Երաշխիքը հրապարակում կանգնած ժողովուրդն է. Նիկոլ Փաշինյանը՝ Գեւորգ Պետրոսյանին

Վարչապետի թեկնածու, ԱԺ պատգամավոր, ԵԼՔ խմբակցության ղեկավար Նիկոլ Փաշինյանը նշեց ՀՀ-ում մի շարք խնդիրների լուծման երաշխավորը կլինի ժողովուրդը: Նա ընդգծեց, որ այն ժողովուրդը, որը կարողացավ առանց բռնության հեղափոխություն կատարել, այլեւս երբեք թույլ չի տա, որ իշխանությունները վատ ղեկավարեն երկիրը՝ անկախ նրանից, թե ով կլինի այդ իշխանությունը: Այս պահին ԱԺ-ում ընթանում է հատուկ նիստը, որի ժամանակ պետք է ընտրվի երկրի վարչապետը եւ վարչապետի թեկնածուն նման միտք արտահայտեց՝ պատասխանելով Ծառուկյան խմբակցության պատգամավոր Գեւորգ Պետրոսյանին: Պետրոսյանի հարցը հետեւյալն էր.

«Շատ լավ գիտեք, որ Հայաստանում բնակչության սոցիալական վիճակն աղետալի է, արտագաղթը շարունակվում է, եւ այս ամենացավալի երեւույթներին նպաստող մի քանի տասնյակ պատճառների եւ պայմանների շարքում, իմ խորին համոզմամբ առանձնակի տեղ ունեն հանրապետությունում իրականացվող հարկային տեռորը, մաքսային տեռորը եւ ամենակարեւորն արդարության բացակայության եւ արդարադատության անմատչելիության մթնոլորտը: Այն, որ ժողովուրդը Ձեզ հավատում է, ապացույցն այն է, որ Դուք հիմա այդտեղ եք կանգնած: Բայց բացի ընդհանուր հավատը՝ պետք են նաեւ երաշխիքներ: Արդյո՞ք մենք հույս ունենանք, որ Ձեր ընտրվելու դեպքում մենք այլեւս չենք ապրելու այն Հայաստանում, որտեղ մարդը ցածրագույն արժեքն է, որտեղ մանր ու միջին բիզնես ուղղակի կեղեքվում է հարկային մարմինների կողմից, որտեղ իր հանապազօրյա հացը հայթայթելու համար սահմանից ընդամենը 1 արկղ մանդարին կրողը ենթարկվում է հալածանքների, եւ մաքսային մարմինն ավելի դաժան է, քան գերեվարված հակառակորդի զինվորի նկատմամբ գերեվարած զինվորի վերաբերմունքը: Եվ ի վերջո արդյո՞ք մենք չենք ապրի այն Հայաստանում, որտեղ ձու գողացողն անազատության մեջ է, ձի գողացողը՝ ազատության, փառքի մեջ: Երաշխիքն է պետք, ոչ թե՝ խոստումը, մենք խոստումներ շատ ենք լսել: Երաշխիք՝ ինչպիսին պետք լինի իմ նկարագրած վիճակի հանգուցալուծումը Ձեր օրոք»,- հարցրեց նա:

Նիկոլ Փաշինյանը պատասխանեց.

«Շատ կարեւոր հարց եք բարձրացնում: Եթե նկատեցինք, ես տեղի ունեցող քաղաքական պրոցեսների ամենամեծ եւ կարեւոր պահանջը համարեցի արդար Հայաստանը: Եվ ես ձեզ հետ համաձայն եմ, որ դա ամենաօրախնդիր խնդիրներից մեկն է: Երաշխիքները պետք է ստեղծվեն հընթացս: Ես մի բան եմ ուզում ասել. տեսեք այս ամբողջ շարժումն ի՞նչ իմաստ կունենա... դուք պատկերացնո՞ւմ եք՝ մենք այսօր պայքարում ենք մարդկանց հիասթափության, հուսահատության դեմ, պատկերացնո՞ւմ եք՝ ինչպիսին կլինի մարդկանց հուսահատությունն ու հիասթափությունը, եթե հանկարծ փոփոխություններից հետո պարզվի, որ ձեր ասած բոլոր արատավոր երեւույթները կամ առնվազն դրանց մի մասը շարունակում են գոյություն ունենալ: Բա այս ամեն ինչը ինչի՞ համար էր:

Երաշխիքը գիտե՞ք՝ ընդհանրապես, ես կարծում եմ, որ հիմա մենք ունենք ամենակարեւորը երաշխիքը: Եվ այդ երաշխիքն այս դահլիճում չէ: Երաշխիքը հրապարակում կանգնած ժողովուրդն է, որը ասել է, որ այլեւս չի հանդուրժի, ես լինեմ, դուք լինեք, որեւէ ուրիշ մեկը լինի, աջ-ձախ չի լինելու: Վե՛րջ: Հայաստանում իշխանության տերը ժողովուրդն է: Այն իշխանությունը, որը հոտառությունը կորցրեց, ով ուզում է լինի, դա անուն ազգանունի խնդիր չէ, կուսակցության խնդիր չէ, նա տապալված է Հայաստանում: Ամենամեծ երաշխիքը դա է՝ ակտիվ ժողովուրդը, հաղթած ժողովուրդը, հաղթած քաղաքացին: Մնացածը օրենսդրական եւ քաղաքական կարգավորումների խնդիր է:

Հայաստանում մաքսային համակարգի ամենամեծ պրոբլեմը գիտեք ո՞րն է: Որ կարող է մարդը մեկ էլ ինչ-որ բան ներկրի, ամեն ինչ նորմալ, թղթերը նորմալ եւ այլն, ասեն՝ չես կարող: Ասի՝ ինչո՞ւ: Ասեն՝ տենց. այսինքն՝ օրենքով կարող ես, իրավունքով կարող ես, բայց փաստացի չես կարող: Արդեն ասացի, որ դա վերանալու է: Ընդ որում, վերանալու ոչ թե որովհետեւ մենք ինչ-որ մարդկանց հետապնդելու ենք, ձախողելու ենք, սնանկացնելու ենք, բացարձակապես: Մենք ընդամենը դե ֆակտո գոյություն ունեցող արգելքները վերացնելու ենք: Եվ դա անելու ենք հրապարակային եւ թափանցիկ: Ինչ ասացիք, կիսում եմ:

Հարկային համակարգի հետ կապված ուզում եմ մի նրբություն էլ նկատել: Մարդը ավելի տեռորի ենթարկված է զգում, երբ ոչ միայն զգում է, որ իր վերջին կոպեկը տանում են, այլեւ որ զգում է, որ այդ կոպեկը չի ծախսվում արդյունավետ իր պետության կարիքների եւ նպատակների համար: Այդ տեռորի զգացումը միայն նրանից չէ, որ մարդ զգում է, որ վճարում է: Նաեւ նրանից է, որ տեսնում է՝ իր վճարած գումարը տեղ չի հասնում»,- ասաց նա:

Գեւորգ Պետրոսյանն արձագանքեց Փաշինյանի պատասխանին:

«Մենք հավաստիության կանխավարկածով ենք վերաբերում Ձեր պատասխանին եւ լիահույս ենք, որ Ձեր ղեկավարած պետությունում դատական ակտերը չեն կայացվի դատարանների խորհրդակցական սենյակներից դուրս, որ մարդիկ կհավատան իշխանությանը: Եվ ամենամեծ խայտառակությունը ոչ թե այն է, որ օտարերկրյա դեսպանատների մոտ ժողովուրդը հավաքվում եւ բողոքի ակցիա է անում, այլ ամենամեծ խայտառակությունն այն է, որ մի բուռ ազգն ապրում է սովի ու հուսահատության մեջ»,- ասաց նա:

Նիկոլ Փաշինյանն ավելացրեց.

«Ես ուզում եմ հետեւյալն ասել, որ, այնուամենայնիվ արձանագրենք, որ մենք հիմա խոսում ենք ժամանակավոր կառավարության մասին, որի առաջիկա ամենակարեւոր խնդիրը լինելու է ընտրությունների կազմակերպումը, որով կձեւավորվի ժողովրդի լիակատար վստահությունը վայելող խորհրդարան: Այդ խորհրդարանում ուժերի բաշխվածության արդյունքում կձեւավորվի կառավարություն, որը եւ կլուծի այդ խնդիրները: Իհարկե, ժամանակավոր կառավարությունը նույնպես իր գործունեության ժամկետում եւ ծավալներում արագ եւ օպերատիվ կլուծի բազմաթիվ հարցեր, որոնք շատ երկար տարիներ չեն լուծվել: Ընդհանրապես ես, կիսելով ձեր ձեւակերպումը, ուզում եմ պաշտոնապես պարտավորվել հետեւյալը. հարկային-ոչ հարկային որեւէ տեռոր ՀՀ քաղաքացիների նկատմամբ այլեւս չի լինելու եւ չի կարող լինել: Այդ էջը փակված է: Ոչ թե ես եմ երաշխավորը կամ որեւէ քաղաքական գործիչ, այդ երաշխավորն ազատագրված ժողովուրդն է»:

Տպել
2765 դիտում

Ուսուցիչը առանձնահատուկ դերակատարություն ունի մեր կյանքում. Սասուն Միքայելյանի ուղերձը

Հայաստանի պետական կամերային երգչախումբը համերգային շրջագայությամբ հանդես է եկել Իտալիայում

Սյունիքի նախկին մարզպետի որդու քրեական գործն ուղարկվել է դատարան

Լեռնանիստ գյուղում այրվել է խոտածածկ տարածք

ՀՀ ՄԻՊ-ը և Ֆրանսիայի դեսպանն այցելել են Ադրբեջանի ագրեսիայի հետևանքով Սյունիքում տուժած ընտանիքներին

«Զանգեզուր TV»-ն վերանվանվել է «Սյունիք հեռուստաընկերություն»

Հանրային քննարկման է ներկայացվել «ՀՀ 2023 թվականի պետական բյուջեի մասին» օրենքի նախագիծը

ԱԷԿ է այցելել Ատոմային էներգիայի միջազգային գործակալության գլխավոր տնօրենի գլխավորած պատվիրակությունը (լուսանկարներ)

Փոխվարչապետ Մաթևոսյանը կարևորել է ճգնաժամերին արագ արձագանքման համար կարողությունների հզորացման անհրաժեշտությունը

Որպես լուսավորության առաքյալներ՝ առաջնորդում եք մի ամբողջ սերնդի. Արտակ Բեգլարյանը շնորհավորել է Ուսուցչի օրվա առթիվ

Հոկտեմբերի 1-ից ստուգումների մասին փաստաթղթերը և բողոքարկման հանձնաժողովի որոշումները կծանուցվեն էլեկտրոնային եղանակով

Հաջողությամբ ավարտվեց ՀՀ արժեթղթերի շուկայում կորպորատիվ պարտատոմսերի խոշորագույն ծրագիրը

Անգնահատելի է ձեր ներդրումը սերունդների կրթության ու դաստիարակության հայրենանվեր գործում. Հրաչյա Սարգսյանի ուղերձը

Ջերմուկի հյուրանոցները վերսկսում են աշխատանքը

ՄԻՊ-ը հրապարակել է ՀՀ-ի վրա ադրբեջանական հարձակման հետևանքների վերաբերյալ արտահերթ զեկույցի թարմացված տարբերակը

Աշգաբադում կայացել է ՀՀ անկախության 31-ամյակին նվիրված պաշտոնական ընդունելություն

Կեղծ արձանագրություն կազմելու համար ՃՈ 3 ծառայողի վերաբերյալ կայացվել է մեղադրական դատավճիռ

Երևանը երգում է Ֆորշի համար․ արտիստի 55-ամյակին նվիրված երեկո կկազմակերպվի

Վահրամ Դումանյանը և Արթուր Մարտիրոսյանը Կիպրոսում մասնակցելու են ՄԱԿ-ի ԵՏՀ 9-րդ համաժողովին

Բռնցքամարտի Եվրոպայի առաջնությունում Հայաստանի հավաքականը թիմային հաշվարկում գրավել է առաջին տեղը

ՀՀ նախագահն ու Գրոսին անդրադարձել են Հայաստանում նոր ատոմային էներգաբլոկի կառուցման նախագծային աշխատանքներին

Ադրբեջանը հարձակվել և օկուպացրել է Հայաստանի տարածքներ, բայց ԵՄ-ը պատժամիջոցներ չի դիտարկում. Բորել. «Ազատություն»

Լուսավորման աշխատանքներ են Երևանի մետրոպոլիտենի կայարաններում և հարակից տարածքներում (լուսանկարներ)

Հիմնանորոգվում է Երևան-Երասխ-Գորիս-Մեղրի-Իրանի սահման միջպետական ավտոճանապարհը

Ովքեր տարկետում կստանան․ ԱԺ-ն ընդունեց նախագիծը

Ադրբեջանական ագրեսիայի հետևանքով վիրավորում ստացած 101 զինծառայողից 61-ը դուրս է գրվել. չկան ծանր վիճակում գտնվողներ

Տավուշի մարզի Դիմաց լեռան տարածքում իրականացված աշխատանքները դադարեցվել են, տարածքը կվերադարձվի նախկին տեսքին

Հրդեհ է բռնկվել Արտաշատ քաղաքի հացի փռերից մեկում

ԱԺ-ն ևս 6 ամսով երկարաձգեց 44-օրյա պատերազմի հանգամանքները քննող հանձնաժողովի աշխատանքները

Ցանկանում եմ, որ ամեն պահի յուրաքանչյուրդ, ըստ արժանվույն, գնահատված զգաք ձեզ. Հակոբ Արշակյանի ուղերձը

ԱԺ-ն «Զենքի շրջանառության կարգավորման մասին» նախագիծն ամբողջությամբ ընդունեց

Անվիճելի է, որ ձեզ է վստահված սերունդների միջեւ դեսպանի ու թարգմանչի դերը. Ալեն Սիմոնյանը՝ ուսուցիչներին

Խուլիգանության համար 1 տարի շարունակ հետախուզվողը հայտնաբերվել է հիվանդանոցում

Գրիգոր Մինասյանը Հարկադիր կատարումն ապահովող ծառայության աշխատակիցներին է ներկայացրել աշխատանքի նոր մոդելը

Հայաստանում մեկնարկել է Արագ արձագանքման բժշկական թիմերի բարձր մակարդակի հանդիպումը (լուսանկարներ)

Դժվարին օրեր ենք ապրում, որտեղ յուրաքանչյուրիս առաքելությունը կրկնակի կարևոր է, ձերը՝ առավել քան. ԿԳՄՍ նախարարի ուղերձը

Ատոմային էներգետիկայի միջազգային գործակալությունը կշարունակի աջակցել Մեծամորի ատոմային էլեկտրակայանին․ Գրոսի

Իջևան քաղաքում ավտոմեքենան բախվել է գազատար խողովակին

ՀՀ գլխավոր դատախազն ու ԱՄՆ-ի դեսպանը քննարկել են համագործակցությունը զարգացնելու օրակարգը

Դուք այն կամուրջն եք, որը պետք է ապահովի սերունդների միջև գիտելիքի և առաքինության անխաթար կապը. ՀՀ նախագահի ուղերձը