Երևան
17 °C
ՀՀ վարչապետի թեկնածու Նիկոլ Փաշինյանը ապրիլի 30-ին հանդիպումներ ունեցավ խորհրդարանական քաղաքական ուժերի հետ: Ծառուկյան դաշինքի եւ ՀՅԴ-ի պատգամավորների հետ հանդիպումը փակ էր, իսկ Հանրապետական խմբակցության պատգամավորների հետ՝ բաց: Այն անցավ լրագրողների ներկայությամբ:
Վարչապետի ժողովրդի թեկնածու Նիկոլ Փաշինյանը նախ հանդես եկավ ելույթով եւ ընդգծեց, որ երկրում առկա է քաղաքական ճգնաժամ: Նա միաժամանակ շեշտեց՝ ուրախ է, որ ճգնաժամը քննարկումների արդյունքում հաղթահարելու ցանկություն կա բոլոր քաղաքական ուժերի կողմից:
«Հասկանալի է, որ այս ընթացքում որոշակի լարվածություններ են առաջացել, եւ ուրախ եմ, որ այդ լարվածությունները չեն խանգարում նման քննարկումներ ունենալ, հասկանալի լինել, ներկայացնել տեսակետները: Մեր խնդիրն է՝ ՀՀ-ում փակել ներքաղաքական թշնամանքի էջը եւ հաստատել համերաշխության մթնոլորտ՝ օրենքի եւ իրավունքի վրա հիմնված: Եթե հաջողվի միասնական ուժերով այդ մթնոլորտը հաստատել, նաեւ ՀՀԿ-ն ունի հնարավորություն՝ նպաստելու այդ մթնոլորտի հաստատմանը,- ասաց նա:
Փաշինյանը նշեց, որ չպետք է լինեն հաղթողներ եւ պարտվածներ, այլ պետք է լինի համազգային հաղթանակ: Ըստ նրա՝ այս պրոցեսը ներգրավել է ոչ միայն ՀՀ քաղաքացիների մեծ մասին, այլ Սփյուռքի մեծ մասին:
«Պետք է արձանագրել ՀՀ-ի ժողովրդի հաղթանակը, որը չի նշանակի որեւէ մեկի պարտություն»,- ասաց նա:
Այնուհետ ՀՀԿ-ականները սկսեցին հարցեր ուղղել վարչապետի թեկնածուին: Ակնհայտ պարզ էր, որ Հանրապետական պատգամավորների հարցերը հատուկ շեշտադրում ունեին, իսկ ենթատեքստում այն էր, որ Փաշինյանին փորձեին ներկայացնել որպես հակառուսական քաղաքական գործիչ: ՀՀԿ խմբակցության անդամները Փաշինյանին ուղղում էին հարցեր, որոնց մեծ մասը վերաբերում էր Հայաստանի արտաքին քաղաքականությանը՝ մասնավորապես ՀԱՊԿ-ում, ԵԱՏՄ-ում եւ Ռուսաստանի Դաշնության հետ հարաբերություններում Հայաստանի ունեցած պարտավորություններին:
ԱԺ փոխնախագահ Էդուարդ Շարմազանովը նշեց, թե գաղտնիք չէ, որ ԵԼՔ-ը քննադատել է ՀՀ իշխանությունների արտաքին քաղաքականությունը, երբեմն շատ խիստ, հատկապես ԵԱՏՄ անդամակցության համար: Շարմազանովը հիշեցրեց, որ ընդդիմադիր խմբակցությունը նաեւ նախաձեռնել էր օրենսդրական գործընթաց՝ դուրս գալ ԵԱՏՄ-ից՝ համարելով, որ այն ՀՀ թիվ մեկ սխալներից է, սակայն նա նկատեց, որ վերջին օրերին Փաշինյանը հայտարարում է, որ իր վարչապետ ընտրվելու դեպքում Հայաստանը ԵԱՏՄ-ից դուրս չի գալու:
«Հիմա մենք Նիկոլ Փաշինյանի ո՞ր ասածներն ընդունենք, որ ասում էր՝ պետք է դուրս գա՞լ, թե վարչապետի թեկնածու Նիկոլ Փաշինյանի, որ ասում է, թե պետք չէ դուրս գալ»,- հարցրեց Շարմազանովը:
Նիկոլ Փաշինյանը հիշեցրեց, որ ինքը դեմ է քվեարկել ԵԱՏՄ անդամակցությանը, ինչը նշանակում է, որ դեմ է եղել այդ անդամակցությանը, սակայն ամեն դեպքում ՀՀ-ն ԵՏՄ անդամ է, եւ պետական գործիչը պետք է հաշվի նստի իրողությունների ու փաստերի հետ:
«Երբ ընդդիմության ներկայացուցիչ ես, հնարավորություն չունես խնդիրները, որ օրինակ կան ԵԱՏՄ-ում, քննարկել ուղիղ, տվյալ դեպքում ընտրվում է գործիքակազմ, երբ իշխանության ներակայացուցիչ ես, հնարավորություն կա այդ բոլոր հարցերն ըստ առաջնահերթության դասակարգել»,- ասաց վարչապետի թեկնածուն:
Այնուհետ, Փաշինյանին հակառուսական գործիչ դարձնելու փորձեր արեց ԱԺ արտաքին հարաբերությունների հանձնաժողովի նախագահ Արմեն Աշատոյանը: Նա մեջբերեց Փաշինյանի՝ նախկինում արած հայտարարություններից. «ԵԱՏՄ-ում մնալու միակ հիմնավորումը շանտաժն է», «ԵԱՏՄ-ն ՀՀ-ին բացի վնասից ոչ մի օգուտ չի բերել», «ԵԼՔ-ն իշխանություններին 10/2 հաղթեց՝ ԵԱՏՄ-ից դուրս գալու հարցով», «ԵԱՏՄ անդամակցությունից հետո ՀՀ-ն տարածքներ է կորցրել»:
Փաշինյանի նախկինում արված հայտարարությունները մեջբերելուց հետո Աշոտյանը հարցեր ուղղեց վարչապետի թեկնածուին: «Ի՞նչ փոխվեց այս 6 ամսվա ընթացքում, որ գնահատականները ԵԱՏՄ կործանարար ազդեցությունը տարածքների կորստի վրա այսօր չեն հնչում: Արդյո՞ք մտադիր եք ԵՄ-ի հետ ստորագրված համաձայնագիրը զրոյացնել ու նոր համաձայնագիր ստորագրել»,- հարցրեց Աշոտյանը:
Փաշինյանն արձագանքեց բավական հակիրճ: «Առաջին հարցին արդեն պատասխանեցի»,- ասաց նա՝ հավանաբար նկատի ունենալով Շարմազանովի հարցերին տված պատասխանը: «Բայց ես նաեւ ԱԺ-ում դեմ եմ քվեարկել ԵԱՏՄ-ից դուրս գալու նախաձեռնությանն այն պատճառաբանությամբ, որ հատկապես արտաքին քաղաքական բնագավառում կտրուկ շրջադարձները շատ վտանգավոր կարող են լինել երկրի համար: ԵՄ-ի հետ հարաբերությունների վերաբերյալ մեր պատկերացումների մասին արդեն հայտարարել եմ, որ պետք է զարգացնենք մեր հարաբերությունները մեր բոլոր գործընկերների հետ, բայց չանենք դա մեկը մյուսի հաշվին: Պոտենցիալը ճշգրիտ ու ամբողջությամբ չի օգտագործվել, ու մենք կփորձենք անել դա»,- պատասխանեց Փաշինյանը: Աշոտյանն արձագանքեց. «Ինձ համար համոզիչ չէր»:
ՀՀԿ-ականներից Խոսրով Հարությունյանն էլ հետաքրքրվեց, թե ովքեր են լինելու կառավարության նոր կազմում: Նրա հարցին պատասխանելով Փաշինյանն ասաց, որ կադրային ջարդ չի լինելու:
ՀՀԿ-ն իր հարցադրումներով այնքան էր խորացել, մտել ընդդիմադիր կերպարի մեջ, որ խմբակցության քարտուղար Գագիկ Մելիքյանը Փաշինյանից պահանջեց իրենց իսկ իշխանության օրոք քայքայված «Նաիրիտ» գործարանի շահագործման վերսկսման ժամկետներ նշել:
«Գաղտնիք չէ, որ շարժման հիմքում կան սոցիալական արմատներ, ժողովրդին հուզում է, թե երբ են իրենք լավ ապրելու: Դուք բազմիցս հնչեցրել եք աշխատատեղերի ստեղծման, արտադրություններ ստեղծելու հարցերը: Այս շարժման պատճառով տնտեսությունը 2 ամսով հետ է ընկնում: Եվ ե՞րբ է աշխատելու «Նաիրիտ» գործարանը»,- հարցրեց Գագիկ Մելիքյանը:
Փաշինյանը նշեց, որ «Նաիրիտի» վերաբերյալ հարցին չի կարող պատասխանել, քանի որ փորձագիտական մակարդակով չի տիրապետում այդ խնդրին:
Անդրադառնալով տնտեսության վերաբերյալ Գագիկ Մելիքյանի կանխատեսումներին՝ Փաշինյանը նշեց.
«Երբ արդարության եւ օրենքի առաջ բոլորի հավասարության պայմաններն ապահովվեն, ապա համոզված եմ, որ Հայաստանում լրջագույն ներդրումներ են արվելու առաջին հերթին հայկական շրջանակներից: Բաց թողնված ամեն օրը շատ արագ կփոխհատուցվի»:
ՀՀԿ խմբակցության քարտուղարը, սակայն, չհամաձայնվեց. «Առաջիկա 7-8 տարիներին ժողովուրդը լավ ապրելու մասին չպետք է մտածի»:
Փաշինյանն էլ հորդորեց հուսահատություն չսերմանել. «Եթե մինչեւ հիմա չի հաջողվել մի բան, չի նշանակում, որ չի հաջողվելու նաեւ սրանից հետո: ՀՀ տնտեսության զարգացման հիմնական խոչընդոտն արդարության եւ օրենքի իշխանության բացակայությունն է: Դրանք հաստատելու դեպքում կապահովվի Հայաստանի կայուն զարգացումը: Վայրկյան անգամ չեմ կասկածում, որ տեսնելու ենք շատ լուրջ արդյունքներ: Փոխվել է մարդկանց տրամադրությունը, երկրի տրամադրությունը, ապրելու, արարելու, աշխատելու տրամադրությունը կկանխորոշի հետագա զարգացումը: Համոզված եմ, որ արագ դրական փոփոխություններ են լինելու»:
ՀՀԿ-ականները հարցադրումներ կատարելիս լարված էին, կային պատգամավորներ, որ գանցվել էին, բայց հրաժարվեցին հարցեր հնչեցնել: Վերջնարդյունքում կարելի է ասել, որ ՀՀԿ-ն կայացած ընդդիմություն կարող է լինել նոր կառավարության համար: Նրանք հիմնականում բարձրաձայնեցին այն խնդիրները, որոնք չեն լուծվել իրենց իշխանության օրոք եւ որոնց մասին Փաշինյանը բազմիցս է բարձրաձայնել: Եվ, եթե այս տրամաբանությամբ շարունակվի, ապա շուտով ՀՀԿ-ի օլիգարխները կսկսեն Փաշինյանից հետաքրքրվել՝ ինչու՞ երկրում կա մենաշնորհ: Օրինակ, Սամվել Ալեքսյանը կարող է հետաքրքվել շաքարավազի շուկայում առկա մոնոպոլիայից, Միհրան Պողոսյանը՝ բանանի եւ այսպես շարունակ:
Մայիսի 1-ին ԱԺ-ի հատուկ նիստում, որը գումարվելու է ժամը 12:00-ին, տեղի կունենա վարչապետի ընտրությունը: Միակ թեկնածուն ԵԼՔ դաշինքի կողմից առաջադրված Նիկոլ Փաշինյանն է: Նրա թեկնածությանը կողմ են քվեարկելու նաեւ ԲՀԿ-ն եւ ՀՅԴ-ն, իսկ ՀՀԿ-ում դեռ վերջնական որոշում չունեն: Նրանց դիրքորոշումը պարզ կդառնա մինչեւ քվեարկությունը:
Ոստիկանի ինքնազգացողությունը վատացել է ընդհարման պահին. ակցիայի մասնակիցները փորձել են ներխուժել Դատախազության շենք
Մեղրի և Ագարակ քաղաքներից 79 տնային տնտեսություն 700,000-ական դրամ բիզնես ծրագրի ֆինանսական աջակցություն կստացան
Մեր գործընկերները պատրաստվում են Ծիծեռնակաբերդում կայանալիք միջոցառմանը․ Արայիկ Հարությունյանը լուսանկար է հրապարակել
Վրաստանը Բրիտանական շտամի թիրախում է
Արձակուրդում է գտնվում 21 դատավոր, իսկ COVID-19-ով պայմանավորված` 7 դատավոր գտնվում է ինքնամեկուսացման պայմաններում․ ԲԴԽ
«Ազատություն Նավալնուն» ակցիան ավարտվել է զանգվածային ձերբակալություններով
Ինքնասպանության փորձը կանխվել է
Եվրոպայի երկար սպասված բացումը․ շենքի ներսում սնվելու համար անհրաժեշտ է պատվաստման վկայագիր ներկայացնել
Դե թող հիմա ասեն՝ բե՞ռ է Արցախը, թե՞ վահան. Դավիթ Բաբայանը՝ Սյունիքում առկա իրավիճակի, Արցախում կրակոցների մասին
Այսօր մեքենայի պայթյունից տուժած տղամարդն անգիտակից վիճակում գտնվում է վերակենդանացման բաժանմունքում
4 հայ մարմնամարզիկ կպայքարի մեդալների համար առանձին գործիքների վրա վարժություններում
Դատախազության առջև ակցիա իրականացնողները մերժել են մի քանի հոգով ներս մտնելու առաջարկը․ Գոռ Աբրահամյան
Ջրանջատում Արաբկիր վարչական շրջանում. վթարվել է Արզնի-Երևան մայրուղային ջրատարը
Հայ կիսապաշտպանը պայմանագիր է կնքել ֆրանսիական Լիգա 1-ի թիմի հետ
Ներքին Խնձորեսկում 22 գլուխ խոշոր եղջերավոր կենդանի պատահաբար Ադրբեջանի տարածքում է հայտնվել․ գյուղապետարան
Ակցիայի ժամանակ ինքնազգացողությունը վատացած ոստիկանը հետազոտվում է. բերման է ենթարկվել 14 անձ
Թուրքիայում խոսքի ազատության խնդիրներ, Նավալնիի ազատում, հակամարտություններ. ԵԽԽՎ գարնանային նստաշրջանն ավարտվել է
Արամ Սուքիասյանը հաղթող է ճանաչվել Հանրային հեռարձակողի խորհրդի անդամի թափուր տեղի համար անցկացված մրցույթում
Հակառակորդի սադրիչ և ագրեսիվ գործողությունները նպատակ ունեն տորպեդահարել ՌԴ խաղաղապահ առաքելությունը. Արցախի ԱԳՆ
Դատախազության մոտ հրմշտոցի հետևանքով ոստիկանի ինքնազգացողությունը վատացավ. նրան տեղափոխեցին հիվանդանոց
Հալաբյան-Էստոնական խաչմերուկի լուսացույցները երթևեկելի մասի աջ կողմից կտեղափոխվեն
Լարված իրավիճակ Գլխավոր դատախազության դիմաց. ակցիայի մասնակիցները փորձեցին ներխուժել շենք
«Գրականություն» առարկայի անվան մեջ «հայ» բառը կավելացվի, իսկ «եկեղեցու պատմությունը» առանձին նախատեսվում է ավագ դպրոցում
Հաղարծին գյուղին հարակից անտառում քաղաքացին ընկել է․ վերջինս հոսպիտալացվել է Դիլիջանի ԲԿ
Մենք կողմ ենք ռազմագերիների խնդրի լուծմանը՝ համաձայն «բոլորը բոլորի դիմաց» ձևաչափի. Մարիա Զախարովա
Չարենցի փողոցում կկատարվի երթևեկության կազմակերպման փոփոխություն
17 անիվավոր տրակտորներ և 2 ՈւԱԶ ավտոմեքենա՝ Հայաստանի 8 մարզի «Արոտօգտագործողների միավորում» սպառողական կոոպերատիվներին
«Ժխտողականության հարցում Թուրքիայի ներկա իշխանությունը նախկինից ավելի վատն է». թուրք քաղաքագետ Ջենգիզ Աքթար
ԿԳՄՍ նախարարը կհաստատի Պոլիտեխնիկական համալսարանի ռեկտորի ընտրության արդյունքները
ՊՆ-ն քաղաքացիներին հորդորում է չդիմել ՊՆ իրավասությունների շրջանակից դուրս հարցերով
Էրդողանի նյարդերը տեղի են տալիս
Ընդդիմության ակցիան՝ ի աջակցություն սյունեցիների մեկնարկել է. շարժվելու են դեպի դատախազություն
Արտակ Դավթյանն ընդունել է ՀՀ-ում Սերբիայի գործերի ժամանակավոր հավատարմատարին՝ դեսպանության ռազմական կցորդի ուղեկցությամբ
Հետմահու պարգևատրվել են ԱԱԾ ահմանապահ զորքերի մի խումբ զինծառայողներ
Վերջին 2 տարվա մեջ ՀՔԾ քննիչների 18 որոշում է վերացվել դատախազության կողմից
Երևանի քաղաքապետարանի ճեմասրահում մեկ շաբաթ կգործի «Վտանգված ժառանգություն․ Արցախ». ցուցահանդեսը․ մուտքն ազատ է
Հայ խաղաղապահները Կոսովոյում մասնակցել են վարժանքների
Հրապարակվել է Վենետիկի Հանձնաժողովի և ԵԱՀԿ/ԺՀՄԻԳ-ի համատեղ կարծիքը ՀՀ Ընտրական օրենսգրքի նախագծի վերաբերյալ. Բադասյան
Սյունիքում երեկ տեղի ունեցած դեպքերի առնչությամբ այս պահին բերման ենթարկվածները 16-ն են
ՄԻՊ-ը շարունակում է այցելել Սյունիքի դեպքերի առնչությամբ ձերբակալվածներին ու բերման ենթարկվածներին
© 2021 Հայկական ժամանակ