Նոր կառավարությունը կադրերի պակաս ունի՞. մեկնաբանում են նախարարները

«Շատ հետեւողական եմ լինելու, որ առողջապահության նախարարության եւ դրա ենթակա կառույցների բոլոր թափուր հաստիքները անպայման համալրվեն օրենքի տառին ու ոգուն համապատասխան, եւ ոչ մի ծանոթ-բարեկամ, ընկեր-ընկերուհի, քավոր-սանիկ հարաբերություններ ոչ մի կերպ չխոչընդոտեն ու չազդեն այդ որոշումների վրա: Ես իմ կողմից ամեն ինչ դրա համար անելու եմ».

Նախօրեին այսպիսի հայտարարություն էր արել առողջապահության նորանշանակ նախարար Արսեն Թորոսյանը, իսկ դրան նախորդել էր մի շարք թափուր պաշտոնների մասին հայտարարությունները գերատեսչության կայքում հրապարակելը:  

Իհարկե, քաղծառայության պաշտոնները համալրելու համար միշտ էլ տարբեր միջոցներով հրապարակվել են համապատասխան հայտարարություններ, բայց նախկին կառավարությունների ու գործողի տարբերություններից մեկն էլ այն է, որ եթե մինչեւ այժմ այդ հայտարարություններն ընկալվում էին որպես ձեւական մի բան ու հաճախ հենց այդպես էլ կար, որովհետեւ մրցույթի արդյունքներն էի գլխից էին որոշվում, ապա այս դեպքում հնչող վստահեցումները գոնե առայժմ ընդունվում են որպես կատարվելու ենթակա հայտարարություններ:

Բայց պետական կառավարման համակարգում կան նաեւ հայեցողական պաշտոններ, որոնց համար մրցութային ընթացակարգ չի նախատեսվում եւ դրանք համալրվում են ուղղակի նշանակումների ճանապարհով: Իսկ նոր կառավարության մասին երբեմն տեղեկություններ կամ կարծիքներ են հնչում, թե կադրերի խնդիր ունի: Արդյոք դա այդպես է ու որն է այն սկզբունքը, որով առաջնորդվում են՝ կադրային քաղականության հարցում: Դիտարկվո՞ւմ է հայեցողական պաշտոններում աշխատակիցներին հայտարարության միջոցով ընտրելու տարբերակը՝ ի հայտ բերելով արժանավոր թեկնածուների:

Երեք ուղղությամբ մեր հարցումները ցույց տվեցին, որ աշխատակազմերը դեռեւս լիարժեք ձեւավորված չեն: Խոսքը վերաբերում է առաջին փոխվարչապետին, առողջապահության եւ մշակույթի նախարարներին:

«Կաբինետը դեռ ձեւավորված չէ, ընթացքում է: Վարչապետի հետ քննարկվում եւ համաձայնեցվում են թեկնածությունները: Գրեթե ձեւավորվել է նախարարի աշխատակազմը խորհրդականների, օգնականների մասով, տեղակալներին վարչապետն է նշանակում: Իսկ ԱՆ աշխատակազմը շարունակում է աշխատել բնականոն ռիթմով, նույն կազմով` աննշան բացառությամբ: Կադրերի համալրման առումով դժվարություններ կան, քանի որ փորձում ենք առավելագույնս համապատասխան թեկնածություններ քննարկել, որպեսզի շատ կարճ ժամանակ հետո նոր կադրային փոփոխությունների անհրաժեշտություն չլինի: Նախարարը վարչապետի հետ փորձում է ամեն ինչ անել հետեւյալ սկզբունքուվ. «Եթե մենք էլ փոխվենք, նրանք մնան, ու ոլորտը չտուժի»: Մրցույթները չեն վերաբերում հայեցողական պաշտոններին: Վերաբերում են ԱՆ ենթակայության կազմակերպություններին, կառուցվածքային եւ առանձնացված ստորաբաժանումներին: Խնամի, ծանոթ, բարեկամներով թափուր պաշտոնների համալրում չի լինելու: Առաջնորդվում ենք միայն մասնագիտական որակներով, նաեւ հանձնաժողովների դեպքում` բացառելով նախնական պայմանավորվածությունները»,- փոխանցեց առողջապահության նախարար Արսեն Թորոսյանը:

Մշակույթի նախարար Լիլիթ Մակունցն, անդրադառնալով կաբինետի ձեւավորման մասին հարցերին, նշեց. «Առաջին տասը օրը փորձում էի ուսումնասիրել ոչ միայն ոլորտում առկա խնդիրները, այլ նաեւ նախարարության հիմնական աշխատանքները, դրանց ընթացքը, ով ինչի համար է պատասխանատու եւ այլն: Այս պահին թիմս հայեցողական պաշտոններում խորհրդականներով համալրելու փուլում եմ»:

Անդրադառնալով հարցին, թե կադրերի ընտրություն կատարելիս ինչով է առաջնորդվում՝ ծանոթ, ճանաչած մարդկանց մե՞ջ է փորձում նրանց գտնել, թե գուցե հայտարարություն է տալու, որպեսզի չերեւացող մարդիկ էլ ի հայտ գան, որոնք կարող են օգտակար լինել, նախարարը պատասխանեց. «Հայեցողական պաշտոնների պարագայում առաջնահերթ խնդիր եմ դնում, որպեսզի այդ անձինք կրեն այն արժեքները, որոնք ես եմ կրում, որովհետեւ անմիջականորեն աշխատելու ենք իրար հետ, եւ իրենք են ապահովելու դաշտի հետ կապված այն խորհրդատվությունը, որի կարիքը ունենալու եմ: Իհարկե, խորհուրդ են տալիս մշակույթի գործիչները, քաղաքական թիմը, որովհետեւ ամեն դեպքում խորհրդականները նաեւ քաղաքական դիրքորոշման հետ կապված պետք է ունենան նույն ուղեծիրը: Բացի խորհրդականների հայեցողական պաշտոններից, կան նաեւ այլ մարդիկ, որոնք որոշել են առանց որեւէ ֆորմալության, կամավորական հիմունքներով ստանձնել այդ դերը եւ շատ ինտենսիվ աշխատում են»:

Մշակույթի նախարարի տեղակալների փոփոխություն առայժմ չկա: Լիլիթ Մակունցի խոսքից պարզ դարձավ, որ առաջիկայում դա տեղի կունենա: Ո՞ւմ թեկնածությունները նա կառաջարկի այդ պաշտոնում, ինչ շրջանակներում ու ինչ տարբերակով է գտնելու նրանց, Լիլիթ Մակունցը չմանրամասնեց: «Անկեղծ ասած չէի ուզի այս փուլում քննարկել դա, ունենք այն անձինք, ովքեր առնչվում են թե՛ մշակույթի ոլորտին եւ թե՛ նաեւ քաղաքական որոշակի սկզբունքայնություն ու դիրքորոշում ունեն, պատրաստակամ են ազնիվ կերպով աշխատել եւ կարող են հավատարիմ մնալ այն արժեքներին, որոնց համար պայքարում էինք»,- ասաց նախարարը:

Առաջին փոխվարչապետ Արարատ Միրզոյանի մամուլի խոսնակ Կարպիս Փաշոյանից տեղեկացանք, որ փոխվարչապետի աշխատակազմում դեռեւս համալրված է հինգ-վեց հաստիք: «Նախ ասեմ, որ մեծ կաբինետ չի լինելու, ամենայն հավանականությամբ՝ մինչեւ տասը հոգանոց աշխատակազմ: Կադրերի հետ կապված խնդիր չկա, բազմաթիվ տաղանդավոր երիտասարդներ կան: Պարոն փոխվարչապետը հաշվի է առնում մասնագիտական հնարավորությունները եւ այդ տեսանկյունից էլ ընդունում է իր աշխատակազմ»,- նշեց խոսնակը, ապա նաեւ հավելեց. «Օրինակ ամենավառ ապացույցը՝ ես, որ ժամանակին եղել եմ փոխվարչապետի կուսակցության ակտիվ քննադատներից մեկը, բայց հիմա ներգարվվել եմ աշխատակազմում: Այսինքն՝ սա վկայությունն է այն բանի, որ հաշվի են առնվում բացառապես մասնագիտական ունակությունները»: Փոխվարչապետի աշխատակազմում առկա թափուր հաստիքներից են օրինակ օգնականի, գործավարի հաստիքները: Կարպիս Փաշոյանի խոսքով, դրանք կարող են համալրվել թե՛ մրցույթի եւ թե՛ անմիջապես առաջարկի միջոցով:

Տպել
4463 դիտում

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում

«Շախմատ» առարկայի դասավանդման կողմնակից եմ. Արայիկ Հարությունյան

Հայտարարություն մրցույթի մասին

Որեւէ վախ չկա, չի էլ կարող լինել եւ տղաները վստահորեն վերահսկում են իրավիճակը. Բաբայանը` Պողոսյանի գրառման մասին

Զինկոմի տեղակալը առանց բուժզննման զինգրքույկ է խոստացել՝ 1000 դոլարի դիմաց. ԱԱԾ բացահայտումը (տեսանյութ)

Արարատ Միրզոյանի գլխավորած պատվիրակությունը կմեկնի Մոսկվա

Անթույլատրելի է այս տարածաշրջանում «յոլա գնալու» տրամաբանությամբ ապրել. Փաշինյանը կարեւորում է ռազմարդյունաբերությունը

Մաքսատուրքերի ժամանակավոր վերացում. Մհեր Գրիգորյանը նախագահում է ԵԱՏՀ խորհրդի հերթական նիստը

ՀԱՊԿ-ում ղեկավարման ոչ մի վակուում չկա. Պեսկով

«Երկրապահ»․ ռազմական կապիտալիզմից մինչեւ ՀԿ

Սանիտարական ավիացիայի առաջին ուղղաթիռը ժամանել է Հայաստան

Վիգեն Չալդրանյանն ազատվել է կինոակադեմիայի նախագահի պաշտոնից. ԱՄՆ-ից հրաժարականի նամակ է գրել

Ինչ են անում ՊՆ բժիշկներն ու ականազերծողները Սիրիայում. մանրամասներ

Կրկին հեշտ մրցակից «Արսենալի» համար Եվրոպա լիգայում

Ողբերգական դեպք. Ֆրանսիացի լեռնագնացը մահացել է ՊՆ ուղղաթիռում

Երեւանի քաղաքապետարանը թափուր պաշտոնների համար մրցույթ է հայտարարել

Թալանել են Արագածոտնի մարզպետարանի վարչության պետի պաշտոնակատարի տունը. տարել են ոսկյա զարդեր եւ փող

Լին Մ. Թրեյսին երդվեց ծառայել Հայաստանում որպես ԱՄՆ դեսպան

Կոտայքի լեռներում ձնահոսքի տակ մնացած Ֆրանսիայի քաղաքացիներին գտել են. ներգրավվել է ՊՆ ուղղաթիռ