ՀՀ ֆուտբոլի ազգային հավաքականի կոլումբիահայ նորեկ Ժոաո Ժորդի Մոնրո Արարատն ուրախ է Հենրիխ Մխիթարյանի հետ նույն թիմում խաղալու հնարավորության համար: Պաշտպանը պատրաստվում է ընտրանու կազմում իր նորամուտին: «Հայկական ժամանակ»-ի հետ զրույցում նա նշեց, որ հետեւում է «Արսենալի» կիսապաշտպանի ելույթներին:

«Նրան հետեւել եմ: Մեծ խաղացող է: Ուրախ եմ, որ նրա հետ նույն թիմում եմ խաղալու: Կփորձեմ շատ բան սովորել Մխիթարյանից ու լավ ընկերներ լինել նրա հետ»,- ասաց նա:

Պաշտպանը հավաքականի մարզաշապիկը կարող էր հագնել դեռ այս տարվա մարտին կայացած Էստոնիայի եւ Լիտվայի դեմ ընկերական խաղերում: Հրավեր էր ստացել Հայաստանի ֆուտոբլի ֆեդերացիայից, սակայն նրա թիմը՝ «Բոյակա-Չիկոն», կարեւոր հանդիպումներից առաջ չէր ցանկացել բաց թողնել նրան: Այս անգամ նման խնդիր չի առաջացել, եւ պատրաստվում է լավագույն անել թիմի համար:

«Շատ ուրախ եմ, որ հրավիրվել եմ Հայաստանի հավաքական: Հուսով եմ՝ կկարողանամ 100%-ով իմ լավագույնն անել ու մեծ հաջողությունների հասնել հավաքականի հետ»,- ասաց նա:

Ֆուտբոլիստը մեծ հույսեր է կապում ազգային ընտրանու հետ: Տեղեկացված է հավաքականի մասին: Կարծում է, որ թիմը լուրջ արդյունքների հասնելու ներուժ ունի: Խոստանում է, որ ամեն ինչ կանեն երկրպագուներին ուրախացնելու համար:

«Հավաքականի մասին գիտեմ, որ չենք կարողացել աշխարհի առաջնությանը մասնակցելու իրավունք ձեռք բերել, բայց նաեւ գիտեմ, որ դրա ու շատ ավելիի պոտենցիալ ենք ունեցել: Գիտեմ նաեւ, որ պետք է որակավորվենք Եվրոպայի 2020 թ. առաջնությանը: Մեր լավագույնը կանենք»,- ասաց նա:

Ժոաոն հայկական արմատներ ունի մայրական կողմից: Տատիկն է հայ: Ծնվել է 1996 թ. հունվարի 3-ին Կուլումբիայի մայրաքաղաք Բոգոտայում: Տեղեկացված է իր նախնիների հայրենիքի մասին:

«Հայաստանի մասին գիտեմ, որ փոքր երկիր է, սակայն այնտեղ ապրող յուրաքանչյուր բնակիչ կարեւոր է ազգի համար»,- ասաց նա:

«Զվարթնոցում» նրան դիմավորել են FAF-ի անդամները

Ֆուտբոլիստն արդեն Երեւանում է: Ժամանել է այս գիշեր: «Զվարթնոց» օդանավակայանում նրան դիմավորել են «Առաջին հայկական ճակատ» (FAF) ֆան ակումբի ներկայացուցիչները:

ՀՀ հավաքականի ընկերական հանդիպումները կայանալու են մայիսի վերջին եւ հունիսի սկզբին: Մայիսի 29-ին Հայաստանը հանդիպելու է Մալթայի ընտրանու հետ, հունիսի 4-ին՝ Մոլդովայի: 2 խաղերն էլ տեղի են ունենալու Ավստրիայում: Այս հանդիպումներով ընտրանին նախապատրաստվում է Ազգերի լիգային: ՈՒԵՖԱ-ի նոր մրցաշարը մեկնարկելու է աշնանը:

Տպել
2067 դիտում

ՍԴ-ն կասեցնում է Քոչարյանի գործի վարույթները եւ դիմում ՄԻԵԴ-ին ու Վենետիկի հանձնաժողովին․ նոր զարգացում

Հայկական շոու-բիզնեսի ապագա մայրիկները (լուսանկարներ)

Իշխանությունը դատապարտված է դատական համակարգում բարեփոխումներ անել, հակառակ դեպքում 1 մմ իսկ առաջ գնալու շանս չունենք

Մարտունիում տղամարդ աշխատակիցների կարիքը մեծ է. բոլորը արտագնա աշխատանքի են մեկնել

2019 թվականի առաջին եռամսյակի համեմատ անշարժ գույքի գործարքներն աճել են 24.3 %-ով

ՀՀ սահմաններից դուրս գտնվող հայկական պետական միակ թատրոնն ինը տարի անց կգործի սեփական շենքում

Հայաստանի ամենամեծ գյուղում գյուղատնտեսությունը եկամտաբեր չեն համարում (լուսանկարներ)

«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Ապօրինի հատված ծառերը տարեկան մոտ 40 մլն դոլարի չափով եկամուտ են ապահովում

Կարող եմ ասել, որ որեւէ մտահոգիչ բան այս պահի դրությամբ չունենք. նախարարը շաբաթ օրը կլողա Սեւանա լճում

Հայաստանում ՈՒԵՖԱ-ի 4-րդ կարգի մարզադաշտ է կառուցվելու. Գևորգ Լոռեցյան (տեսանյութ)

Եթե Դատավորների ընդհանուր ժողով չի եղել, պատերի տակ պիտի երդվեի՞. Նախշուն Տավարացյան

Ոստիկանությունն ունի օպերատիվ տվյալներ, թե ովքեր են վառելափայտի բիզնեսների ղեկավարները. փոխոստիկանապետ

Կիպրոսում «Մելքոնյան Վարժարանը» պետք է վերաբացվի. Եվրոպայի հայերի համագումար

Մոտ 12մլն դրամ. Արմավիրի մարզում ավարտված կոռուպցիոն գործերով 63 տոկոսով ավելի շատ վնաս է վերականգնվել, քան 2018թ-ին

Վրացական «Ռուսթավի 2» հեռուստաընկերությունը կվերադարձվի նախկին սեփանականտիրոջը. ՄԻԵԴ-ը խախտում չի արձանագրել

Սեպտեմբերի 1-ից Հայաստանի երիտասարդական հիմնադրամը կլուծարվի

Հայաստանը հուսով է ՄԱԶԾ-ից լրացուցիչ աջակցություն ստանալ. Տիգրան Ավինյանը՝ ՄԱԿ-ի զարգացման ծրագրի կառավարչին

Եվրո 2019. ՀՀ հավաքականը տեղավորվեց խմբի վերջին տեղում

Մեկնարկել է Երևան-Սևան-Իջևան-հայ-ադրբեջանական սահման ավտոճանապարհի նորոգումը