Գիշերը Գյումրիում բազմամարդ քայլերթից եւ ավտոերթից հետո տարօրինակ միջադեպ է եղել

Ապրիլի 20-ի երեկոյան սկսված քայլերթն աննախադեպ մարդաշատ էր: Քայլերթին միացել էր գրեթե ողջ քաղաքը: Քայլերթն աստիճանաբար վերաճեց մեծ ավտոերթի: Ակցիայի մասնակիցները ձայնային ազդանշաններով եւ ամենատարբեր վանկարկումներով շրջեցին քաղաքով եւ վերադարձան Թատերական հրապարակ: Բողոքի ակցիային բազմաթիվ մեծահասակներ են մասնակցել: Նրանց շարքերում նաեւ նախկին պատգամավորներ կային: «Քանի որ մեր գաղափարախոսությունը խաղաղությունն է, դրա համար մենք հիմա իրար ասում ենք բարի գիշեր եւ բոլորս տուն ենք գնում այնպես միաբան, ինչպես միաբան ու խաղաղ անցանք ավտոերթով եւ ոտքով: Վեհափառ Տեր, Դուք միաբանության կոչ եք արել, Գյումրին միաբան է, մենք համաձայն ենք Ձեր ասածի հետ: Հիմա գնում ենք տուն, վաղը ուղիղ ժամը 18-ին Թատերական հրապարակում հանդիպելու որոշմամբ»,-հայտարարեց բողոքի քայլերթի մասնակից Կարեն Պետրոսյանը: Երբ երթի մասնակիցները եւ մեքենաները հեռացել էին տարածքից փողոցում ոստիկանական խմբի մեջ մի միքենա հայտնվեց, որից տարօրինակ ձայներ էին գալիս, մոտավորապես այնպիսի ձայն, ասես շարժիչը չէր միանում: Մի քանի րոպե այդ մեքենան կանգնած մնաց ոստիկանների մոտ, հենց Սայաթ-Նովա փողոցի կենտրոնում, Թատերական հրապարակի դիմաց: Թե ինչ մեքենա էր եւ ինչ էին անում ստիկանները դրա շուրջ, հնարավոր չէր տեսնել նրանց մեծաթիվ լինելու, մթի եւ հեռավորության պատճառով: Հետո վիճաբանության ձայներ լսվեցին եւ, հավանաբար նույն մեքենան մեծ արագությամբ սլացավ առաջ: Ոստիկանության բարձրաստիճան պետերը սկսեցին սեռական բնույթի հայհոյանքներ տեղալ եւ քաշքշել լրագրողներին ու օպերատորներին: Ոտքերը տրորելով հայհոյում էր նաեւ  Ոստիկանության Շիրակի մարզային վարչության պետի տեղակալ Վահրամ Ենգոյանը: Ի՞նչ պատահեց հարցին բավական կոշտ արձագանքեցին ոստիկանները: Հնարավոր եղավ խոսակցություններից հասկանալ, որ մեքենան հարվածել է նրանց, մեկ ոստիկան էլ հիվանդանոցում է: «Գյումրի» բժշկական կենտրոնից էլ տեղեկացանք, որ մեկ ոստիկան է դիմել եւ  ոտքի հետ կապված խնդիր կա: Երբ ոստիկանները մի փոքր հետ քաշվեցին տարածքից կոտրված ապակիներ տեսանք փողոցում: Հարցին, թե սա ինչ ապակի է, որեւէ մեկը չպատասխանեց: Բայց արյուն էր հոսում Գյումրու Ոստիկանության «Կումայրու» բաժնի պետի մատներից: Այնուհետ, շատ անսպասելի, ոստիկանները հայտարարեցին, որ չեն թույլ տալիս նկարահանումները շարունակել, քանի որ այն տարածքը, որտեղ եւ իրենք էին կանգնած, եւ լրագրողներն արդեն  համարվում է դեպքի վայր:  Հարցին, թե ի վերջո ինչ է պատահել Ոստիկանության Գյումրու բաժնի պետը պատասխանեց՝ ոչինչ: Ճշտող հարցին, թե բացառապե՞ս ոչինչ չի պատահել, ոստիկանները պնդեցին՝ բացառապես ոչինչ չի պատահել, հեռացեք տարածքից:

Ի դեպ, ոստիկանները մեղադրեցին ավտոերթի մասնակիցներին՝ ասելով, որ մեքենան իրենք են բերել: Վերջիններս էլ պնդեցին, որ այդ մեքենան, որի մասին խոսում են ոստիկանները, ակցիայի մասնակից չի եղել: Ոստիկանների «Դուք եք բերում այդ տականքներին» արտահայտությունը ստացավ «Տականքներին տականքներն են բերում, եւ լավ գիտեք, ով է բերել» պատասխանը: Տարածքում մնացած ակցիայի մասնակիցներից մեկն էլ ասաց, որ այդ մեքենան արդեն երկրորդ օրն է սադրիչ գործողություններ է իրականացնում, անընդհատ բողոքի ակցիայի դուրս եկածներին հետեւում եւ անկանոն վարք է դրսեւորում վարորդը: Գիշերներն էլ Թատերական հրպարակում մեքենան կայանում եւ բարձր երաժշտություն է միացնում:

 

Տպել
9425 դիտում

Երևանում հարձակվել են բժշկական համալսարանի դասախոսի վրա, ծեծի ենթարկել, վնասել նրա մեքենան

Վանաձորի փողոցները սահադաշտի են վերածվել. քաղաքապետի պարզաբանումն ու մարզպետի դժգոհությունը

Փակ ու դժվարանցանելի ճանապարհներ, բուք, մերկասառույց ու ձյուն. ՀՀ ճանապարհները՝ 23:00-ի դրությամբ

Երեւանում ավտոմեքենան հարվածել է գազի խողովակին. գազի արտահոսք է եղել

Ի՞նչ ունեցվածք է հայտարարագրել կաշառք ստանալու եւ փողերի լվացման մեջ մեղադրվող ՀՀԿ-ական Արամ Հարությունյանը

Կարևորվեց երկխոսության խթանումը Աֆրիկյան Միության հետ. հանդիպել են ՖՄԿ գլխավոր քարտուղարն ու ԱԳ նախարարը

Գյումրու ոստիկանները հայտնաբերել են սիգի ապօրինի առեւտրով զբաղվող 4 անձանց

Նիկոլ Փաշինյանը շնորհավորական ուղերձներ է ստացել Էստոնիայի և Լատվիայի վարչապետներից

Մոսկվայի օդանավակայաններում 51 չվերթ է հետաձգվել ու չեղարկվել. ինչ պատկեր է «Զվարթնոց»-ում

Համացանցում կեղծ տեղեկատվություն է տարածվում. դպրոցների եւ մանկապարտեզների աշխատանքները չեն դադարեցվել

«Մանսուրյան- 80» միջոցառումների նախապատրաստական շրջանն արդեն մեկնարկել է. Երևանը կշնչի «կենդանի դասականի» երաժշտությամբ

Հրանտ Մարգարյանը իրավիճակին չի տիրապետում. «Իմ քայլի» երիտասարդ պատգամավորների պատասխանը

Երեւանի մի շարք մանկապարտեզներում նորոգվում եւ կահավորվում են տարիներ շարունակ չօգտագործված սենյակները

Աշոցք-Բավրա ճանապարհահատվածը ուժեղ բքի և ցածր տեսանելիության պատճառով դժվարանցանելի է

Զորակոչվելուց հետո բռնության է ենթարկվել հրամանատարի կողմից. Զինծառայողը շտապ բուժօգնության կարիք ունի

Մշակույթի նախկին նախարարների օրը սկսվել ու վերջացել է «պաշտոնական հանգուցյալների» պանիխիդայի մենյուն կազմելով

ՀՀԿ-ն ակտիվանում է. Սերժ Սարգսյանը վաղը Մելիք Ադամյան 2-ում նիստ է անցկացնելու

Ռաֆայել Քոթանջյանի նկատմամբ կատարված կողոպուտի հեղինակներից մեկը Վրաստանի քաղաքացի է

Դասերը չեն դադարեցվի. առողջապահության նախարարության հայտարարությունը

Ըստ Սերգեյի՝ Միքայելյանի մասին կատակին հավատացել են, քանի որ նրանից նման որոշում սպասում են