Արցախը՝ որպես բանակցող կողմ, պետք է մասնակցի բանակցություններին. Նիկոլ Փաշինյան

ՀՀ վարչապետ Նիկոլ Փաշինյանը մայիսի 9-ին Ստեփանակերտում տեղի ունեցած մամուլի ասուլիսի ընթացքում մի քանի կարեւոր հստակեցում կատարեց Արցախի հարցի լուծման եւ ՀՀ արտաքին քաղաքականության վերաբերյալ:

Փաշինյանն, ըստ էության, նոր մոտեցումներ է փորձում ձեւավորել արցախյան հարցի լուծման գործընթացում: Վարչապետը լրագրողների հետ զրույցում առաջ քաշեց մի քանի կարեւոր կետ, որոնք, ըստ նրա՝ անհրաժեշտ են խնդրի լուծման համար:

Նա, նախ եւ առաջ նշեց, որ Արցախի հարցում փոխզիջում կարող է լինել միայն այն պարագայում, եթե Ադրբեջանը պատրաստ լինի ճանաչել Արցախի ժողովրդի ինքնորոշման իրավունքը:

«Քանի դեռ Ադրբեջանն օգտագործում է ռազմատենչ հռետորաբանություն` փոխզիջումների մասին խոսակցությունը պարզապես անիմաստ է: Փոխզիջում կարող է լինել այն պարագայում, երբ մենք Ադրբեջանից հստակ ստանանք ուղերձ, որ Բաքուն պատրաստ է ճանաչել Արցախի ժողովրդի ինքնորոշման իրավունքը», - նշել է Փաշինյանը:

Արցախը՝ որպես բանակցող կողմ, պետք է մասնակցի բանակցություններին:

«Ինչպե՞ս կարող են երկու սուբյեկտներ քննարկել երրորդ սուբյեկտի ճակատագրին վերաբերող հարցն այդ սուբյեկտի բացակայության պայմաններում: Սա պարզ տրամաբանություն է», - ասել է վարչապետը: 

Արցախյան խնդրի էությունը հասկանալու համար անհրաժեշտ է, որպեսզի միջազգային կազմակերպությունները համագործակցեն Արցախի քաղաքացիական հասարակության հետ:

«Նրանք պետք է սկսեն համագործակցել Արցախի քաղհասարակության հետ, որովհետեւ առանց այդ երկխոսության հնարավոր չէ հասկանալ Ղարաբաղի խնդրի էությունը»,- նշել է վարչապետը:

Արցախի հարցի էությունը մարդու իրավունքների պաշտպանության խնդիրն է:

«Հարկ եմ համարում ընդգծել, որ միջազգային հանրությունը պետք է հստակ արձանագրի, որ Արցախի հարցի էությունը մարդու իրավունքների պաշտպանության խնդիրն է, որովհետեւ Արցախի խնդիրը ծագել է այն բանի արդյունքում, երբ Ադրբեջանը ոչ միայն ի վիճակի չի եղել ապահովել ԼՂՀ-ի հայ բնակչության նվազագույն իրավունքներն, այլեւ ուղիղ սպառնալիք է ստեղծել նրանց կյանքի ու անվտանգության իրավունքին»,- ասել է Փաշինյանը: 

Վարչապետն անդրադարձել է նաեւ Ռուսաստանի հետ հարաբերություններին՝ վերահաստատելով, որ միտված է խորացնել հարաբերությունները ռազմավարական դաշնակցի հետ:

«Ռազմավարական, դաշնակցային հարաբերությունները Ռուսաստանի հետ պետք է խորանան եւ զարգանան, այդ թվում՝ ԵԱՏՄ եւ ՀԱՊԿ շրջանակում: Պետք է նաեւ մեծացնել այդ կազմակերպություններում անդամակցության արդյունավետությունը: Ապրանքաշրջանառությունը պետք է հասնի այնպիսի ծավալների, որ դրա արդյունքները զգան տնտեսությունն ու երկրի բնակիչները»,- նշել է Փաշինյանը:

Ըստ էության, վարչապետը նախանշել է Արցախի խնդրի կարգավորման հետագա ընթացքում կատարվելիք քայլերն ու հիմքը, որի վրա բանակցությունների ընթացքում պիտի հիմնվի հայկական կողմը, կամ, եթե ամեն ինչ հաջող ընթանա, կողմերը:

Տպել
3615 դիտում

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է