Աթանի դպրոցում խնդիրներ շատ կան. եկող ուստարում դպրոցը երեք առաջին դասարանցի կընդունի

Լոռու մարզի Աթան գյուղի հիմնական դպրոցը 33 աշակերտ ունի, որոնցից 4-ն այս տարի կավարտեն դպրոցը եւ ուսումը կշարունակեն Լորուտի միջնակարգ դպրոցում: Աթանի դպրոցում ամենալուրջ խնդիրը կադրերի պակասն է, եղած ուսուցիչներին էլ՝ տրանսպորտով ապահովելու հարցը: Դպրոցի 10 ուսուցիչից 6-ը գյուղ է գալիս այլ համայնքներից, նոր ուսուցիչներ հրավիրել էլ չի հաջողվում մրցույթի անցկացման ձեւաչափի անարդյունավետության պատճառով: «Ուսուցչի մրցույթի կիսահիմար ծրագիր է, որը գյուղական դպրոցներում իրեն երբեք չի արդարացնում: Բազմաթիվ պրոբլեմներ ենք ունենում մրցույթ հայտարարելու հետ կապված: Այսինքն՝ պարտավոր ես մեկ ժամ ինֆորմատիկայի, երկու ժամ կերպարվեստի կամ մեկ ժամ երգեցողության համար անընդհատ մրցույթ հայտարարել, որն արդյունք չի տալիս: Հայտարարում ենք, բյուջետային միջոցները քամուն ենք տալիս, բայց երկու ժամի համար մասնագետը երբեք դպրոց չի գա»,- մեզ հետ զրույցում ասում է դպրոցի տնօրեն Է. Շեկոյանը:

Գյուղական դպրոցում կադրերի ապահովման այս եղանակն իրեն չի արդարացնում: Տնօրենը հույս ունի, որ նոր կառավարությունը կվերանայի այս հարցը եւ ավելի արդյունավետ ծրագրեր կմշակի. «Համալսարանները կամ նախարարությունը պետք է մտածեն ավելի օպտիմալ տարբերակ մշակել»,- նշում է տնօրենը:

Աթանի դպրոցի ուսուցիչները Վանաձորից, Ալավերդուց, Մարցից, Լորուտից ու Շամուտից են: Տրանսպորտի բացակայությամբ պայմանավորված, ուսուցիչներն այստեղ են կեցության պայմաններ ստեղծել, սակայն այս դեպքում էլ թեկուզ շաբաթը մեկ անգամ քաղաք գնալն է լուրջ խնդիր: Ուսուցիչները փոխհատուցում չեն ստանում, երթեւեկում են իրենց միջոցների հաշվին: «Նախարարության կողմից ոչ մի աջակցություն չենք ստանում: Ամբողջը մեր վրա է, բայց ճիշտ կլիներ, որ գյուղերին ու գյուղերի մանկավարժներին առանձնահատուկ ուշադրություն դարձնեին»,- ասում են ուսուցիչներն ու հավելում, որ տրանսպորտի հարցը բազմիցս քննարկվել է համայնքի ղեկավարի հետ, ով որեւէ հուսադրող պատասխան չի տվել: «Համայնքապետին անցյալ տարի դիմել ենք, չի օժանդակել, ասում է՝ հնարավորություն չունենք, մենք ամեն տարի վարձատրությունն ենք նվազեցնում, բա էս մարդիկ ի վերջո տուն-տեղ թողած գալիս են, շաբաթով մնում»,- նեղսրտում է տնօրենը:

Նոր ուսումնական տարում Աթանի դպրոցը երեք առաջին դասարանցի կընդունի այն դեպքում, եթե այդ ընտանիքներն էլ չտեղափոխվեն գյուղից քաղաք:

Տպել
1469 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ