Իսկական գերագույն գլխավոր հրամանատարը 800 հա հանձնելուց հետո հրարաժարական կտար. Բարսեղյան

Գյումրու Ժուռնալիստների Ասպարեզ Ակումբի խորհրդի նախագահ Լեւոն Բարսեղյանը Ֆրանսիայի հրապարակում լրագրողների հետ զրույցում, անդրադառնալով խորհրդարանական ընդդիմադիրներին, որոնք փողոցային պայքարի կողմանակից չեն, ասաց.

«Դեմ քվեարակելով՝ հարցեր լուծու՞մ են այդ կուսակցությունները: Ասում են՝ մենք քեզ չենք հավանում, բայց պետք է գանք, այստեղ նստենք, քեզ դեմ քվեարակենք (նկատի ունի Սերժ Սարգսյանի վարչապետ դառնալուն- հեղ.), ոչինչ անել չենք կարող: Թող գան, իրենց ընտրողների կողքին կանգնեն: Այս մարդկանցից շատերը միասնական ԵԼՔ-ի օգտին են քվեարկել: Մի խոսքով՝ մի իսկության պահի առջեւ ենք կանգնել, երբ ապրիլի 16-17-ին հանրությունը պետք է իր կամքը ցույց տա: Պետք է ասի՝ Սերժ Սարգսյանի նման գլխավոր գերագույն թյուրիմացությունը կամ վնասատուն այս երկրի համար չէ, գնա ուրիշին վնաս տուր, գնա մի տեղ կղզի առ եւ որքան ուզում ես՝ հողեր հանձնի: Մի գործ թող ցույց տան, որ Սերժ Սարգսյանը հաջողել է»,- ասաց Լեւոն Բարսեղյանը:

ՀԺ-ի դիտարկմանը, որ Շարմազանովը հայտարարում է, թե Սերժ Սարգսյանի ղեկավարման 10 տարիները պետականաշինության տարիներ են եղել, ինչպես նաեւ ՀՀԿ-ակնները մատնանշում են ԵՄ-ի հետ համաձայնագիրը, Բարսեղյանն ասաց.

«ԵՄ-ի հետ համաձայնագիրը նա ձախողել է 2013 թվականին եւ դա բոլորովին այլ փաստաթուղթ է եղել, քան այն, որ ստորագրեց բոլորովին վերջերս: 3.5 տարի բանակցելուց հետո նա 2013-ին մի գիշերում լրիվ ուրիշ բան հայտարարեց: Պուտինի կաբինետից դուրս գալուց հերթական անգամ ստեց, ասաց, որ Հայաստանը որոշել է անդամակցել ԵԱՏՄ-ին: Հայաստանը նման բան չէր որոշել, ԱԺ-ն նման որոշում չուներ, հանրաքվե չէր եղել: Անլուրջ է 2017 թվականին ստորագրված համաձայնագիրը համեմատել նախորդ համաձայնագրի հետ: Պետականաշինության հետ կապված. քաղբանտարկյալների թիվն ավելացնելով, մարդու իրավունքները ոտնահարելով, վերջին 4 տարում 1500 ցուցարարի տարել, լցրել է բանտերը: Սահմանադրություն է փոխել՝ իշխանության վերարտադրության համար, սա պետականաշինությու՞ն է, տարիներ շարունակ դրամաշնորհ է ստացել իշխանությունը, որ արդարադատությունը բարեփոխի: Զգում եք՝ դատական համակարգն արդա՞ր է: Կառավարության նիստերը փակել է, Երեւանի ավագանու նիստերը փակել է, գաղտնի է դարձվել նախագահի, վարչապետի եւ ԱԺ նախագահի համար կատարվող պետական գնումները. պետականաշինությու՞ն է: Պետականաշինությու՞ն է, որ 2012 թվականին խոստանում ես, որ ավարտում ես բանակի վերազինումը, բայց 2016-ի ապրիլյան ճակատամարտից հետո գնում, գլուխդ դնում ես Մերկելի ուսին եւ ողբում ես, որ 80-ականների զենքով էինք կռվում: Մարդիկ, ովքեր հարկերը թաքցրել, գնացել օֆշորներում բանկային հաշիվներ են բացել, դարձել են ԱԺ պատգմավոր: Պետականաշինության շրջանակներում է 800 հեկտարը հանձնո՞ւմ թշնամուն: Իսկական գերագույն գլխավոր հրամանատարը դրանից հետո պետք է հրաժարական տար: Ես համարում եմ, որ այս մարդը կապ չունի իր գործի հետ»,- ասաց Լեւոն Բարսեղյանը եւ նշեց՝ Սերժ Սարգսյանը պետականաշինության շրջանակներում խոստացել է նոր ատոմակայան կառուցել, Երեւան-Իրան երկաթուղին շահագործել, Երեւան-Ստեփանակերտ օդուղի գործարկել:

«Ու՞ր են դրանք, արժանապատիվ պաշտոնյան պետք է բացատրություն տա, թե դրանք ուր են: Բանտերում ի՞նչ գործ ունեն Անդրիաս Ղուկասյանը, Ժիրայր Սեֆիլյանը, Շանթ Հարությունյանը»,- հարց հնչեցրեց Լեւոն Բարսեղյանը եւ հիշելով Գալուստ Սահակյանի՝ «երկրին տեր է պետք» խոսքերն ասաց.

«Այդ մարդը իր ուղեղով գլխի չի ընկել, որ երկրի տերը մենք ենք, իրենց պապային ներկայացնում են երկրի պապա: Երկրի տերը մենք ենք, իշխանությունը պետք է լինի ժամանակավոր կառավարող մարմին: Երեւի Գալուստ Սահակյանի տանն է տեր պետք, տար Սերժ Սարգսյանին, ասա՝ տիրություն արա մեր տանը»,- ասաց Բարսեղյանը:

Պատասխանելով ՀԺ-ի հարցին, թե ինչպե՞ս է պատկերացնում Սերժ Սարգսյանի իշխանության դեմ արտահայտվողների կողմից իրականացվող գործողությունների վերջնարդյունքը, Բարսեղյանն ասաց, որ եթե Սերժ Սարգսյանից դժգոհողները դուրս գան փողոց, ապա շանս կա, որ իշխանությունը կնահանջի:

«Սերժ Սարգսյանը հիմա պաշտոն չունի, իր կլանը ջանում է իրեն վերադարձնի, եթե կարողացանք այնպես ճնշել, որ նրանք հետ նահանջեցին, ուրեմն այդ դոմինոն կարող է նաեւ այլ դոմինոյի քարեր էլ գցել»:

Տպել
4880 դիտում

Խոցվել է ադրբեջանական եւս 2 ԱԹՍ, 4 զրահատեխնիկա. թշնամու կորուստները՝ ամփոփ

Հոկտեմբերի 22-ին Փաշինյան-Ալիև հանդիպում նախատեսված չէ

«Թուրքիան փուչիկ է՝ տեռորով ու ագրեսիայով լի, պայթեցրեք այն»․ նոր նախաձեռնություն սոցցանցերում

Ռազմարդյունաբերական կոմիտեն այս օրերին աշխատում է 24/7 ռեժիմով. նախարարն այցելել է ընկերություններ

Ամեն կառույցի թեկուզ մեկ րոպե լռությունը հերթական զոհն է սահմանին․ ակցիա՝ ՀՀ-ում Իտալիայի դեսպանատան մոտ

Հայրենիքի պաշտպանները. նոր լուսանկարներ առաջնագծից

ՀՀ-ում Գերմանիայի դեսպանը ընդունեց ցուցարարներից մեկին․ խոստացել է հենց այսօր կապվել իր ղեկավարության հետ

Ադրբեջանական դիերը երբեմն խոչընդոտում են իր իսկ զորքի տեղաշարժին. Ալեն Սիմոնյան

Հայաստանում և Ադրբեջանում ՈւԵՖԱ-ի հովանու ներքո հանդիպումեր չեն անցկացվի. ՀՖՖ-ն այլընտրանքային տարբերակներ չի դիտարկում

Ջրի անվտանգության հարցը՝ ԱԱՏՄ ուշադրության կենտրոնում

Beeline-ը Արցախում ռոումինգում գտնվող իր բաժանորդների համար սահմանում է 0 դրամ/րոպե սակագին

Աննա Հակոբյանը նամակներ է ուղարկել Բրազիլիայի, ԱՄՆ-ի, Կանադայի ու այլ երկրների առաջին տիկիններին

3 շաբաթում աշխարհի 60 երկրներից Զինծառայողների ապահովագրության հիմնադրամին 4.5 միլիոն դոլար է նվիրաբերվել

ԱԻՆ-ի աշխատակիցներն ավելի քան 52.000.000 ՀՀ դրամ են փոխանցել համահայկական հիմնադրամին

Այսօր որոշ շրջաններում սպասվում են տեղումներ, ջերմաստիճանը կնվազի

Բանկերը հնարավորություն կունենան առանց հարկային հետեւանքների ներել զոհված կամ հաշմանդամություն ձեռք բերած անձանց վարկերը

ԵԱՏՄ երկրներից Հայաստան եկող բոլոր ռազմական եւ հումանիտար բեռները կազատվեն հարկային վճարումներից. ԱԺ-ն ընդունեց նախագիծը

Ադրբեջանի ԱԳ նախարար Ջեյհուն Բայրամովը մեկնել է Մոսկվա

Գազամատակարարման պլանային ընդհատումներ կլինեն Վանաձորում և Արարատի մարզում

Բժշկական անձնակազմն այս պահին երկու ուղղությամբ է «կռվում» տեսանելի և անտեսանելի թշնամու դեմ. ԱՆ խոսնակ