Նիկոլ Փաշինյանը Գյումրու Վարդանանց հրապարակ հասավ ֆայտոնով

Ժամը 18-ին նախատեսված հանրահավաքը Գյումրիում ուշ մեկնարկեց, քանի որ Գյումրի-Երեւան ողջ մայրուղում մեքենաների կուտակումներ էին: Բազմաթիվ մեքենաներ էին միացել Շիրակի մարզի տարբեր համայնքներից, Վանաձորից, Ջավախքից եւ սպասում էին ճանապարհին, որպեսզի միանային Երեւանից Գյումրի ուղեւորված Նիկոլ Փաշինյանին: Չէր դադարում նաեւ մեքենաների հոսքը Երեւանից: Ազատան համայնքից կանգնած ավտոմեքենանաների ծայրը վերջանում էր Գյումրու Երեւանյան խճուղու միջնամասում:

Հենց այստեղ երբ հասավ Նիկոլ Փաշինյանը, հայտնի գյումրեցի՝ ֆայտոն Ալեքի թոռը՝ Սամվելը, Փաշինյանին, կնոջն ու Արսինե Խանջյանին առաջարկեց ճանապարհը շարունակել ֆայտոնով:

Հենց ֆայտոնով էլ Նիկոլ Փաշինյանը հասավ Վարդանանց հրապարակ, որտեղ նրան հազարավոր մարդիկ էին սպասում: Շիրակցիներից բացի, Գյումրի էին եկել նաեւ հանրապետության տարբեր մարզերի բնակիչները: Հոռոմում ցանկացել են գառ մատաղ անել, Նիկոլ Փաշինյանը, սակայն, ասել է, ես ներում եմ շնորհում այդ գառանը, թող գնա արածի: Նույնը նաեւ Ազատանում է եղել: Իսկ Գյումրիում նախքան ելույթների մեկնարկը խաղաղության աղավնիներ բաց թողնվեցին երկինք:

«Շատերը փորձում են այսօրվա օրակարգը ներկայացնել պրիմիտիվացված ձևով, շատերին թվում է, թե հարցն այն մասին է, թե ով կզբաղեցնի վարչապետի աթոռը։ Չեն հասկանում Հայաստանի Հանրապետությունում տեղի ունեցող իրադարձությունները։ Այսօր Հայաստանի քաղաքացին ուղղել է իր մեջքը, ամուր կանգնած է իր ոտքերի վրա, նրա բազուկները և միտքը հզոր են, նա վստահ հայացքով նայում է ապագային: Այն երկիրը, որտեղ որևէ հանրապետական կարող էր լինել վարչապետ կամ նախագահ, այդ երկիրն այլևս գոյություն չունի։ Սա ուրիշ Հայաստան է: Սա հաղթանակած քաղաքացու Հայաստանն է: Սա հաղթանակած սիրո Հայաստանն է: Սա հաղթանակած միասնության Հայաստանն է: Եվ ես հույս ունեմ, որ կա  մեկը, ով Կարեն Կարապետյանին և մյուս հանրապետականներին ցույց կտա, թե ինչ էր կատարվում ճանապարհներին, երբ մենք Երևանից Գյումրի ճանապարհը հաղթահարեցինք 4 ժամում։ Կարեն Կարապետյանի կողմից վարչապետի թեկնածու առաջադրվելու փորձը նշանակում է, որ նա ինքն իրեն հռչակում է այս տեղատարափ անձրևի տակ ժամերով կանգնած այս հերոսական ժողովրդի թշնամի: Եթե ես իմանամ, որ կա որևէ այլ ճանապարհ, որ չի ջարդելու, չի կոտրելու Հայաստանի Հանրապետության քաղաքացու հաղթանակը և հաղթանակի զգացողությունը, ես նույն պահին կհրաժարվեմ այս հայտարարությունից»,- ասաց Նիկոլ Փաշինյանը։

«Մենք երաշխավորում ենք, որ Հայաստանը կմնա ՀԱՊԿ անդամ, ոչ թե նրա համար, որ շատ կամ քիչ ենք սիրում այդ կազմակերպությունը, այլ որովհետև դա բխում է Հայաստանի Հանրապետության ազգային շահերից։ Մենք նաև կաշխատենք, որպեսզի այդ կազմակերպությունն ավելի արդյունավետ լինի, և շատ ավելի լուրջ երաշխիքներ ապահովի Հայաստանի Հանրապետության և Արցախի Հանրապետության համար, քան ապահովում է մինչև հիմա։  Մենք հաստատում ենք, որ Հայաստանը հավատարիմ կմնա իր բոլոր միջազգային պարտավորություններին, ներառյալ Եվրամիության հետ կնքած խորը և համապարփակ, ինչպես նաև Եվրասիական տնտեսական միության պայմանագիրը»։

Հանրահավաքը Նիկոլ Փաշինյանն ավարտեց մեծ քայլերթով՝ անցնելով նորակառույց Ռուսթավելիով, Սայաթ-Նովա փողոցով կրկին վերադարձավ Վարդանանց հրապարակ եւ հրաժեշտ տվեց: Ապրիլի 29-ից մեր գործողությունները վերսկսվում են մեծ թափով,-հայտարարեց նա:

Տպել
8736 դիտում

Որեւէ մեկին թույլ չենք տալու սահմանադրական կարգի տապալման փորձ անել. Արայիկ Հարությունյան

Ամեն ինչ շատ լա՞վ է լինելու. Ստամբուլը դուրս եկավ Էրդողանի վերահսկողության տակից

Թվում է՝ պարոն Մարուքյանն իրենց բակի բեսեդկայում պպզած ռեպլիկ էր թողնում բակով անցնող աղջկա հետեւից. Արեն Մկրտչյան

Հարթագյուղում մոր կողմից խեղդամահ արված երեխային հայտնաբերել են կնոջ երկրորդ ամուսինն ու սկեսուրը. նոր մանրամասներ

Գործընթացները ստիպում են ավելի աչալուրջ լինել. Նիկոլ Փաշինյանի գլխավորությամբ տեղի է ունեցել ԱԽ նիստ

«Իմ քայլը» դեմ քվեարկեց գործադիրի ներկայացրած «Փաստաբանության մասին» նախագծին՝ պատճառաբանությամբ, որ կա անփույթ աշխատանք

ԵԱՀԿ առաքելությունը դիտարկում կանցկացնի Արցախի եւ Ադրբեջանի սահմանին՝ Ակնայից հյուսիս-արեւելք

ՊՆ պայմանագրային զինծառայողը կեղծ վկայական եւ կեղծ տեղեկանք է ներկայացրել՝ վարկ ստանալու համար. ՔԿ

Բարձրագույն դատական խորհրդի անդամ Վիգեն Քոչարյանը երդվեց

Քոչարյանի գործը քննող դատավորների անվտանգությունն ապահովում է ոստկանությունը

Ոստիկանությունը պատասխանել է, թե ինչու չի թույլատրել Արմեն Գեւորգյանին լքել երկիրը. պաշտպանը դա ապօրինի է որակում

Հնարավորություն ընձեռել բարձր առաջադիմությամբ աշակերտներին սովորել Ֆիզմաթ դպրոցում. ծնողների բաց նամակը՝ նախարարին

Վեթինգը դատական իշխանության բոլոր խնդիրների համադարմանը չէ. ԲԴՀ նախկին անդամն առաջարկներ է ներկայացրել

Հայաստանի բարձրագույն խմբի առաջնության անցկացման ձևաչափաը կենթարկվի փոփոխության. Վանեցյան (տեսանյութ)

2 սահնօձ, 2 շահմար, 1 իժ, 1 գյուրզա է նկատվել ՀՀ տարբեր բնակավայրերում

Լենա Նազարյանն ու Մանե Թանդիլյանը կմեկնեն Տոկիո, Արմեն Փամբուխչյանը՝ Մոսկվա

Նոր զարգացումներ

Գույք՝ գազի դիմաց. Վալոդը փողը չի տալիս

Նոր փուլ. Մեթյու Բրայզան լուրջ է տրամադրված

Իշխող կուսակցության համակիրները Ստամբուլում հարձակվել են ընդդիմադիրների վրա