Հայաստանում մնացել է ընդամենը 50 աթոռ՝ Բաղրամյան 19-ում, իշխանությունն այստեղ է. թարմացված

21:45- Նիկոլ Փաշինյանը խնդրեց ծափահարել ու ողջունել ԲՀԿ-ին, ՀՅԴ-ին, ԵԼՔ խմբակցությանն ու ՀՀԿ պատգամավոր Ֆելիքս Ցոլակյանին, ով միակն էր իրենց կուսակցությունից, որ կողմ էր քվեարկել Նիկոլ Փաշինյանի թեկնածությանը:

Հանրահավաքն ավարտվեց՝ վաղվա գործողությունների պլանը կրկին անգամ ներկայացնելով:

21:40- «ՀՀԿ-ն այլեւս բարոյապես գոյություն չունի, եթե անգամ փողոցում մի տեղ տեսնեք հանրապետականի որեւէ պատգամավորի, չնկատելու տվեք, որովհետեւ իրենք այսուհետ գոյություն չունեն: 

Հայաստանում ավելի քիչ փողոց կա, քան այստեղ մարդիկ, եթե միայն այս բոլոր մարդիկ էլ լծվեն այդ գործին, ՀՀ-ում այլեւս բաց փողոց չի մնա:

Ես ուզում եմ խոնարհվել ձեր առջեւ: Ես երեկ եմ ասել, որ ինչ պետք է այսօր տեղի ունենար ԱԺ-ում, այդքան էական չէ: Ինչքան երկարում է այս պրոցեսը, այդքան հայտնի է դառնում Հայաստանն աշխարհում ու շուտով կդառնա աշխարհի իդեալը: ՀՀ-ի վարկանիշն աշխարհում երբեք այսքան բարձր չի եղել, ինչքան այսօր:

ԱԺ-ն, կառավարությունը այժմ երկրորդական բաներ են, որովհետեւ այժմ աշխարհի ուշադրությունն այս հրապարակի վրա է, ու աշխարհում շարունակում են զարմանալ՝ ինչպիսի քաղաքակիրթ, ինչպիսի զուսպ ազգի հետ գործ ունեն:

Այսուհետ աշխարհում հայերի անունը ասոցացվելու է հաղթանակի, սիրո, արժանապատվության հետ, մենք հպարտ ենք, որ հայ ենք, որ ՀՀ քաղաքացի ենք:

Վաղը առավոտվա 8:15-ից տոտալ գործադուլ ու տոտալ դասադուլ, շրջափակում ենք հաղորդակցության բոլոր միջոցները՝ երկաթուղին, օդանավակայանն ու փողոցները, ամեն ինչ, ՀՀ քաղաքացիները դուրս են գալիս պահանջով, որ իրենց թեկնածուն դառնա վարչապետ: Երեկոյան ժամը 19:00-ին կրկին ռեկորդային հանրահավաք է տեղի ունենալու: Այսօրվա հանրահավքը ռեկորդայինն է այս բոլոր օրերի մեջ,-շարունակեց Փաշինյանը:  

21:30- «ՀՀԿ կուսակցության գործողություններին հաջորդում է մեր հակաքայլը՝ վաղը հայտարարվում է տոտալ գործադուլ ու դասադուլ, վաղը շրջափակվում են բոլոր փողոցները, երկաթուղին, մետրոն, օդանավակայանը, ամեն ինչ, ինչ հնարավոր է: Ես դիմում եմ որպես ժողովրդի թեկնածու՝ բոլոր պետական ծառայողներին վաղը հայտարարում ենք տոտալ գործադուլ:

Այս պայքարը չի կարող չավարտվել հաղթանակով, չկա այդպիսի տարբերակ, ուղղակի գոյություն չունի: Վաղը կարիք չի լինի փողոցը փակելու համար որեւէ մեկից ներողություն խնդրել, որովհետեւ Հայաստանում արդեն գրեթե չեն մնացել մարդիկ, որոնք կողմ չեն այս հաղթանակին»:

21:24- «Աներեւակայելի է, որ 250 հազար մարդ առավոտից այստեղ սպասում է, սա նշանակում է՝ սա ուրիշ Հայաստան է, մեր հաղթանակն ապահովված է: Այս ուրիշ Հայաստանում մնացել է ընդամենը 50 հատ աթոռ՝ Բաղրամյան 19 հասցեում գտնվող, մնացած ամբողջ Հայաստանը ՀՀ քաղաքացու լիիրավ իշխանության ներքո է: Այսօր ՀՀԿ-ի պահվածքն ուներ բացառապես պրովակացիոն բնույթ, նրանք ուզում էին հասնել նրան, որ թեկնածուն ու ժողովուրդն ափերից դուրս գան, գրոհներ անեն, բայց մենք դիակապտությամբ չենք զբաղվում, քաղաքական այդ մեռելը ընդհանրապոս արժանի չէ մեր ուշադրությանը: Ու եթե խոսք է գնում բանակցությունների մասին, պաշտոնապես հայտարարում եմ՝ բանակցությունները կարող են վերաբերվել միայն ՀՀԿ կուսակցության հուղարկավորությանն ու հոգեհացին: Ես ուզում եմ հստակ գնահատենք տեղի ունեցածը, այսօր ՀՀԿ-ի քվեարկությունն ունեցել է նույն բովանդակությունը, ինչ ուներ մեր առեւանգումը Արցախի փողոցից:

Մենք նույնիսկ կես մմ հետքայլ անելու տարբերակ ու հնարավորություն չունենք, մենք պետք է գնանք առաջ՝ ազատագրելու մեր հայրենիքի նույնիսկ ամենափոքր միլիմետրը: ՀՀ-ում այսօր չկա մի ուժ, որը կարողանա դիմակայել ձեզ: Ես դիմում եմ ոստիկանությանը՝ մի կողմ թողնել ամեն ինչ ու խառնվել ցուցարար ժողովրդին»,-ասաց Նիկոլ Փաշինյանը:

21:22- Ծափերի, վանկարկումների ներքո մոտեցավ նաեւ Սասուն Միքայելյանը:

21:20- Հանրապետության հրապարակում հարյուր հազարավոր քաղաքացիներ են, նրանց մոտեցավ Նիկոլ Փաշինյանը: Հարթակին հասնելուն պես հազարավոր մարդիկ տոնական տրամադրություն ստեղծեցին՝ վանկարկելով «հաղթանակ» ու բաց թողեցին հրավառություն: Հրապարակում են ՀՀ բոլոր մարզերից եկած մարդիկ:

21:16- Փաշինյանը դեպի հրապարակ տանող ճանապարհն անցնում է ոտքով, փողոցներում անասելի աղմուկ է, «Նիկոլ, վարչապետ» վանկարկումներ, շարունակ ավելացող բազմություն:

21:11- Այսօր կեսօրից էլ շուտ Հանրապետության հրապարակում հավաքված ու ողջ օրվա ընթացքում դրսում սպասող հազարավոր քաղաքացիներին է մոտենում Նիկոլ Փաշինյանը:

Մեկնարկելու է հերթական հանրահավաքը: Մարդկանց թիվը գնալով ավելանում, Նիկոլ Փաշինյանը Հանրապետության հրապարակին է մոտենում բազմաթիվ քաղաքացիների ուղեկցությամբ, «Նիկոլ, վարչապետ» վանկարկումների ներքո, նրան ուղեկցում է կինը:

Տպել
6884 դիտում

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը

Մանե Թանդիլյանը տեղափոխվել է Արցախ ապրելու եւ Արցախն ապրեցնելու

Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն

Աշխատանքի միջոցով պետք է ԱՄՆ-ի կողմից ՀՀ-ին տրամադրվող հումանիտար օգնությունը 100 մլն դոլարի հասցնել. Զարեհ Սինանյան

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան

Քարամշակման արտադրամասն օգտագործում է մակերևույթային ջուր՝ չունենալով ջրօգտագործման թույլտվություն․ ԲԸՏՄ ստուգումները

ՀՀ ՏԿԵ նախարարության մասնագետները Շիրակի մարզում ուսումնասիրել են ընթացող փողոցաշինական աշխատանքները, կատարել նմուշառում

Երևանում 28-ամյա տաքսու վարորդը դանակահարել է33-ամյա մի տղամարդու (տեսանյութ)