Ավանում տեղի ունեցած դեպքով Տարոն Մարգարյանի մտերիմները հարցաքննվել են. մեկը՝ կասկածյալ է

Համաժողովրդական շարժման ընթացքում ապրիլի 20-ին, 21-ին եւ 22-ին ցուցարարների ավտոմեքենաները մահակներով եւ այլ առարկաներով ջարդուփշուր անելու, խուլիգանության, զանգվածային անկարգությունների գործով հարցաքննվել են Երեւանի քաղաքապետ Տարոն Մարգարյանի մտերիմները: Բացի դա` Ավանում լրագրողներից մեկի գործունեությանը խոչընդոտելու դրվագով երեկ որպես կասկածյալ է ներգրավվել Ավանի թաղապետարանի աշխատակիցներից մեկը: Վերջինս Ավանում դիմակավորված է եղել, երբ խոչընդոտել է լրագրողի աշխատանքը:

ՀՀ քննչական կոմիտեից հաստատեցին մեր այն տեղեկությունը, որ այդ դրվագով կասկածյալ կա, սակայն այլ մանրամասներ չհայտնեցին:

Նախօրեին ՀՀ վարչապետ Նիկոլ Փաշինյանը Կառավարության նիստի ընթացքում հատուկ հանձնարարական տվեց ՀՀ ոստիկանապետ Վալերի Օսիպյանին՝ արագ բացահայտել բողոքի ցույցերի օրերին քաղաքացիների նկատմամբ բռնություն գործադրողներին, ցուցարարների ավտոմեքենաները ջարդողներին: Եվ ահա նույն օրը երեկոյան ՀՀ ոստիկանությունը Ավան վարչական շրջանում տեղի ունեցած դեպքերի վերաբերյալ հայտարարություն տարածեց: Ոստիկանության հայտարարությունում մանրամասն նշված էր, թե ապրիլի 20-ին, 21-ին եւ 22-ին Ավան վարչական շրջանում տեղի ունեցած դեպքերի վերաբերյալ ինչ հաղորդումներ է ստացվել ոստիկանություն: Բացի դրանից, ոստիկանությունը հրապարակել էր ենթադրյալ հանցագործություն կատարած անձանց անվան եւ ազգանվան առաջին տառերը, որոնց ինքնությունները պարզել էր եւ ներկայացրել վարույթն իրականացնող մարմնին:

Այդ օրերին Ավան վարչական շրջանում՝ մի խումբ դիմակավորված անձինք, նախ փակել էին Երեւանի կենտրոն տանող ճանապարհը, ապա մահակներով, քարերով եւ այլ առարկաներով ջարդուփշուր արել այն քաղաքացիների մեքենաները, որոնք ազդանշան են տվել, կամ որոնց մեքենայի ներսից լսվել է #ԻմՔայլը շարժման հայտնի երգը:

Մինչ իրավապահները կպարզեին նրանց ինքնությունը, համացանցում ու մամուլում հայտնվել են այն անձանց լուսանկարները, ովքեր այդ օրերին տեղի ունեցած դեպքերի ժամանակ ներկա են եղել, համենայնդեպս ոչ ցուցարարի կարգավիճակով, ավելին՝ կանգնած են եղել այն անձանց հետ, ովքեր կոնկրետ գործողություններ են արել՝ մահակներով ջարդել են մեքենաները: Նրանք ոչ ավել, ոչ պակաս Երեւանի քաղաքապետ Տարոն Մարգարյանի մտերիմներն են, Երեւանի քաղաքապետարանի աշխատակիցներ:

Եվ ահա նույնականացնելով ՀՀ ոստիկանության երեկ հրապարակած տվյալներն ու մամուլում հայտնված տվյալները՝ ստացվում է հետեւյալ պատկերը.

Ա. Մ.- Արման Մակարյան՝ Երեւանի կենդանաբանական այգու փոխտնօրեն. վերջինս քավոր սանիկական հարաբերությունների մեջ է Երեւանի քաղաքապետ Տարոն Մարգարյանի հետ: Նա եւ նրա առանց պետհամարանիշի Տոյոտա մեքենան գտնվել են Ավանում՝ դեպքի վայրում:

Ա. Մ.- Առնակ Մանուչարյան. Ավանի «Նարեկ» համատիրության նախագահ. ապրիլի 22-ին եղել է հանցավոր խմբի մեջ:

Ա. Ե.- Արմեն Երեմյան. «Միլենա» տաքսի ծառայության սեփականատերերից է՝ Երեւանի քաղաքապետ Տարոն Մարգարյանի մտերիմ ընկերը:

Ս.Ղ.- Սամվել Ղումաշյան. Ավան վարչական շրջանի ղեկավարի տեղակալ:

Գ.Ղ.- Գրիգոր Ղումաշյան. վերջինս Սամվել Ղումաշյանի որդին է: Նա Երեւանի քաղաքապետարանի աշխատակազմի աշխատակից է: Ապրիլի 22-ին հոր՝ Սամվել Ղումաշյանի հետ եղել է Ավանում՝ Տարոն Մարգարյանի առանձնատան դիմաց:

Ա. Գ.- Արթուր Գասպարյան. Ավան վարչական շրջանի աշխատակազմի աշխատակից է, գլխավոր մասնագետ: Վերջինս մի պահ հայտնվել է երթի մասնակիցների մեջ, ապա գնացել Տարոն Մարգարյանի առանձնատան մոտ եւ վերջում արդեն բժշկական դիմակով ճանապարհը փակած խմբի շարքերում էր: Ողջ գործընթացի ժամանակ Արթուր Գասպարյանի հետ է կապույտ գույնի սպորտային համազգեստով մի երիտասարդ, ում ինքնությունը դեռ հայտնի չէ:

Ա. Վ.- Արմեն Վարդումյան. Ավանի պոլիկլինիկայի գլխավոր բժիշկ. վերջինս խմբի մեջ է եղել:

Գ. Ա.- Գեղամ Անտոնյան. Նա երեւում է խմբի համատեղ լուսանկարներից մեկում՝ պատկերված սպորտային եւ զինվորական հագուստով:

Ա.Ա.- Արթուր Աղաջանյան. Հանրապետական կուսակցության անդամ է մոտ մեկ ամիս առաջ զբաղեցնում էր Երեւանի քաղաքապետ Տարոն Մարգարյանի օգնականի պաշտոնը։

Ս. Հ.-ն- Սերգո Հայրապետյան. ըստ մամուլում հրապարկված տվյալների՝ հանցավոր խմբի անդամների հավաքագրման գործընթացին մասնակից է եղել ՀՀԿ-ի Ավանի երիտասարդական կազմակերպության ղեկավար Սերգո Հայրապետյանը:

Վ. Ս.- Վրուլ Սարգսյան. Վերջինս Տարոն Մարգարյանի ավագ որդու ընկերների շրջապատից է:

Ս. Ս.- Սուրեն Սաֆարյան. Նա Ավան վարչական շրջանի աշխատակազմի եկամուտների հավաքագրման բաժնի գլխավոր մասնագետ է. Ավանում նույն խմբի անդամ է եղել:

Մեզ հաջողվեց պարզել, սակայն, որ նրանից շատերը հարուցված քրեական գործի շրջանակներում հարցաքննվել են ոչ թե կասկածյալի, այլ՝ վկայի կարգավիճակով, ինչն առնվազն տարօրինակ է:

Այս դեպքերով ի սկզբանե քրեական գործ էր հարուցվել միայն ուրիշի գույքի դիտավորյալ ոչնչացման փաստի առթիվ: Սակայն օրեր առաջ՝ մայիսի 11-ին, ոստիկանությունը քրեական գործ է հարուցել նաեւ խուլիգանության եւ զանգվածային անկարգության փաստով: Այսպիսով՝ Ավան վարչական շրջանում տեղի ունեցած դեպքերի վերաբերյալ հարուցվել է վեց քրեական գործ, որոնք միացվել են եւ քննվում են մեկ վարույթում:

Մասնավորապես, ապրիլի 20-ին ցույցին մասնակցած քաղաքացիներից մեկին ծեծի ենթարկելու եւ մեքենան ջարդուփշուր անելու դեպքով հարուցվել է քրեական գործ՝ ՀՀ քրեական օրենսգրքի 258 հոդվածի 4-րդ մասով (խուլիգանություն, որը կատարվել է զենքի գործադրմամբ), ապրիլի 22-ին քաղաքացների մեքենաները մահակներով ջարդուփշուր անելու դեպքով քրեական գործ է հարուցվել ՀՀ ՔՕ 225 հոդվածով (զանգվածային անկարգություն), ինչպես նաեւ քրգործ է հարուցվել ՀՀ ՔՕ 185 հոդվածով (ուրիշի գույքը դիտավորությամբ ոչնչացնելը): ՀՀ քննչական կոմիտեի նախագահի խորհրդական Սոնա Տռուզյանը հրապարկված տվյալների մասին մեր հարցին ի պատասխան ասաց, որ ի կատարումը քննիչի հանձնարարության ՀՀ ոստիկանությունից մի քանի անձանց տվյալներ ներկայացվել են վարույթն իրականացնող մարմնին, ովքեր որպես վկա հարցաքննվել են եւ ստուգվում է նրանց հնարավոր առնչությունը տեղի ունեցած դեպքերին: Նա նաեւ նշեց, որ ենթադրյալ հանցագործություն կատարած անձանց  ինքնությունը պարզելու ուղղությամբ քննություն է տարվում, որի արդյունքների մասին լրացուցիչ կտեղեկացվի: 

Տպագրվել է «Հայկական ժամանակ» օրաթերթի մայիսի 19-ի համարում:

Տպել
21682 դիտում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված