Աջ քաշիր. ՕԵԿ-ի ականջը քաշում են

25/05/2018 schedule15:15

Տպագրվել է «Հայկական Ժամանակ» օրաթերթի՝ 2005 թվականի մայիսի 25-ի համարում

Այն, որ «մուռ հանելը» հայաստանյան քաղաքական հարաբերությունների անբաժանելի մասն է, դա այլեւս գրեթե աքսիոմ է: Երբ անցած արտահերթ նստաշրջանի ժամանակ ԱԺ  նախագահ Արթուր Բաղդասարյանը «Վարչական իրավախախտումների վերաբերյալ» օրենսգրքում փոփոխություններ եւ լրացումներ անելու նախագծի քննարկման ժամանակ հնչեցրած իր ելույթում ոչնչացրեց պետավտոտեսչության համակարգը՝ այն անվանելով վերից-վար կոռումպացված,  երբ ՕԵԿ պատգամավոր Վռամ Գյուլզադյանը հրապարակավ հայտարարեց, որ պետավտոտեսուչին ինքն անվանել է անբարոյականի տղա ու երբ ՕԵԿ-ը ողջ կազմով չմասնակցեց այդ նախագծի քվեարկությանն ու տապալեց այն, պարզ էր, որ դա Արթուր Բաղդասարյանին չի ներվելու:

Եւ չներվեց. անմիջապես քվեարկությունից հետո, մեր տեղեկություններով, Ռոբերտ Քոչարյանը, որի անսահման շահագրգռվածությունն այս օրենքն անցկացնելու մեջ այնքան էլ հասկանալի չէ, իր մոտ է կանչել Արթուր Բաղդասարյանին ու բացատրություն պահանջել: Դարձյալ նույն աղբյուրի վկայությամբ, ԱԺ նախագահն ասել է, թե իրենք սկզբունքորեն դեմ չեն այդ համակարգը կանոնակարգելուն, սակայն բարեփոխումները պետք է սկսել ոչ թե տուգանքները բարձրացնելուց, այլ պատժելուց բոլոր օրինախախտ վարորդներին, եթե անգամ նրանք թվում են անձեռնմխելի: Ըստ ամենայնի, Արթուր Բաղդասարյանի խորհուրդը Քոչարյանի դուրը եկել է, եւ նա որոշել է սկսել հենց Արթուր Բաղդասարյանի ամենամերձավոր շրջապատից ու հարազատներից:

Եւ հենց հաջորդ օրն առավոտից ՊԱՏ տուգանային հրապարակ են սկսել տարվել ԱԺ նախագահի շրջապատի մարդկանց ու վերջիններիս հարազատների մոտ մեկ տասնյակի հասնող մեքենաներ՝ ճանապարհային երթեւեկության կանոնները խախտելու կամ այլ պատճառաբանություններով: Ինչպես երեկ մեզ հետ զրույցում նշեց ԱԺ նախագահի եղբայրը՝ «Կոմպյուտեր Սիթի» խանութի սեփականատեր Արմեն Բաղդասարյանը, շաբաթ առավոտյան, երբ Սայաթ-Նովա փողոցի վրա գտնվող իր խանութի դիմաց կանգնած էր իր ընկերոջ անունով ձեւակերպված «BMW» ջիփ մեքենան, որն ինքն է վարում, ՊԱՏ մոտ հինգ մեքենա աղմուկով շրջափակել են ջիփն ու իրեն առաջարկել մեքենայով հանդերձ ներկայանալ տուգանային հրապարակ.

«Ինձ ասվեց, որ մեքենան տուգանային հրապարակ են տանում փաստաթղթերը ճշտելու համար: Սակայն այն ձեւը, որով նրանք մոտեցան, երբ դիմացի խանութներից մարդիկ դուրս էին գալիս ու շփոթահար հարցնում, թե այդ ի՞նչ է պատահել, իսկապես խիստ վիրավորական էր: Եթե որոշակի հարցեր ունեին այդ մեքենայի հետ կապված, կարող էին հեռախոսով ինձ տեղեկացնել, եւ ես ինքս մեքենան կտանեի տուգանային հրապարակ, որ նրանց կասկածները փարատվեին: Եւ երբ այս ամենը տեղի է ունենում ԱԺ նախագահի ելույթի հաջորդ օրը, երբ նա քննադատում է պետավտոտեսչության համակարգը, կարծում եմ, բոլորի համար էլ հասկանալի է, որ թե՛ իմ ընկերոջ անունով ձեւակերպված մեքենան ու թե՛ ՕԵԿ-ի շրջապատի տարբեր մարդկանց մեքենաները մեկ օրում տուգանային հրապարակ տանելն ԱԺ նախագահի ելույթին տրված պատասխանն էր:

Իսկ եթե նրանք իրապես այդ մեքենայի հետ կապված խնդիրներ ունեին, դա կարող էին անել շատ ավելի վաղ, այլ ոչ թե ԱԺ նախագահի ելույթից հետո: Ես չեմ կարծում, որ նման մեթոդներով կարելի է քաղաքական հարաբերություններ կառուցել»,- մեզ հետ զրույցում ասաց Արմեն Բաղդասարյանը: Ի դեպ, ՕԵԿ-ում մեզ տեղեկացրեցին, որ ՕԵԿ մի քանի պատգամավորի ազգականների մեքենաներ եւս տուգանային հրապարակ են տարվել հիմնականում այն պատճառաբանությամբ, թե մեքենայի հետ կապված կասկածներ կան, որ տվյալ մեքենան առեւանգված է եղել եւ գտնվում է հետախուզման մեջ:

Ու եթե Արմեն Բաղդասարյանի «BMW» ջիփն արդեն բաց է թողնվել, ապա մի քանի մեքենա, որպես պատանդ, դեռ շարունակում են մնալ տուգանային հրապարակում: Չի բացառվում, որ այդ մեքենաները պատանդի կարգավիճակում մնան այնքան ժամանակ, մինչեւ կառավարությունը կրկին ԱԺ-ի քննարկմանը ներկայացնի «Վարչական իրավախախտումների վերաբերյալ օրենսգրքում» նույն փոփոխությունն, ու կախված ՕԵԿ-ի քվեարկությունից՝ պարզ կլինի այդ մեքենաների հետագա ճակատագիրը: Իսկ մեր տեղեկություններով, այս օրենքի նախագիծը քննարկվելու է արդեն հաջորդ շաբաթ նախատեսված արտահերթ նստաշրջանի ժամանակ:

Եւ չնայած ՕԵԿ-ում երեկ խիստ դեպրեսիվ մթնոլորտ էր, եւ կուսակցականներն արդեն որոշել էին, որ իրենց հանդեպ քաղաքական աննախադեպ հալածանքներ են սկսված, սակայն ՀՀ Ոստիկանության Երեւանի ՊԱՏ բաժնի պետ Մարգար Օհանյանը մեզ հետ զրույցում նշեց, որ հարցը պետք չէ կուսակցականացնել, հատկապես, որ շաբաթ օրը տուգանային հրապարակ բերված ջիփերից եւ այդ կարգի մեքենաներից եւ ոչ մեկը փաստաթղթերով ձեւակերպված չի եղել ԱԺ նախագահի, նրա եղբոր կամ նրանց ընտանիքի որեւէ անդամի անունով: Իսկ որ մեքենան իր համար հանգիստ կանգնած լինի խանութի դիմաց ու բերվի տուգանային հրապարակ, Մարգար Օհանյանը չի կարող պնդել, որ նման բան տեղի է ունեցել:

Իսկ ՕԵԿ-ում ոչ միայն պնդում են, այլեւ երեկ, ԱԺ հայտարարությունների ժամին, ՕԵԿ անդամ Գագիկ Ավետյանը հայտարարեց, թե նման ռեպրեսիաներով ՕԵԿ-ի բերանը փակել հնարավոր չէ, եւ իրենք շարունակելու են դեմ լինել այն օրենքներին, որոնք հակասում են ժողովրդի շահին: Կուսակցության քաղխորհրդի անդամ Հովհաննես Մարգարյանն էլ խոստանում է, որ պատժվելու են բոլոր նրանք, ովքեր անօրինական քայլեր են կատարել եւ տուգանային հրապարակ են տարել որեւէ օրինախախտում չարած վարորդներին: Իսկ թե որքանով է հետեւողական ՕԵԿ-ն ու իր նախագահը, պարզ կլինի ընդամենը մեկ շաբաթից, երբ նախագահ Քոչարյանը խորհրդարանին կկանգնեցնի նույն օրենքը վերաքվեարկելու պարտադրանքի առաջ:

Նաիրա Զոհրաբյան

Խմբ. կողմից - Մեր տեղեկություններով, վերը նշված ռեյդի շրջանակներում ՕԵԿ մի շարք անդամներին պատկանող մեքենաներ տուգանային հրապարակ են տարվել միանգամայն օրինական հիմքով: Պարզապես նախկինում պետավտոտեսչությունը աչք փակելիս է եղել այդ մանր ու մեր իրականության համար սովորական խախտումների վրա:

Տպել
1279 դիտում

Սլավա Հայրապետյանը նույնպես դուրս մնաց գեղասահքի աշխարհի առաջնությունից

Հայաստանի ազգային հավաքականն արդեն Սարաևոյում է

Էկրաններին է աստղային դերասանական կազմով «Ա.Կ.Ա.» դրաման

Քաղաքապետարանը սկսում է կանաչապատել Սարալանջի համայնքապատկան հողերը՝ Մոնումենտից մինչև Մյասնիկյան

Ադրբեջանը սպառնալիքներ է ստեղծում Արցախի բնակչության գոյատևման համար. ԱԳ փոխնախարարը՝ Ադրբեջանի ԱԳ նախարարին

ԱՄՆ պետքարտուղարն այցելել է Երուսաղեմի Սուրբ Հարության տաճարի հայկական բաժին

Զինված ու դիմակավորված ավազակային հարձակում Արմավիրում․ հնչել են կրակոցներ

«Միսս Մոսկվա» մրցույթի հաղթողը պայմանագրի պահանջները չկատարելու պատճառով զրկվում է թագից եւ գլխավոր տիտղոսից

ԱԳ նախարարը հանդիպել է Շվեդիայի միջազգային զարգացման համագործակցության նախարարի հետ

Երբ մարդուն վտանգ ա սպառնում, ես կանխում եմ, ոչ թե ջարդում, քցում գետնին, մի քանի անգամ քացով տալիս. ԱԺ պատգամավոր

Չինաստանի գործարաններից մեկում պայթյունի հետեւանքով առաջացած հրդեհի մարմանը կցվել է 930 հրշեջ

Դպրոցի տարածքում վիճաբանությունն ավարտվել է դանակահարությամբ. Երիտասարդներից մեկը վնասվածք է ստացել սրտի շրջանում

«Վանաձոր» ՔԿՀ-ում տեսակցության եկածի մոտից գտել են 5.2 գր քաշով, դեղնականաչավուն զանգված

Մեծ Բրիտանիան ԵՄ-ից պետք է դուրս գա առավելագույնը մինչեւ ապրիլի 18-ը. ԵԽ նախագահ

«Օրենքով գող» Աստրախանցի Հայկոն ազատ է արձակվել, կալանքի հիմքեր չեն եղել

Երեւանի դատախազը Մարությանից պահանջել է գետնանցումներում եւ զբոսայգիներում տարածքներ զբաղեցնողների տվյալները

Էրդողանի ռեժիմի միջամտությունն այլեւս անընդունելի է Պոլսո Հայոց պատրիարքի ընտրության գործընթացում. Հայ դատի հանձնախումբ

Քաղաքապետարանի աշխատակիցները օրենքից դուրս գործող սգո սրահներ են հայտնաբերել. հարուցվել են քրգործեր

Դպրոցի տնօրենին անվստահություն կարող է հայտնել ծնողական խորհուրդը. Ավշարում կրքերը չեն հանդարտվում

ՊԵԿ-ը հորդորում է Բագրատաշենի մաքսակետից հանել աջ ղեկով մեքենաները, այլապես կգանձվի պահպանության վճար