Հայ սամբիստները ֆինանսական խնդիրներ են ունենում. ֆեդերացիան ասում է՝ պետությունը չի օգնում

Հայաստանի սամբոյի ֆեդերացիան դժգոհ է մարզաձեւի նկատմամբ պետության վերաբերմունքից: Խնդրի մասին այսօր՝ մայիսի 23-ին, լրագրողների հետ հանդիպման ժամանակ խոսեց ֆեդերացիայի նոր նախագահ Միքայել Հայրապետյանը: Նա նշեց, որ միջազգային մրցաշարերից իրենք մշտապես վերադառնում են մեդալներով, սակայն ի տարբերություն օլիմպիական մարզաձեւերով զբաղվող հայ մարզիկների, սամբիստները հաճախ ֆինանսական խնդիրներ են ունենում:

«Կխնդրեի մեր կառավարությանը, սպորտի ղեկավարությանը, որ սամբոյի նկատմամբ ավելի ուշադիր լինեն: Ուշադիր են, շնորհակալ ենք եղած ուշադրության համար, բայց մենք, լինելով ոչ օլիմպիական մարզաձեւ, միջազգային հարթակներում՝ աշխարհի, Եվրոպայի առաջնություններից բերում ենք ոսկե եւ արծաթե մեդալներ, հայոց եռագույնը բարձրացնում ենք եւ հիմնը հնչեցնում ենք, իսկ մեր մարզիկները, ի տարբերություն օլիմպիական մարզաձեւերով զբաղվողների, մի քիչ ավելի վատ սոցիալական պայմաններում են եւ այդքան չեն խրախուսվում, ինչպես այլ սպորտաձեւերը ներկայացնողները: Միջազգային հարթակից բերած ոսկե մեդալը պետք է հավասար լինի բոլորին: Բոլորը պետք է հավասար լինեն»,- ասաց նա:

Որպես օրինակ նա բերեց ՀՀ սամբոյի հավաքականի առաջատար Տիգրան Կիրակոսյանին (52 կգ): Նա աշխարհի չեմպիոն է: Օրերս էլ Աթենքում 4-րդ անգամ կարիերայում նվաճել է Եվրոպայի չեմպիոնի կոչումը: Միջազգային մրցաշարերում բազմաթիվ անգամներ զբաղեցրել է մրցանակային տեղեր: Նա էլ խնդիրներ ունի: Վանաձորի նախկին քաղաքապետ Սամվել Դարբինյանի պաշտոնավարման ժամանակ նրան Վանաձորում բնակարան են նվիրել, սակայն այն կիսաքանդ վիճակում է: Խոստացել են նաեւ վերանորոգման գումար տալ, սակայն չեն տվել: Տունը ոչ կարողանում է վաճառել, ոչ էլ վերանորոգել:

«Բարձր նվաճումներ ունի, միջազգային հարթակներից բերած բազմաթիվ մեդալներ: Այսօր ակնհայտ փաստ՝ ունի սոցիալական խնդիրներ, ունի բնակարանի հետ կապված խնդիր, ապրում է ծնողների, եղբոր ընտանիքի հետ: Նման մարզիկը, ինձ թվում է, արժանի է ՀՀ տարածքում ապրել արժանավայել, մարզվել եւ ուրախացնել հանրությանը ոսկեփայլ մեդալներով: Կխնդրեմ ղեկավարությանը՝ մեր վարչապետին, սպորտի ղեկավարությանը, ուշադրություն դարձնել նման քաղաքացիներին՝ ՀՀ հպարտ քաղաքացիներին, որոնք հպարտությամբ իրենց աշխատանքն անում են, եռագույնը ծածանում են եւ հիմնը հնչեցնում են՝ ի փառք Հայաստանի Հանրապետության եւ մեծ սպորտի»,- ասաց Հայրապետյանը:

Տիգրան Կիրակոսյանին նվիրած բնակարանը Վանաձորում

Օրերս՝ մայիսի 17-20-ն Աթենքում կայացած Եվրոպայի առաջնությունից հայ սամբիստները վերադարձան 6 մեդալով: Բացի Կիրակոսյանի ոսկուց՝ հավաքականն ունեցավ 5 բրոնզ: Դրանք նվաճեցին 74 կգ քաշային Արսեն Ղազարյանը (մարզական սամբո), 52 կգ քաշային Գրիգոր Մխիթարյանը (մարտական սամբո), 57 կգ քաշային Մխիթար Մխիթարյանը (մարտական սամբո), 68 կգ քաշային Վաչիկ Վարդանյանը (մարտական սամբո) եւ 82 կգ քաշային Դավիթ Պետրոսյանը (մարտական սամբո):

Տպել
684 դիտում

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկներին, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը

Պարգեւատրվել են ԱՆ քրեակատարողական ծառայության մի շարք աշխատակիցներ (տեսանյութ)

Հանրապետության տարածքում կան դժվարանցանելի և փակ ավտոճանապարհներ

Չարենցավանում մեքենան ընկել է 9 մետր խորությամբ ջրանցքը

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը