Գագիկ Ծառուկյանը կրակից ոսկի է ուզում հանել, չի՛ ստացվի. ՀԲՃ

Կեղեքող ռեժիմի դեմ ժողովրդական անհնազանդության այս օրերին Գագիկ Ծառուկյանին պատկանող «Մուլտի Գրուպ» Կոնցեռնը ցանկանում է ընդլայնել իր գործունեությունը ոսկու հանքի շահագործման ոլորտում։ 2018թ․ մայիսի 2-ին Լոռու մարզի Օձուն համայնքի Մղարթ եւ Հարգվի համայնքներում հայտարարված են հանրային քննարկումներ այս բնակավայրերի վարչական տարածքներում ոսկու հանքի ոսկետարության ուսումնասիրությունների կապակցությամբ։ Իսկ մայիսի 4-ին Մղարթ բնակավայրի վարչական ղեկավարի նստավայրի շենքում նախատեսված են «Մուլտի Գրուպ» Կոնցեռն ՍՊԸ-ի ներկայացրած՝ ՀՀ Լոռու մարզի Մղարթի ոսկու հանքավայրի կենտրոնական տեղամասի արդյունահանման շրջակա միջավայրի վրա ազդեցության նախնական գնահատման հայտի վերաբերյալ հանրային քննարկումներ: Այս մասին ասված է Հայկական բնապահպանական ճակատ (ՀԲՃ) քաղաքացիական նախաձեռնություն տարածած հաղորդագրության մեջ: 

««Մուլտի Գրուպ» Կոնցեռնը հաշվի չի առնում, որ Մղարթում իր ոսկու հանքի ավերիչ հետեւանքներից ելնելով է, որ տարածաշրջանի համայնքները, այդ թվում՝ Արդվին, Մղարթը, Օձունը կտրականապես դեմ են իրենց տարածաշրջանում հանքարդյունաբերական ծրագրերին։ Ընդամենը մի քանի ամիս առաջ էր, որ մեկ այլ ընկերության՝ «Միռամ» ՍՊԸ-ի կողմից ոսկու հետախուզման եւ դրան հաջորդող՝ ոսկու հավանական արդյունահանման դեմ դուրս եկան Օձունի խոշորացված համայնքի կազմի մեջ մտնող Արդվի գյուղի բնակիչները։ Արդվեցիներին միացած մղարթցիներն ու օձունցիները բազմիցս արտահայտել են իրենց դիմադրությունը՝ կազմակերպելով ստորագրահավաք, ցույցեր, խափանելով պաշտոնական հանրային քննարկումները։ Օձուն խոշորացված համայնքի բնակիչները վաղուց են հասկացել, որ հանրային քննարկումների մեխանիզմը ծուղակ է: Չնայած հանրային քննարկումների գաղափարի բուն իմաստը համայնքի բնակիչների կարծիքը կառավարության ընդունելիք որոշման մեջ արտացոլելն է, սակայն օրենքն այնպես է ձեւակերպված, որ դրանք իրականում ձեւականություն են. կառավարությունը կայացնում է կամայական կամ կաշառված որոշում, իսկ բիզնես-ընկերություններն օգտագործում են քննարկումների կայացման փաստը որպես հիմնավորում՝ իրենց ծրագրերը հաստատելու համար:  Արդվի համայնքի բնակիչները բազմիցս դեմ են արտահայտվել ուղղակի ժողովրդավարության սկզբունքով՝ ժողովրդական ցույցերով ազդարարելով հանրային լսումները մերժելու, իրենց համայնքում հանքարդյունաբերության եւ հանքերի հետախուզման որեւէ նախագծի անթույլատրելիության մասին՝ կլինի դա Շեկաղբյուրի, թե Ծառուկյանի ոսկու նախագիծը։

Իրենց այս վճռական պայքարով արդվեցիները, Օձուն համայնքն ու համայնքապետը օրինակ են դարձել ու ոգեշնչել են նաեւ այլ համայնքների։ Արդվիից հետո է՛լ ավելի զորավոր դիմադրություն տեղի ունեցավ Նոյեմբերյանում 2018թ․ սկզբին, շարունակվեց դիմադրությունը Վայոց ձորի մարզի Գլաձորում: Վերջնական որոշման կայացման լիազորությունը եւ իրավունքը պետք է միայն ու միայն համայնքին պատկանի։ 

Մղարթ ու Հագվի համայնքների, ինչպես նաեւ Օձունի տարածաշրջանի ու Լոռվա մարզի այլ համայնքների բնակիչներին կոչ ենք անում խաղաղ անհնազանդությամբ մերժել տարածաշրջանում հանքարդյունաբերական ծրագրերին վերաբերող բոլոր գործընթացները՝ հանուն իրենց ու ապագա սերունդների կյանքի։ Քանի վերը նշված օրենսդրությունը համայնքի բնակչին չի տալիս որոշում կայացնելու վերջնական ու վճռորոշ իրավունք, մայիսի 2-ին Հարգվի ու Մղարթի, իսկ մայիսի 4-ին Մղարթ բնակավայրի վարչական ղեկավարի նստավայրի շենքերում պաշտոնական հանրային քննարկումների գործընթացը պետք է խափանել ուղղակի ժողովրդավարության սկզբունքով՝ համայնքի վերաբերմունքը ցույց տալով պաշտոնական ծուղակից դուրս եւ ամրագրելով տվյալ տարածքներում հանքերի ուսումնասիրման եւ արդյունահանման անթույլատրելիությունը։ Բնապահպանները պատրաստակամ են ցուցաբերել իրենց աջակցությունը ֆիզիկական ներկայությամբ, իրավական խորհրդատվությամբ եւ բոլոր հնարավոր այլ միջոցներով», - ասված է հաղորդագրության մեջ։

Տպել
2795 դիտում

Բնակչության տարհանման որոշում չի կայացվել. Ստեփանակերտի քաղաքապետարան

Տեսանյութն ապացուցում է, որ Ադրբեջանը խախտել է ՀՀ-ի միջազգայնորեն ճանաչված սահմանները. Հովհաննես Մովսիսյան (տեսանյութ)

Ջավախքցիները փակել են Վրաստան-Թուրքիա միջպետական ճանապարհը եւ արգելում են բեռնատարների տեղաշարժը

ՀՀ-ի դիմումի հիման վրա ՄԻԵԴ-ը միջանկյալ միջոց կիրառելու որոշում է կայացրել

Ռազմական գիտության չափորոշիչներով Ադրբեջանի օպերացիան տապալված է. Արծրուն Հովհաննիսյան

Ադրբեջանական ագրեսիայի հետևանքով մեծ վնաս է հասցվել կապի ոլորտին․ Արցախի պետական նախարար

Ադրբեջանը Թուրքիայի լայնածավալ աջակցությամբ իր ամբողջ ռեսուրսն ու արսենալն է ներդրել այս ոտնձգության մեջ. Ավինյան

Մինչ այս ժամը մարդիկ ՊԲ-ին օգնություն են բերում. Հովսեփ Կուբատյան

Հանրային խորհրդում ՀՀ-ում ՌԴ դեսպանի հետ քննարկվել է տարածաշրջանային բարդացող իրավիճակը

ՀՀ ներկայացուցիչը ՄԻԵԴ է ուղարկել տվյալներ նաեւ Վարդենիսի դեպքերի մասին. Եղիշե Կիրակոսյանի խոսքով՝ իրավիճակն աննախադեպ է

Կապի միջոցներն անջատելու կարիք չկա. բարձր ճառագայթահարման մասին լուրը կեղծ է

Ադրբեջանի խոցված տեխնիկայի թվերն այնքան մեծ են, որ սկսել ենք դրանք մոտավոր գրել. Հակոբ Արշակյան

Հայկական բանակը խոցել է հակառակորդի 137 տանկ և զրահատեխնիկա, 72 ԱԹՍ, 7 ուղղաթիռ, 1 ինքնաթիռ․ Արծրուն Հովհաննիսյան

Ջորջ Բաղումյանը 1 մլն դոլար է նվիրաբերում «Իմ քայլը» հիմնադրամին, գումարը կծախսվի ի շահ մեր պետության. Աննա Հակոբյան

Երեւանի ավագանու կամավորագրվածերի թիվն արդեն հասնում է տասի

Այս պահին պարենային դեֆիցիտի առաջացման վտանգ չունենք․ Արցախի պետական նախարար

Ամիրյան փողոցի երթևեկելի հատվածում քաղաքացի է վրաերթի ենթարկվել

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

Ողջ միջազգային հանրությունը պետք է ստիպի Թուրքիային դուրս գալ այս հակամարտությունից. վարչապետը՝ BBC-ի հետ հարցազրույցում

Իրենց բնակավայրից ժամանակավորապես հեռու գտնվող դպրոցականները կսովորեն փաստացի բնակության վայրին մոտ դպրոցներում. ԿԳՄՍՆ