Հարյուրավոր մեքենաներ մեկնում են Գյումրի, Փաշինյանին դիմավորում են երգ ու պարով, թարմացվող

18:10- Գյումրու Վարդանանց հրապարակն այս պահին:

18:03- Նիկոլ Փաշինյանի եւ համաժողովրդական շարժման մասնակիցների մեքենաների շարասյունը դեռ Գյումրու ճանապարհին է: Նիկոլ Փաշինյանին ճանապարհին հարյուրավոր քաղաքացիներ են սպասում, նա հաճախակի կանգնեցնում է երթը, ողջունում սպասող քաղաքացիներին: Հանրահավաքը Գյումրիում մոտ մեկ ժամ ուշացումով կսկսվի, իսկ Վարդանանց հրապարակն արդեն լեփ-լեցուն է: Այս պահին Նիկոլ Փաշինյանը եւ համակիրները Սառնաղբյուր-Մարալիկ ճանապարահատվածի խաչմերուկում են, սառնաղբյուրցիները շփվում է նրանց հետ:

17:30- Ավտոերթը Մաստարա գյուղում է:

17:13- ՀԺ-ի Գյումրիի թղթակիցը տեղեկացնում է, որ կենտրոնական հրապարակը մի քանի ժամ է մարդաշատ է: Գյումրեցիները կեսօրից սպասում են Նիկոլ Փաշինյանի հետ հանդիպմանը:

17:07- Մարալիկ քաղաքի մուտքի մոտ բազմաթիվ մարդիկ են հավաքվել: Սպասում են Նիկոլ Փաշինյանին:

17:03- Ավտոերթի դուրս եկած մեքենաներն այնքան շատ են, որ մայրուղու վրա  կուտակումներ են առաջացել:

16:47- Նիկոլ Փաշինյանին ուղեկցում է նաեւ կանադահայ դերասանուհի Արսինե Խանջյանը:

16:15- Ավտոերթի մասնակիցներն արդեն Ուջան գյուղի տարածքում են: Նիկոլ Փաշինյանը դիմելով բնակիցներին ասաց. «Ողջունում եմ Ուջան գյուղի ազատ եւ հպարտ ՀՀ քաղաքացիներին: Ուջանը հերոսաական գյուղ է, միշտ էլ ցույց է տվել, որ ճակատագրական պահերին ճիշտ քայլ է արել: Շարժման առաջին օրերից, երբ հավատ չկար, որ շարժումը հաղթանակ է ունենալու Ուջանի բնակիչները ոտքի էին կանգնած: Ժողովուրդ ջան, դուք հաղթել եք եւ ձեր հաղթանակը ոչ ոք չի կարող գողանալ: Մայիսի 1-ին՝ ժամը 08:00-ից բոլորս հեղեղում ենք Երեւանի փողոցներն ու հրապարակները: Մայիսի 1-ը վճռական օր է եւ մեր հաղթանակն այդ օրը պետք է արձանագրենք: Հաղթանակը մերն է, հաղթանակ ժողովրդին է եւ այն պետք է պինդ բռնենք»,- ասաց նա:

16:05- Նիկոլ Փաշինյանի գլխավորած երթը մեծ դժվարությամբ է առաջ ընթանում: Երեւան-Գյումրի մայրուղու հարեւանությամբ գտնվող համայնքների բնակիչները փակել են ճանապարհը, ցանկանում են Նիկոլ Փաշինյանի հետ անձամբ հանդիպել: Տեղից աշխատող մեր թղթակիցը փոխանցում է, որ ավտոերթի մասնակիցների մի մասն հասել է արդեն Թալին քաղաք, իսկ շարասյան սկիզբը դեռ Բյուրականում է:

15:51- Ավտոերթին միացել են նաեւ ձիավորներ:

15:40- Նիկոլ Փաշինյանին Փարպի համայնքում երգ ու պարով դիմավորեցին:

15:31- Մեկնարկել է Նիկոլ Փաշինյանի եւ շարժման մյուս մասնակիցների ավտոերթը Գյումրի: Նրանք ճանապարհին կանգնեցին, ողջունեցին իրենց դիմավորող քաղաքացիներին: Ճանապարհին համաժողովրդական շարժման մասնակիցներին ողջունեցին Աշտարակի բնակիչները: Տեսնելով Նիկոլ Փաշինյանին՝ սկսեցին վանկարկել «Նիկոլ վարչապետ» խոսքերը: Ավտոերթին միացել են հարյուրավոր քաղաքացիներ՝ իրենց մեքենաներով: 

 

Տպել
5778 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա