Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Ապրիլի 9-ից կառավարման խորհրդարանական համակարգի անցած Հայաստանի Հանրապետության խորհդարանը վերջին շրջանում աշխատում է թերբեռնված: Մասնավորապես, այս ամսվա 2-րդ քառօրյա նիստն անցկացվեց արագացված ռեժիմով եւ այն մայիսի 23, 24, 25 եւ 26-ի փոխարեն սկսվեց ու ավարտվեց մայիսի 23-24-ին: Այս քառօրյան անգամ չի կարելի համարել երկօրյա: Վերջին լիագումար նիստի օրակարգում ընդգրկված օրենքի մեկ տասնյակից ավելի նախագծերի զեկուցումը, քննարկումն ու քվեարկությունը տեւեց ընդամնեը 1,5 օր:

Մայիսի 23-ին քառօրյան իր աշխատանքը կավարտեր դեռ ժամը 15:30-ին, բայց տարբեր խմբակցություններից որոշ պատգամավորներ ստիպված մնացին խորհրդարնում, քանի որ կառավարությունը գալու էր հարց ու պատասխանի: Օրենսդիր մարմնի ներկայացուցիչներն աշխատելու ցանկություն այնքան չունեին, որ կառավարությանը հարց տալու համար 105-ից հերթագրվեց ընդամենը 8 պատգամավոր: Ընդգծենք նաեւ, որ ոչ բոլոր պատգամավորներն էին ներկա նիստին, ապա հարց ու պատասխանին:

Ազգային ժողովի մայիսի 23-ի կարճ նիստին մասնակցել է 87 պատգամավոր: Մասնավորապես, մայիսի 23-ից ԱԺ լիագումար նիստից բացակայում էին ԱԺ փոխնախագահ Արփինե Հովհաննիսյանը (գործուղում), Մարգարիտ Եսայանը, Շուշան Սարդարյանը, Կարյուն Նահապետյանը, Կարեն Կարապետյանը, Արման Սահակյանը, Գագիկ Ծառուկյանը, Իշխան Զաքարյանը, Տիգրան Ուրիխանյանը, Արամ Սարգսյանը, Շաքե Իսայանը:

Քառօրյան երկու օրով անել-վերջացնելու մտահաղացումը ՀՀԿ-ինն էր: Խմբակցության ղեկավար Վահրամ Բաղդասարյանը մայիսի 23-ի ԱԺ լիագումար նիստում առաջարկեց՝ քանի որ այսօր նիստի օրակարգում ընդգրկված հարցերի քննարկումները հավանաբար ավելի վաղ կավարտեն, քան 16:30, երբ կառավարության հետ հարցուպատասխանն է մեկնարկում, առաջարկում եմ այսօր քննարկել այս օրենքը երկրորդ ընթերցմամբ եւ քվեարկել:

Ծառուկյան խմբակցությունից Նաիրա Զոհրաբյանը կարծում է, որ պատգամավորներին աշխատանքի գալու համար չպետք է համոզել, հրավիրել կամ խնդրել, որ աշխատանքի գան:

«Ինձ շարունակում է համառորեն թվալ, որ մենք Ազգային ժողովում ենք աշխատում, ուստի՝ վաղն աշխատանքի գալը, եթե ոմանց համար ծանր բեռ է, մեզ համար մեր պարտականությունն է, եւ մենք որեւէ հրատապություն չենք թողնում այս հարցն այսօր քննարկելու»,- ասաց խմբակցության պատգամավոր Նաիրա Զոհրաբյանը: 

ԱԺ նախագահ Արա Բաբլոյանն էլ, խոսելով աշխատանքի գալ-չգալու մասին, ասաց, որ կրքեր պետք չէ բորբոքել:

«Առաջարկը հետեւյալն է, եթե քվեարկությունից հետո առաջիկա երեք ժամվա ընթացքում չլինեն նոր առաջարկներ, ապա նախագիծը ավտոմատ կերպով պատրաստ կլինի, որպեսզի երկրորդ քննարկում իրականացնեն, որից հետո կմնա միայն քվեարկությունը: Եվ քանի որ մենք աշխատանքային ռեժիմի մեջ ենք, առաջարկ է եղել հենց այսօր քվեարկել, առաջարկը շատ տրամաբանական է, մի նեղվեք, խնդիր չկա, միմյանց չենք ուզում նեղացնել: Եթե չեք ուզում, մի քվեարկեք»,- ասաց նա:

Այնուամենայնիվ, քվերակությունը եղավ եւ մայիսի 24-ին պատգամավորները «վաստակած» հանգստի մեկնեցին: Ի դեպ, «Հայկական ժամանակ»-ի տեսախցիկը այս երկօրյա նիստի ընթացքում նաեւ աշխատանքային օրվա տարբեր ժամերին ֆիքսել էր կադրեր, որ ԱԺ լիագումար նիստն անցնում է կիսադատարկ դահլիճում՝ 10-20 պատգամավորով:

ԱԺ նիստերից հիմնականում բացակայում են ՀՀԿ-ի ու ԲՀԿ-ի գործարար թեւի պատգամավորները: Եթե նրանք անգամ գալիս էլ են, ապա գրանցվում են քվորում ապահովելու համար եւ արագ հեռանում են: Նրանց համար աշխատանքային ժամն ավարտվում է 10:30-ին: Ստեղծված իրավիճակին զուգահեռ էլ աչքի է ընկնում այն, որ պատգամավորները ստանում են նախանձելի աշխատավարձ՝ 660 հազար ՀՀ դրամ:

Տպել
8306 դիտում

Վահագն Վերմիշյանը նշանակվեց քաղաքաշինության կոմիտեի նախագահ

Ինչպե՞ս է հնարավոր, որ պետական համակարգի աշխատողները 3 ամիս աշխատավարձ չստանան․ Փաշինյանն ու Ավինյանը բանավիճեցին

ԱՄՀ-ն ու ՀԲ-ն կանխատեսում են տնտեսական ակտիվության տեմպի դանդաղում․ հավատա՞լ, թե՞ ոչ

ՀՀ ֆուտբոլի ընտրանու վիճակագրությունը առաջիկա մրցակիցների դեմ խաղերում տխուր է

Նախկինների ռազմավարությունը կամաց-կամաց ուրվագծվում է. նրանք «մանրուքները» հաշվի չեն առնում

ԵՊՀ ռեկտորի գործով Էթիկայի հանձնաժողովն արձանագրել է խախտումներ Դավիթ Սանասարյանի գործողություններում

Մեկնարկել է ՀՀ կառավարության հերթական նիստը․ օրակարգում ընդգրկված է 33 հարց, որից 2-ը՝ գաղտնի

Դանակով ավազակային հարձակում են կատարել Չարենցավանում. ձերբակալվել է երկու անձ

Գորիսի և Սպիտակի ավտոճանապարհներին մառախուղ է

Սկսվեց ԱԺ պատգամավոր Էդուարդ Բաբայանի գործով նիստը. նա ասաց, որ չի ընդունում մեղադրանքը

Դադարեցվել է որոշ դեղերի շրջանառությունը. առողջապահական եւ տեսչական մարմինն իրազեկում է

Ուկրաինայում հաջողությամբ փորձարկվել են թուրքական «Bayraktar TB2» ԱԹՍ-ները. Պորոշենկոն անձամբ է հետեւել

Վթար Երեւանում. մեքենան հարվածել է էլեկտրասյանը. վարորդն ու ուղեւորը հիվանդանոցում են

Այսօր ու առաջիկա օրերին առանց տեղումների եղանակ է սպասվում, ջերմաստիճանը կբարձրանա

ՔԿՀ աշխատակիցները տեսակցության եկածների կոշիկներում բջջայիններ, 2 wi-fi սարք ու քարտեր են գտել

Գետափ-Մարտունի ավտոճանապարհին ձյան մեջ արգելափակվել էր մոտ 20 ավտոմեքենա

ՖՄԿ-ն, ՅՈՒՆԵՍԿՕ-ն և Հայաստանը 2020-ին միջոցառում կանցկացնեն «Ապրել միասին» կարգախոսի ներքո

Սյունիքի մարզում ձյուն է տեղում, Գորիս-Կապան ավտոճանապարհին տեղ-տեղ մերկասառույց և մառախուղ է

ՀՀ-ԵՄ համաձայնագրի կիրարկման ճանապարհային քարտեզը սեղմ ժամկետում կլրամշակվի. Մհեր Գրիգորյան

Բոլիվիայում հնագույն քաղաքակրթությունների ժողովուրդների երկրորդ ֆորումին կներկայացվի Հայաստանը