Համաշխարհային մամուլի արձագանքը վարչապետի Սոչի կատարած այցին

Մայիսի 14-ին Սոչիում կայացած Եվրասիական տնտեսական Բարձրագույն խորհրդի նիստը լայն արձագանք է ստացել ոչ միայն ռուսալեզու լրատվամիջոցներում, որոնցից գրեթե բոլորը առնվազն հաղորդագրության տեսքով անդրադարձել են դրան, այլեւ արեւմտյան լրատվականներում: Անդրադարձներում մեծ տեղ է զբաղեցնում ՀՀ վարչապետ Նիկոլ Փաշինյանի եւ ՌԴ նախագահ Վլադիմիր Պուտինի հանդիպումը, ինչպես նաեւ Փաշինյանի ջերմ ընդունելությունը հայկական համայնքի կողմից:

REGNUM տեղեկատվական գործակալությունը, անդրադառնալով հայ համայնքի հետ վարչապետի հանդիպմանը, նշել է, որ վերջինիս դիմավորեցին «Նիկոլ, Նիկոլ» վանկարկումներով: Կայքը գրել է, որ վարչապետը, շնորհակալություն հայտնելով Ռուսաստանին՝ հայկական համայքնի բնականոն կյանքի պայմաններ ստեղծելու համար, նշել է, որ հայերի նպատակը պետք է հայրենադարձությունը լինի:

«Մեր նպատակը հայության մարդկային, ֆինանսական, տնտեսական, հոգեւոր, գիտական ներուժը կամ նրա զգալի մասը Հայաստանի Հանրապետությունում կենտրոնացնելն է եւ նրա անվտանգությունն ու բնականոն զարգացումն ապահովելը»,- Փաշինյանի խոսքերն է մեջբերել REGNUM-ը:

Ուկրաինական gordonua.com կայքը, անդրադառնալով հանդիպմանը, գրել է, որ Ռուսաստանն ու Հայաստանը շարունակելու են սերտորեն համագործակցել:

«Երեւանում տեղի ունեցած իշխանափոխությունից հետո Ռուսաստանն ու Հայաստանը մնում են մտերիմ գործընկերներ»,- լավ քողարկված ափսոսանքով գրել է կայքը:

Dailystorm.ru անկախ լրատվական կայքն անդրադարձել է Փաշինյան-Պուտին հանդիպմանը՝ հատուկ նշելով, որ զրուցակիցները շփվել են ռուսերեն: Dailystorm-ը նույնպես անդրադարձել է Հայաստանի արտաքին վեկտորի պահպանմանը՝ նշելով, որ վարչապետը հատուկ ուշադրության է արժանացրել այդ վեկտորի անփոխարինելիությունը:

«Ոչ ոք կասկածի տակ չի դնում, եւ կարծում եմ՝ չի դնի հայ-ռուսական հարաբերությունների կարեւորությունը: Մենք ունենք էներգիա՝ նոր իմպուլս հաղորդել երկու երկրների համագործակցությանը քաղաքական եւ տնտեսական ոլորտներում»,- վարչապետի խոսքերն է մեջբերում Dailystorm-ը:

Փաշինյան-Պուտին հանդիպման փակ մասին անդրադառնալով՝ կայքը հղում է կատարել ՌԴ նախագահի օգնական Յուրի Ուշակովին, ում կարծիքով «համագործակցության բոլոր ոլորտների խորքային քննարկում սպասել չարժե»՝ հանդիպումը նախ եւ առաջ ճանաչողական բնույթի է:

Հայտնի փորձագետ Սերգեյ Մարկեդոնովը եւս խոսել է Փաշինյանի՝ Սոչի կատարած այցի մասին: Իր վերլուծությունում նա առանձնացրել է երկու հիմնական առանձնահատկություն: Նախ եւ առաջ դա Փաշինյանի հնչեցրած հայրենադարձության կոչն էր ռուսաստանաբնակ հայությանը:

Երկրորդը Փաշինյան-Պուտին հանդիպումն էր, որի ընթացքում երկու ղեկավարներն, ըստ էության, ծանոթացան: Փորձագետի կարծիքով, սակայն «միամտություն կլիներ ենթադրել, որ դիվանագիտական քաղաքավարությունը ամուր հիմք է հետագա հարաբերությունների համար»: 

Նրա խոսքով, Հայաստանն ու Ռուսաստանը չեն կարող փախչել առկա խնդիրներից, որոնց թվում՝ մասնավորապես, նշել էր տարբեր պատկերացումները հայ-վրացական եւ ռուս-ադրբեջանական ռազմատեխնիկական ու առեւտրատնտեսական հարաբերությունների վերաբերյալ: Մարկեդոնովը անդրադարձել է նաեւ Հայաստանի ինքնուրույնության վերաբերյալ Փաշինյանի մոտեցումներին:

«Փաշինյանը բազմիցս է խոսել Երեւանի «հատուկ կարծիքը» հարգելու անհրաժեշտության մասին: Փաշինյանի կողմնակիցներն իր գործունեության հետ են կապում երկրի ազգային շահերի ամրապնդումը, Մոսկվայի եւ ԵԱՏՄ-ում նրա գործընկերների հետ հավասար երկխոսություն ստեղծումը»,- գրել է Մարկեդոնովը:

Ամերիկյան eurasianet.org լրատվական կայքը նույնպես անդրադարձել է հայ-ռուսական հարաբերություններին, որոնք «կասկածի տակ էին հայտնվել Փաշինյանի վերելքի հետեւանքով»: Կայքը հիշել է, որ Փաշինյանի ղեկավարած ԵԼՔ դաշինքը խորհրդարանում բազմիցս քննադատել է ԵԱՏՄ-ն եւ ՀԱՊԿ-ը:

«Այդուհանդերձ, Փաշինյանը չի պատրաստվում որեւէ դրամատիկ աշխարհաքաղաքական տեղաշարժեր կատարել»,- գրել է eurasianet.org-ը:

Կայքը նշել է, որ թեեւ շատերը Ռուսաստանում շարունակում են թերահավատորեն մոտենալ Հայաստանի նոր իշխանություններին, «Կրեմլը փորձում է ճնշել Փաշինյանի հանդեպ ցանկացած քննադատություն»`որպես ասվածի ապացույց բերելով «Ռոսնեֆտ»-ի փոխնախագահ ու մամուլի քարտուղար Լեոնտեւի ներողությունը:

Բրիտանական Reuters գործակալությունը, անդրադառնալով Փաշինյանի՝ Սոչի կատարած այցին, նախքան Փաշինյան-Պուտին հանդիպման մասին խոսելը, թռուցիկ անդրադարձ է կատարել Հայաստանում ստեղծված իրավիճակին՝ սեփական տեսանկյունից: 

«Արեւմտյան որոշ լրատվամիջոցների մոտ կասկածներ կան առ այն՝ արդյո՞ք կհաջողվի Փաշինյանին, ով իշխանության է եկել փողոցային պայքարի միջոցով, ղեկավարել մի երկիր, որը չունի ելք դեպի ծով, սերտորեն կապված է Ռուսաստանի հետ, որն էլ իր հերթին ունի ռազմաբազա Հայաստանում եւ այդ երկրին զենք վաճառելու երկար փորձ»,- գրել է Reuters-ը:

Խոսելով Փաշինյան-Պուտին հանդիպման մասին՝ Reuters-ը գրել է, որ վարչապետը հավաստիացրել է Պուտինին, որ Հայաստանը շարունակելու է քաղաքական, ռազմական եւ տնտեսական սերտ համագործակցությունը Ռուսաստանի հետ:

Ընդհանուր առմամբ՝ զգալի տարբերություն կա արեւմտյան եւ ռուսական լրատվամիջոցների արձագանքներում: Ռուսական արձագանքներում նկատվում է բավարարվածություն ստեղծված իրավիճակով, ինչպես նաեւ որոշ չափի թերահավատություն՝ կապված նախկինում ունեցած դառը փորձի հետ:

Արեւմուտքում, որը հիացած էր ժողովրդական պայքարի ընթացքով եւ արդյունքով, որոշակի հիասթափություն է նկատվում արտաքին վեկտորի անփոփոխությունից, ինչը նույնպես հիմնված է նախորդ, Արեւմուտքի համար քիչ թե շատ դրական փորձի վրա:

Տպել
4546 դիտում

Անակնկալ ստուգայցերը շարունակվում են

Որդեկորույս ծնողներն անվճար օգտվելու են տարբեր ծառայություններից. «Հերոսների վերականգնողական քաղաքը» նոր ծրագիր է սկսում

Ֆուտզալի Հայաստանի ազգային հավաքականը կմեկնի Իսրայել

Բաքվի մարզադահլիճներից մեկում մահացել է Ալիևի անվտանգության ծառայության պետը

Երևանի Քոչինյան փողոցի ընկերության պահեստից գողություն է կատարվել

Հայաստանը՝ հաջողության օրինակ. «Թրանսփարենսի ինթերնեշնլ»-ը հրապարակել է կոռուպցիայի ընկալման 2021 թվականի համաթիվը

Ամասիա-Բավրա ավտոճանապարհը դժվարանցանելի է

Լոռու մարզպետը ծանոթացել է Վանաձորի շենքերի վերելակների նորոգման ավարտական աշխատանքներին

Համատեղ կյանքը չի հաջողվում, որոշել են շտկել. վերջին տարիներին ամուսնությունների և ամուսնալուծությունների պատկերը ՀՀ-ում

Բելառուսում քննարկվել է Հայաստանի զարգացման օրակարգի առաջ մղման գործում հայկական սփյուռքի ներգրավման հնարավորությունը

Երևանյան լճում դի է հայտնաբերվել

Հրազդանի կիրճից բերման ենթարկված քաղաքացու մեքենայում 300 գրամից ավելի մարիխուանա է հայտնաբերվել

Լարսի ռուսական կողմում բեռնատարներ են կուտակվել. ավտոճանապարհը փակ է

Պետք է կարողանանք ուսուցչի 400.000 դրամ աշխատավարձը դարձնել իրականություն. Ժաննա Անդրեասյան

Փոքրիկների համար գրելիս պետք է նախ նրանց աշխարհը հասկանալ. կայացավ «Կախարդին + ագռավ» գրքի շնորհանդեսը

Ջրականից հայտնաբերվել է ևս մեկ կամավորականի աճյուն

Գողացել են Սոթք-Հաթերք օդային գծի հոսանքալարերը. կան բերման ենթարկվածներ (տեսանյութ)

Ռազմական ոստիկանությունում քննարկվել է միջանձնային հարաբերությունների հետ կապված խնդիրը. ՌՈ պետը հանձնարարականներ է տվել

Կառուցվում է Մարտակերտ-Ճանկաթաղ-Ստեփանակերտ ռազմավարական նշանակության մայրուղին

Հայ-իրանական հարաբերություններն առողջապահության ոլորտում իրացման մեծ ներուժ ունեն

Ավտոմեքենան «կարմիր գծերի» տարածքում կայանելու ամենաէժան միջոցը ամբողջ տարվա համար վճարելն է. Երևանի քաղաքապետարան

ՀՀ զինված ուժերը համալրվել է նոր ուղղաթիռներով. ՊՆ (լուսանկարներ)

Ավստրիայի արտաքին գործերի նախարարը կայցելի Հայաստան

Հայրը, որդին ու պապը. պատերազմն ու սերը երեք սերունդների աչքերով (տեսանյութ)

Հայաստանը «Եվրատեսիլ 2022» երգի միջազգային մրցույթում կներկայանա առաջին կիսաեզրափակչում

Փոխվարչապետը և Երևանի քաղաքապետը քննարկել են «Հին Երևան» պատմաճարտարապետական միջավայրի ծրագրի իրականացնումը

«Զինվորի տան» տղաներն աշխատանք կունենան քաղավիացիայի ոլորտում

«Զվարթնոցում» ՃՈ աշխատակիցը վարչական իրավախախտման տուգանքի չափի վերաբերյալ վարորդներին հայտնել է ուռճացված տեղեկություն

Համապատասխան բուժզննումն ավարտելուց հետո Արմեն Սարգսյանը կվերադառնա Հայաստան

Դոլարի փոխարժեքն աճել է. եվրոն շարունակում է էժանանալ

Վրաստանում վերջին մեկ օրվա ընթացքում կորոնավիրուսից մահացել է 42 մարդ

Բենզալցակայանի դիմաց բախվել են ավտոմեքենաները, ինչի հետևանքով «Նիվա»-ն գլխիվայր շրջվել է. կա վիրավոր

Ամրացված հույսեր՝ կառուցված տանը. տասներեք տարվա սպասումից հետո, բնակարանամուտ է նշվել (լուսանկարներ)

Ինդոնեզիայում մոտ 20 մարդ է մահացել փողոցային բախումների հետևանքով

Թուրքիան մտադիր է ավիաչվերթներ բացել դեպի Հայաստանի մարզեր

Գյումրու հրապարակում արված լուսանկարն «Ինստագրամ»-ում հրապարակելը Վիեննային հավասար է դարձել. Դավիթ Առուշանյան

Սյունիքի մարզի ավտոճանապարհներին տեղ-տեղ առկա է մերկասառույց

Ռուսական ռազմաբազայի մասնագետները սկսել են Տաջիկստանի բանակի վերապատրաստումը

Ռոբերտ Քոչարյանը կորոնավիրուսի թեստ է հանձնել. դատական նիստը հետաձգվեց

Դեբետի գյուղապետարանում բռնկված հրդեհի հետևանքով ողջ արխիվն այրվել է