Երբ պաշտոնից ազատման դիմում եմ գրել, այդ պահին այլ իրավիճակ էր. ԿԳ փոխնախարար

ՀՀ կրթության եւ գիտության փոխնախարար Դավիթ Սահակյանը մեր խնդրանքով անդրադարձել է պաշտոնից ազատման իր որոշումը: Արդեն տեղեկացրել ենք, որ վարչապետի պաշտոնակատար Կարեն Կարապետյանն ընդունել է նրա դիմումը եւ մայիսի 2-ին ստորագրել է զբաղեցրած պաշտոնից ազատելու մասին համապատասխան որոշում: Դավիթ Սահակյանն ասաց, որ դիմումը ներկայացրել է նույն օրը՝ մայիսի 2-ի առավոյան:

Արդեն նախկին փոխնախարարի հետ մեր զրույցը՝ ստորեւ.

- Պարոն Սահակյան, ինչպես կմեկնաբանեք պաշտոնից ազատման ձեր դիմումը, ինչու հանգեցիք այդ որոշմանը:

- Ես հիմա չեմ ուզում մեկնաբանել, որովհետեւ հրաժարականի դիմում գրելուցս հետո իրավիճակ է փոխվել, եւ չեմ կարծում, որ հիմա մեկնաբանությունների կարիք կա: Դա իմ անձնական որոշումն է եղել:

- Նկատի ունեք՝ այսօր արդեն հնարավոր է ձեզ ճիշտ չհասկանա՞ն եւ ձեր որոշումն ա՞յլ կերպ մեկնաբանվի:

- Չէ, ուղղակի երբ որ ես դիմումս գրել եմ, այդ պահին մի իրավիճակ է եղել, հիմա մի փոքր այլ իրավիճակ է: Դա իմ անձնական որոշումն է եղել:

- Դուք բազմաթիվ նոր նախագծերի հեղինակ եք, որոնք արդեն պատրաստ էին եւ շուտով պիտի ներկայացնեիք: Փաստորեն այդ գործերը թողել եք կիսատ:

- Ես ափսոսում եմ բոլոր այն գործերի համար, որոնք կարող են կիսատ մնալ, չնայած չեմ կարծում, որ ամեն ինչը մեկ անձի վրա է կառուցված, թիմ կա, որոնք այդ նախագծերը ձեռնարկել են, ու ես մենակ չեմ եղել: Համոզված եմ, որ թիմը այդ նախագծերն առաջ կտանի, ես էլ չեմ մտածում, որ կրթության ոլորտից պետք է հեռանամ: Միեւնույնն է, կրթությունն իմ ոլորտն է, իսկ Հայաստանը բավականին փոքր է: Այնպես որ համագործակցության եզրեր եւ ընդհանուր ծրագրեր հաստատ կգտնենք:

- Իսկ #Իմքայլը շարժման մասին ինչ կարող եք ասել: Ինչ կարծիք ունեք այն ամենի մասին, ինչ տեղի ունեցավ վերջին օրերին:

- Որպես քաղաքացի ես, անշուշտ, չեմ կարող անտարբեր մնալ այն ամենի նկատմամբ, ինչ որ տեղի է ունենում: Բայց ե՛ւ նախարարություն գալը, ե՛ւ նախարարությունից գնալը պայմանավորված չի եղել քաղաքականությամբ: Այդ իսկ պատճառով ես որեւէ բաց հայտարարություններ էլ չեմ արել:

- Այսինքն՝ գործ անելու էիք գալիս:

- Ինձ փոխնախարարի պաշտոնը ստանձնելու առաջարկությունն արվել է փոփոխություններ իրականացնելու համար: Ես անկեղծ եկել եմ փոփոխություններ անելու, այդ գործով զբաղվել եմ ազնիվ բոլորի եւ առաջին հերթին իմ նկատմամբ ու նույն ձեւի էլ շարունակում եմ:

- Այսինքն՝ դիմումը գրելուց առաջ արդեն կարծում էիք, որ այդ գործով զբաղվելու հնարավորությունները սահմանափակվե՞լ են:

- Երկրում իշխանություն է փոխվում: Իշխանությունների փոփոխությունը բերելու է բոլոր օրակարգերի, բոլոր առաջնահերթությունների վերանայման: Ես եկել էի աշխատելու, ոչ թե պաշտոնի եւ այլնի համար: Ես ունեմ իմ տեսակետները, իմ գաղափարները: Նոր ձեւավորված իշխանության հետ պատրաստ եմ քննարկելու, խոսելու, ներկայացնելու արված աշխատանքները:

- Նաեւ համագործակցելո՞ւ պատրաստ կլինեք:

- Միշտ: Էլի եմ ասում, ես կուսակցական չեմ եւ երբեք որեւէ կուսակցության մեջ չեմ եղել, քաղաքականությամբ ընդհանրապես չեմ զբաղվել: Այս ամենը ինձ հետաքրքրում է որպես ոչ անտարբեր քաղաքացու: Պայքարի ձեւը ես ինձ համար տարիներ առաջ ընտրել եմ կրթության միջոցով երկիրը փոխելը, այդ ճանապարհով գնացել եմ առաջ, նույն սկզբունքներով առաջնորդվել եմ նախարարությունում եւ նույն սկզբունքներով առաջնորդվելու եմ սրանից հետո: Ցակացած ծրագրեր, ցանկացած գործողություններ ուղղված են պետականության ամրապնդմանը եւ ավելի լավ Հայաաստան ունենալուն ինձ համար, իմ երեխաների համար, ձեր երեխաների համար, բոլորի համար: Այս մասով չհամագործակցելը ուղղակի ինձ համար անհասկանալի է: Որեւէ խոչընդոտ չի կարող լինել համագործակցության համար, որովհետեւ իմ պարագայում քաղաքական դիրքորոշում չկա: Օրակարգերի, ծրագրերի փոփոխությունը ժամանակ է պահանջելու, այս ամեն ինչը պետք է հստակեցվի: Մինչեւ այդ օրակարգերը չհստակեցվեն, դժվար կլինի որեւէ լուրջ աշխատանք առաջ տանել, ծրագրել, նախագծել, իրագործել: Այդ  իմաստով փոխնախարարի պաշտոնում իմ լինելը կամ չլինելը մեծ օգուտ կամ վնաս չի բերի այս պահին:

Տպել
5776 դիտում

Վանաձոր-Ալավերդի. կձեռնարկվեն միջոցներ բնակչությանը պատճառվող անհարմարությունները բացառելու ուղղությամբ

ԵՊՀ հոգաբարձուների խորհուրդը նոր նախագահ  եվ նոր քարտուղար ունի

Երեւանի պետական համալսարանը հոգաբարձուների խորհրդի նախագահ ընտրեց․ միաձայն ընտրվեց Գեւորգ Մուրադյանը

Այս տարի ՀՀ-ում կստեղծվի էլեկտրական մեքենաների լիցքավորման կայանների ցանց. կառավարություն (տեսանյութ)

Չլուծվող Կուրիլյան կղզիների խնդիրը. այսօր կհանդիպեն Վլադիմիր Պուտինը եւ Սինձո Աբեն

Գլոբալացման չորրորդ ալիքը պետք է լինի մարդակենտրոն. այսօր բացվում է Դավոսի համաժողովը

Ոստիկանները հայտնաբերել են Երևանի Ազատության պողոտայում կրակողին (տեսանյութ)

Ոստիկանները բացահայտել են «varks.am»-ի մասնաճյուղերում կատարված կողոպուտները. կասկածյալը ձերբակալվել է

«Սուրբ Գրիգոր Լուսավորիչ» ԲԿ-ն զգուշացրել է շտապօգնությանը՝ իրենց մոտ հիվանդ չտանել. տեղ չունեն

Ու՞մ է պետք փոխմարզպետի պաշտոնը, այն էլ՝ միանգամից 3-ը. Մարուքյանն առաջարկում է կրճատել փոխմարզպետների թիվը

Գորիս-Սիսիան ճանապարհին տեղ-տեղ մերկասառույց է, Վարդենյաց լեռնանցքը փակ է բեռնատարերի համար

Մեղրիի մաքսակետում կանխվել է թմրամիջոցների ներկրման հերթական փորձը

Եվրամիությունը Ռուսաստանի և Սիրիայի դեմ նոր պատժամիջոցներ է հաստատել․ «Ամերիկայի ձայն»

3 անգամ դատապարտված անձը փողոցային առեւտրի է դրդել 14-ամյա դեռահասի. Հայկ Մարության

Մոտ 3 ամսից կլինեն նոր դրոշմապիտակներ՝ ավելի ամուր կպչող, պոկվելիս էլ ավելի անվտանգ. նախարար

Մաղթում եմ ձեզ թավշյա հեղափոխություն` ձեր իսկ բարօրության համար. Մարուքյանը` ադրբեջանցիներին (տեսանյութ)

Խոշոր վթար Արմավիր-Սարդարապատ ճանապարհին. կան տուժածներ, 2 զոհ

Երբ Ղարաբաղի խնդիրը լուծված չէ, հնարավոր չէ կայունություն Կովկասում և հայ-թուրքական հարաբերություններում. Չավուշօղլու

Ոստիկանության Ներքին անվտանգության վարչությունը 16 տարեկան է (տեսանյութ)

Ապարան քաղաքում շտապօգնության «ՈՒԱԶ»-ը արգելափակվել էր ձյան մեջ. օգնել են փրկարարները