Լոռու մարզի դատախազները բացատրական աշխատանք են տանում դպրոցներում, անչափահասների շրջանում

Անչափահասների, երիտասարդների շրջանում հանցավորությունը կանխելու, դրանք ծնող պատճառներն ու կատարմանը նպաստող պայմանները վերացնելու ուղղությամբ տարվող աշխատանքների շրջանակներում Լոռու մարզի դատախազ Արսեն Մարտիրոսյանն այցելել է Վանաձորի Հովհաննես Թումանյանի անվան պետական համալսարան և հանդիպում ունեցել իրավագիտության ֆակուլտետի ուսանողների հետ: Իսկ մարզի դատախազության դատախազ Արմեն Պողոսյանը Վանաձորի թիվ 22 հիմնական դպրոցում հանդիպել է 9-րդ դասարանի աշակերտների հետ:

 ՀՀ դատախազության հանրային կապերի բաժնի փոխանցմամբ, ջերմ և անմիջական մթնոլորտում անցած հանդիպումների ընթացքում դատախազների կողմից բացատրվել է հանցավոր վարքագծից զերծ մնալու առումով անչափահասների լիարժեք կյանքի նախապատրաստման, հասարակական և ստեղծագործական ակտիվության, իրենց մեջ բարձր բարոյական հատկանիշների, քաղաքացիական գիտակցության զարգացման անհրաժեշտությունը: Քննարկում է ծավալվել երիտասարդներին, անչափահասներին իրավախախտման մղող հիմնական բացասական որոշ գործոնների շուրջ, ինչպիսիք են ներկայի, ապագայի հանդեպ անորոշության զգացողությունը, ներքին անվստահությունը, կրթություն ստանալու հետ կապված դժվարությունները, ազնիվ աշխատանքով կենսական կարիքները բավարարելու սահմանափակ հնարավորությունները: 

Դատախազները կոնկրետ օրինակներով ներկայացրել են այն բացասական հետևանքները, որոնց անխուսափելիորեն կարող են բախվել երիտասարդներն ու անչափահասները հանցավոր վարքագիծ դրսևորելու պարագայում: Աշակերտները հարցեր են ուղղել նաև դատախազի գործունեության առանձնահատկությունների, իրավապահ համակարգում աշխատանքի անցնելու ընթացակարգերի, իրավաբանական կրթություն ստանալու, աշխատանքում ի հայտ եկած դժվարությունների մասին: 

Դպրոցում աշակերտներից յուրաքանչյուրի հետ առանձնազրույցի ընթացքում դատախազ Արմեն Պողոսյանի կողմից վեր են հանվել, ավելի ուշ նաև տնօրինության ուշադրությանն արժանացվել առանձին անչափահասների մոտ արտահայտված՝ հանցավոր վարքագծի ձևավորմանը նպաստող որոշ գործոններ: Դպրոցի տնօրինության հետ քննարկումների արդյունքում առաջարկվել է շեղվող վարքագիծ դրսևորած, դասընթացներից պարբերաբար և առանց հարգելի պատճառների բացակայող աշակերտների նկատմամբ սահմանել առավել հսկողություն և անչափահասի վարքագծում բացասական դրսևորումներ հայտնաբերելու դեպքում ակտիվ համագործակցել ինչպես Լոռու մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի համապատասխան աշխատակիցների, այնպես էլ՝ իրավապահ մարմինների հետ:

Քննարկումների արդյունքում ցանկություն է արտահայտվել առավել հաճախակի դարձնել նման հանդիպումները, ինչին դատախազներն արձագանքել են մեծ պատրաստակամությամբ:

Տպել
2578 դիտում

Երեւանում Իսպանիայի ու Պորտուգալիայի 19 տարեկանները ցույց տվեցին այն, ինչ Հայաստանում չկա

Վենետիկի հանձնաժողովի կողմից պաշտոնական միայն մի դիրքորոշում է եղել. Նիկոլ Փաշինյան

Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու

Խաչիկ գյուղի մոտակայքում խոտածածկ տարածք է հրդեհվել

Մի բուդկայի պես սեփականաշնորվել է ՍԴ-ն. եղել է քաղաքական առեւտուր, 4 մարդիկ ստացել են իրենց հասանելիքը. վարչապետ

Իսպանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ փոխնախարարին

Ապօրինի ծառահատում Ահնիձոր գյուղի հարակից անտառում

Ես ինքս ինձնից երբեք գոհ չեմ լինում, նշանակում է՝ իմ թիմից եւս. վարչապետը՝ անփորձների կառավարման մասին

Այո, կա վատ կառավարում, բայց դա ոչ միայն մարդկային, այլեւ համակարգային խնդիր է. վարչապետ

Քարաթափում Վայք-Ջերմուկ ավտոճանապարհին, վտանգը կանխելու համար արհեստական քարաթափում է արվել

Արարատ Միրզոյանն ու Նենսի Փելոսին քննարկել են հայ-ամերիկյան հարաբերություններին առնչվող հարցեր

Տիգրան Ավինյանը և Տատյանա Վալովայան անդրադարձել են ԵԱՏՄ–ում էներգակիրների միասնական շուկայի ձևավորման հարցին

Դատախազությունը պարզել է քաղավիացիայի ոլորտում 2013-2018-ին կատարված կոռուպցիոն չարաշահումներ

Յուրիկ Բրոյանը ռազմաբժշկական հանձնաժողովի կրկնակի փորձաքննություն կանցնի․ Պաշտպանն այցելել է զինծառայողին

Դատավոր Դավիթ Գրիգորյանի դեմ հաղորդում ներկայացվել է մինչ Ռոբերտ Քոչարյանի եւ մյուսների գործն իրեն մակագրելը

Ucom-ն ավարտել է դրամային և դոլարային պարտատոսմերի տեղաբաշխումը

Իվանիշվիլին Սահակաշվիլիի կուսակցությանը մեղադրել է տնտեսությունը խորտակելու փորձի մեջ

Ամենակարեւոր վայրը, ուր պետք է այցելել, սա է. հայտնի ֆուտբոլիստ Նունու Գոմեշը Ծիծեռնակաբերդում էր (տեսանյութ)

ԲԴԽ անդամ Նախշուն Տավարացյանը պնդում է՝ ճնշումների տակ չի պատրաստվում հրաժարական տալ

Արցախի պաշտպանության նախարարն ու ՀՀ ԱԽ քարտուղարը քննարկել են իրավիճակը առաջնագծում