեց. «Ինքն իմացել է, որ տնօրենը կենսաթոշակի է գնալու, դիմել է քաղաքապետին, քաղաքապետն էլ ժամանակավոր պաշտոնակատար է նշանակել, այլ դիմողներ չեն եղել, եթե լինեին, կքննարկվեր բնականաբար»,- ասաց նա, նշելով, որ պաշտոնի վերջնական հաստատումը պետք է կատարի համայնքի ավագանին: Բադյանը հերքեց, թե տնօրենի համար որեւէ մեկը միջնորդել է, մինչդեռ չբացառեց էլ, որ ժամանակավոր պաշտոնակատար նշանակված կինը Հայաստանի պետական արխիվի ղեկավարի հետ բարեկամական կապեր ունի:

Armtimes.com-ի հետ զրույցում տնօրենի ժամանակավոր պաշտոնակատար նշանակված Տաթեւիկ Բարսեղյանը հայտնեց, որ ավարտել է Շարա Տալյանի անվան երաժշտական դպրոցի դաշնամուրի բաժինը, այնուհետ արդեն սովորել Վանաձորի պետական մանկավարժական ինստիտուտի մաթեմատիկայի բաժնում: Աշխատել է Վանաձորի արխիվի մասնաճյուղում որպես երկրորդ կարգի արխիվագետ, այնուհետ աշխատել է թիվ 13 ավագ դպրոցում, այնուհետ արդեն մանկավարժական համալսարանի քոլեջում:

Տաթեւիկ Բարսեղյանը չհերքեց, որ երաժշտական կրթությամբ չի աշխատել, բայց կրթություն ունի՝ դպրոցն է ավարտել: Ժամանակավոր պաշտոնակատար նշանակված կինը, անդրադառնալով իր՝ տվյալ պաշտոնում նշանակման շուրջ ստեղծված աղմուկին, ասաց. «Ես օրենքի ոչ մի խախտում չեմ կատարել, ցանկացած ՀՈԱԿ-ի տնօրեն կարող է լինել բարձրագույն ավարտ»,- ասաց նա: Բարսեղյանը հաստատեց, որ ՀՀ պետական արխիվի տնօրենի հետ բարեկամական կապեր ունի. «Իմ ամուսնու հորեղբայրն է»,- ասաց նա, հավելելով, որ ոչ ոք իր համար չի միջնորդել:

Տաթեւիկ Բարսեղյանը, չնայած դեռեւս ժամանակավոր պաշտոնակատարի դերում է, իսկ վերջնական հաստատումը տալու է համայնքի ավագանին, արդեն իսկ ծրագրեր է կազմել ողջ տարվա համար: Իսկ երբ հիշեցրեցինք, որ ինքը դեռեւս ժամանակավոր պաշտոնակատար է եւ գուցե ավագանին չհաստատի իր նշանակումը, ասաց. «Ես չգիտեմ, ժամանակը ցույց կտա՝ ավագանին կհաստատի, թե՝ ոչ, կարծում եմ՝ խնդիր չի լինի»:

Բարսեղյանն այդպես էլ չցանկացավ մեկնաբանել, թե ինչու իր անվան շուրջ նման աղմուկ բարձրացվեց. «Չգիտեմ, կոռեկտ չեմ համարում մեկնաբանել»:

Տպել
10867 դիտում

Մեր բժշկագիտական թիմի ներուժն ու ներդրումը պետք է չանտեսվեր. «Նորք» ԻԿՀ-ից բաց նամակ ՀՀ նախագահին և վարչապետին

Քննարկվել են հեղինակային իրավունքի ոլորտում առկա խնդիրները եւ դրանք լուծելու ուղիները

Դավիթ Բաբայանը վարակվել է կորոնավիրուսով ու խնդրանքով դիմել իր հետ շփված անձանց

Սուրեն Պապիկյանը ԱԷՄԳ գլխավոր տնօրենի հետ քննարկել է Հայաստանի ատոմային էներգետիկայի բնագավառի զարգացման հարցեր

«Խաժակյանի պատմության հետ ինքներդ կարող եք համեմատություն անել». քաղաքապետի վարորդի հաստիքն ազատ է

roadpolice.am. վարորդական վկայականի հետ կապված գործողությունների համար պետք է հերթագրվել այս կայքի միջոցով (տեսանյութ)

Մարտական հերթապահության մեկնող անձնակազմի հետ անցկացվել է կրակային պատրաստության պարապմունք

Գեբելսյան սո՞ւտ է, որ ԲՀԿ-ն կարող է իշխանություն փոխել․ քաղաքական ուժերի արձագանքը ՀՀ՝ մինչեւ 2050-ի ռազմավավարությանը

Առաջին անգամ ՀՀ ՄԻՊ-ն ու ԵԽ-ն ծրագիր են իրականացնում Եվրոպայի խորհրդի տարածքում

Իսրայելի ռազմարդյունաբերական ընկերությունը 155 միլիոն դոլար է փոխանցել ադրբեջանական 2 օֆշորային ընկերությունների

Արսեն Թորոսյանը Չինաստանի դեսպանի հետ քննարկել է ՀՀ առողջապահական համակարգը նոր սարքավորումներով հագեցնելու հեռանկարները

Հրազդանում խաչքարն ընկել է 52-ամյա տղամարդու վրա. վերջինս տեղում մահացել է

Մանուել Պետրոսյանը՝ «Երևանի գավաթ» մրցաշարի հաղթող

Երևանում և մարզերում ՃՈ-ն հատուկ պահպանվող տարածք է տեղափոխել 247 տրանսպորտային միջոց (տեսանյութ)

Կայացել է Հայ-ամերիկյան ռազմավարական երկխոսության նիստի խորհրդակցությունների բազմաոլորտ համագործակցության մասին նիստը

Վանեցյանը, Ծառուկյանը, Մինասյանը պատրա՞ստ են աշխատել վարչապետ. Կարեն Սիմոնյան (տեսանյութ)

Արսեն Թորոսյանը հեռախոսազրույց է ունեցել ՌԴ դաշնային ծառայության ղեկավար Աննա Պոպովայի հետ

Արմավիրի Չերեմուշկա թաղամասում քաղաքացին սպառնում է ինքնասպան լինել

Մեկնարկել են Քարվաճառ տանող մոտ 17 կմ երկարությամբ ճանապարհի ասֆալտապատման աշխատանքները

Գոռ Երիցյանն ու Նարեկ Աբգարյանը կմարզվեն Մայք Թայսոնի մարզչի մոտ