Շիրակի մարզպետ Արթուր Խաչատրյանն այսօր վայր դրեց մարզպետի իր լիազորությունները

«Առաջին անգամ ասելիքս գրի եմ առել, որ կարդամ»,-մեծ հուզմունքով լրագրողներիս այսօր հենց այսպես դիմավորեց Շիրակի նախկին մարզպետ Արթուր Խաչատրյանն ու տեւական ժամանակ պահպանվող հուզմունքով էլ իսկապես կարդաց իր ուղերձը:

«Հարգելի եւ սիրելի իմ շիրակցիներ.

Այսօր ՀՀ կառավարությունն ընդունեց դեռեւս ապրիլի 26-ին ներկայացրած իմ հրաժարականը: Այսօր ես վայր եմ դնում ՀՀ Շիրակի մարզպետի իմ պարտավորությունները: Պարտականություններս իրականացրել եմ  առաջնորդվելով բարոյականության, հանրային շահի գերակայության, ու մասնագիտական արհեստավարժության ու իմ սկզբունքներին համապատասխան: 11 ամիս առաջ, երբ ես մարզպետ նշանակվեցի, հայտարարեցի, որ ես Շիրակի մարզ «խոպան» չեմ եկել: Եկել եմ, որ համատեղ աշխատանքով կարողանանք մարզի վրայից ջնջել աղետի գոտու պիտակը, փոխել մարդկանց հոռետեսական  տրամադրությունը, աշխատատեղեր ստեղծել ու կանխել արտագաղթը: Ունեի երկարաժամկետ բազմաթիվ ծրագրեր ու լուծելիք խնդիրներ»,- լրագրողների հետ հանդիպման ժամանակ ասաց Արթուր Խաչատրյանը: Դրանք հաստատ կիսատ չեն մնա եւ առաջիկայում կիրականացվեն, քանի որ այնպիսի հիմնախնդիրներ են, որոնց լուծումներն անձով պայմանավորվել չեն կարող,-վստահեցրեց Արթուր Խաչատրյանը:

Ի՞նչ փոխեցիք մարզպետարանոմ Ձեր աշխատանքով հարցի պատասխանն ուղիղ էր՝  աշխատանքի ոճը: Աշխատեցինք ավելի պրոֆեսիոնալ, դարձանք ավելի թափանցիկ ու հասանելի մեր քաղաքացիների համար,-ասաց մարզպետը:

«Քաղաքացիների ընդունելությանը բազմաթիվ մարդիկ են եկել, շատերի համար որ իրենց լսում ես, վեր ես կենում, ձեռքը սեղմում ես, հրավիրում ես նստելու, միգուցե շատ ավելի կարեւոր է, քան այն նյութական փոքր ակնկալիքը, որի համար եկել է: Չի կարելի քեզ VIP-ի տեղ դնես, համարես, որ դու օրենքից ավելի բարձր ես, օրենք գրես, հետո էդ օրնեքների վրա ծիծաղես: Երբ որ ծառայողական մեքենա ստանձնեցի,ես առաջինն էի, որ պոկեցի վրայից  սեւ պլյոնկեքը եւ երեւի միակ մարդն եմ եղել ամբողջ մարզում, որ ամրագոտին ամրացված եմ երթեւեկել»:

Շիրակի մարզն այս կարճ ժամանակամիջոցում հասցրել է Արթուր Խաչատրյանի համար հարազատ անկյուն դառնալ: Հատկապես Արփի լիճն է սիրում: Խոստովանում է, այստեղից մեծ դժվարությամբ է գնում: 

«Մենք էնքան ենք ասել աղետի գոտի, աղքատ, սոված, դժբախտ, որ ասում ես էս ինչ դժվախտ տեղ եմ գալիս, բայց որ գալիս ես, աշխատում ես, տեսնում ես, որ էնքան էլ էդպես չի, էլի: Էս մազոխիստությանը պետք է վերջ տալ: Ունենք մարդիկ, ովքեր թասիբով են, սիրում են իրենց երկիրը, քաղաքը: Լինելով ուղն ու ծուծով երեւանցի, պետք է ասեմ, որ ոչ մի երեւանցի էդքան հպարտ չի, որ երեւանցի է, ինչքան գյումրեցին է հպարտ, որ ինքը գյումրեցի է»:

Ու՞ր է գնում Արթուր Խաչատրյանը: Ասաց այնտեղ, ուր ՀՅԴ-ն կորոշի: Մի քանի օր դեռ Գյումրիում կլինի: 

«Հավատում եմ մեր երկրի հզորացմանը, հավատում եմ Շիրակի մարզի ծաղկմանը: Մի քանի օրից վերադառնալու եմ Երեւան՝ հոգուսմ ու մտքումս միշտ պահելով հարազատ դարձած իմ Շիրակը: Ուզում եմ, որ ինձ միշտ հիշեն  որպես Գյումրիում հանգիստ զբոսնող, բոլորի հետ խանութներում հերթ կանգնող եւ երիտասարդ ցուցարարաների հետ մարզպետարանի աստիճաններին կանգնած հանգիստ զրուցող պարզ մարդու: Բարին ընդ ձեզ, շնորհակալություն»,-հնդիպումը եզրափակեց Արթուր Խաչատրյանը:

 

Տպել
5334 դիտում

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին

Ընդունում եւ հանձնում. նավից պարահանդես

Երկու աթոռ. պայքարը ավելի է թեժանում

«Իմ քայլը հանուն Լոռու մարզի» բիզնես ֆորումի մասնակիցները նոր ներդրողների են սպասում