Առողջապահության համաշխարհային կազմակերպությունը Հայաստանի հետ նոր ծրագրեր կիրականացնի

Առողջապահության նախարարությունում քննարկվել են Առողջապահության համաշխարհային կազմակերպության (ԱՀԿ) հետ իրականացվող ընթացիկ ծրագրերն ու նախանշվել առաջիկայում իրականացվելիք մի շարք նախագծեր:

Ընդունելով Առողջապահության համաշխարհային կազմակերպության հայաստանյան գրասենյակի ղեկավար Եգոր Զայցևին՝ առողջապահության նախարար Արսեն Թորոսյանը շեշտել է համատեղ ծրագրերի կարևորությունն ու դրանց արդյունավետությունը բարձրացնելու հարցում վճռականությունը:

Եգոր Զայցևը կազմակերպության տարածաշրջանային գրասենյակի ղեկավարի և իր անունից շնորհավորել է նախարար Թորոսյանին՝ պաշտոնում նշանակվելու առիթով, ապա հրավիրել հունիսին Տալլինում կայանալիք միջազգային հանդիպմանը, որի շրջանակներում քննարկվելու են առողջապահական ոլորտին առնչվող առանցքային հարցեր:

ՀՀ առողջապահության նախարարության և ԱՀԿ-ի միջև համագործակցությունը ընթանում է երկամյա համագործակցության ծրագրերի շրջանակում: Համատեղ նախագծերից առանձնացվել են ծխելու դեմ պայքարի միջոցառումները և հասարակական վայրերում ծխելն արգելելու վերաբերյալ իրավական ակտերի ընդունման անհրաժեշտությունը:

«Անձամբ մեծապես շահագրգռված եմ, որ այդ օրենքն ընդունվի, ու այն հաստատ կընդունվի: Սակայն տուգանքների մասով հասարակական ընկալումը դեռ միանշանակ չէ, ուստի փոփոխություններին պետք է ավելի սահուն անցնել: Օրենքի նախագծում որոշ դրույթներ կվերանայվեն, և այն կուղարկվի խորհրդարան»,-շեշտել է նախարարը:

Ոչ ինֆեկցիոն հիվանդությունների կանխարգելմանն անդրադառնալով՝ Եգոր Զայցևը տեղեկացրել է, որ իրենց կազմակերպությունը պատրաստ է օժանդակել և հետազոտել, թե դրանց հետևանքով տարեկան որքան կորուստ է ունենում երկրի համախառն ներքին արդյունքը, և դրանց կանխարգելմամբ որքանով կարելի է տնտեսել այն: Հետազոտությունները կընդգրկեն Հայաստանի բնակչության սննդային սովորույթները, աղի՝ նորմայից ավելի օգտագործման հետևանքները և խոլեստերինի բարձր մակարդակը՝ հատկապես ռիսկային խմբերի մոտ:

Խիստ մտահոգիչ է գնահատվել Հայաստանում տրավմատիզմի հարցը՝ ամենատարբեր պատահարների հետևանքով բնակչության շրջանում վնասվածքների առաջացման խնդիրը: Պայմանավորվածություն է ձեռք բերվել այս ուղղությամբ, հիմնվելով առկա ռազմավարության վրա, մեկնարկ տալ նոր ծրագրի՝ աշխատելով Կրթության և գիտության նախարարության ու ճանապարհային ոստիկանության հետ՝ կենտրոնանալով հատկապես երեխաներին առնչվող խնդիրներին: «Վթարների վիճակագրության մեջ կարևոր է սկսել դիտարկել, թե որ դեպքերում են տուժողներն ամրագոտին կապած եղել, որ դեպքերում են երեխաները մեքենայում մանկական աթոռակի մեջ եղել»,-նկատել է առողջապահության նախարարը:

Արսեն Թորոսյանն ու Եգոր Զայցևը լուրջ քննարկում են ունեցել նաև Հայաստանում ապահովագրական ծրագրերի ընդլայնման շուրջ: ԱՀԿ հայաստանյան գրասենյակի ղեկավարը խոստացել է աջակցել խորհրդատվությամբ, որպեսզի ապահովագրության բաղադրիչը երկրում ընդլայնվի և առավել սահուն լինի:

Բուժքույրերի վերապատրաստման նոր ծրագիր ևս նախանշվել է՝ շեշտելով նրանց վերաորակավորման և մասնագիտական պարտականությունների ավելացման հարցը:

Հեպատիտի տարածման կանխարգելման և հիվանդացության վիճակի հետազոտության, անտիբիոտիկների անհարկի կիրառման դեպքերը կրճատելու ուղղությամբ նույնպես համատեղ քայլերի պայմանավորվածություններ են ձեռք բերվել:

Ընդգծվել է, որ Հայաստանը լուրջ առաջընթաց ունի մորից երեխային ՄԻԱՎ-ի փոխանցման դեպքերը կրճատելու առումով, ինչի մասին վիճակագրությունն է փաստում:

Տպել
1007 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ