Լոռու մարզի Դսեղ եւ Դեբետ  գյուղերի խաչմերուկում բացվեց  Հայաստանում  եզակի ՔՈԱՖ ՍՄԱՐԹ կենտրոնը:  Այն եզակի է եւ շենքի ճարտարապետական լուծումներով եւ գործունեոթւյամբ: Նախաձեռնությունը Հայաստանի Մանուկներ հիմնադրամինն է: Կենտրոնը կառուցվել է, 5 մլն դոլարի ներդրմամբ՝ ամերիկահայ ձեռներեց, «Հայաստանի մանուկներ հիմնադրամի»   հիմնադիր Գարո Արմենի ֆինանսական միջոցներով: Այլ բաերարներ եւս միացել են նախաձեռնությանը:ՔՈԱՖ ՍՄԱՐԹ-ը ոչ ֆորմալ կրթության հնարավորություն է ստեղծել 5 գյուղերի 3-ից  բարձր տարիքի բնակիչների համար:   Այս պահին ծրագրում ներառնված են Դեբետ, Դսեղ, Վահագնի, Ձորագյուղ, Եղեգնուտ գյուղերը: Այդ գյուղերից եկողների համար փոխադրամիջոցը մինչեւ տարեվերջ կապահովի Հայաստանի Մանուկներ հիմնադրամը: Գալիք տարվանից  նպատակ կա եւս 13 գյուղ ընդգրկել, որոնք կենտրոնից 30կմ հեռավորության վրա են գտնվում: Հիմնադրամը, սակայն, այդ գյուղերի համար  տրանսպորտ չի ապահովի: Այդ խնդիրը համայքներն ինքնուրույն են կարգավորելու:

Սմարթ կենտրոնի հայեցակարգը 4 հիմնական ուղղությամբ է մշակված՝  նորարարություն եւ ստեղծագործականություն, լեզու եւ հաղորդակցություն, ձեռներցություն եւ տեղական տնտեսական  զարգացում, ինչպես նաեւ ակտիվ քաղաքացիություն եւ անձնային զարգացում:  ՔՈԱՖ ՍՄԱՐԹ-ում տարբեր դասարաններ կան, որոնք առաջարկում են կայուն ու որակյալ  կրթություն ոչ ավանդական մեթոդներով: Սա կենտրոն է առանց սահմանափակումների՝ ճարտարապետական լուծումներով ներաճած Լոռու բնության հետ:  Այս կենտրոնն իր գործունեությամբ էապես կփոխի Հայաստանի գյուղերի բնակիչների կենսակերպը, նրանց կդարձնի եւ մրցունակ եւ կկանխի արտագաղթը:

Կենտրոնն օրական  500 այցելուի կարող է  ընդունել: Ներկա պահին ունեցած հաշվարկով այն 150.000 երիտասարդի եւ մեծահասակի ոչ ֆորմալ կրթական միջավայր է հանդիսանում:

Կենտրոնի բացմանը ներկա էին ՀՀ  փոխվարչապետ Տիգրան Ավինյանը, նախարարներ, օտարերկրյա հյուրեր եւ հարյուրավոր ՀՀ քաղաքացիներ:

«Մենք մեր քաղաքական գործունեւության ամբողջ ընթացքում համոզված ենք եղել, որ յուրաքանչյուր փոփոխություն կախված է քաղաքացուց: Եւ քաղաքացին այն արժեքն է, որն ունի ՀՀ-ն, եւ քաղաքացին այն սուբյեկտն է, որի կրթությունը, նորարարությունը, առողջությունը, ֆինանսական գրագիտությունը եւ քաղաքացիական գիտակցությունը որոշում են պետության որակը: Եվ այս համատեքստում է, որ ահռելի է դառնում Հայաստանի Մանուկներ հիմնադրամի այս հսկայական աշխատանքի կարեւորությունը եւ վստահ եմ, որ ի դեմս ՍՄԱՐԹ կենտրոնի մենք ունենալու ենք ստեղծարար միջավայրի մի նոր օրինակ: Շնորհակալություն եմ հայտնում Ձեզ կառավարության անունից, շնորհակալություն եմ հայտնում իմ՝ որպես ՀՀ քաղաքացու անունից, եւ այն, ինչ չունեցավ մեր սերունդը երեկ, այսօր ունի այս սերունդը, իսկ վաղվա սերունդն ունենալու է միանշանակ ավելին:Ուզում եմ դիմել իմ շատ սիրելի պատանիներին. եղեք երազող եւ հավակնոտ, որովհետեւ Ձեր երազանքներն ու հավակնություններն  են այն նպատակները, որոնք պիտի դրվեն մեր կառավարության սեղանին եւ առհասարակ, բոլոր կառավարությունների սեղաններին»,-ելույթի իր խոսքում ասաց ՀՀ փոխվարչապետ Տիգրան Ավինյանը:

Նման ՍՄԱՐԹ կենտրոններ նախատեսվում է ունենալ նաեւ հանրապետության այլ մարզերում եւս:

 

Տպել
2550 դիտում

Ազատամուտ գյուղում այրվել է փայտյա տնակ (տեսանյութ)

Ներքաղաքական պայքարի անվան տակ

Սևանավանքի տարածքում մարդկային կուտակումներ և անկանոն հերթեր չեն արձանագրվել․ ԲԸՏՄ

Վաղը քննությունների ամենածանրաբեռնված օրն է. մաթեմատիկայից քննություն կհանձնի ավելի քան 5000 դիմորդ. նախարար

Հուլիսի 7-ին տեղի կունենա Վորոնեժ-Երևան չվերթը

Սևանում և Գավառում խստացված ստուգումներ են. ՍԱՏՄ-ն շարունակում է մշտադիտարկումները սննդի շղթայի օբեկտներում

Աթլետիկայի համաշխարհային ֆեդերացիան պաշտոնապես հայտարարել է մի քանի համաշխարհային ռեկորդների վավերացման մասին

Եկեղեցու տոնացույցով այս տարի Վարդավառը հուլիսի 19-ին է

Հայ-ռուսական հարաբերությունների մասին

Հրդեհ Նուբարաշեն վարչական շրջանում. այրվել է մոտ 200 խմ տոլ (տեսանյութ)

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

ԱԻՆ ջրափրկարարները վերսկսել են հունիսի 26-ից կորած քաղաքացու ստորջրյա որոնողական աշխատանքները

Վթար Ապարան-Վարդենիս ավտոճանապարհին․ տուժածի վիճակը գնահատվել է բավարար

Կիևյան կամրջի տակ դի է հայտնաբերվել

Իրենց արշինով են չափում

Մոտ օրերին ուլտրամանուշակագույն ճառագայթումը նորմայից բարձր է լինելու․ խորհուրդ է տրվում խուսափել ուղիղ ճառագայթներից

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած

Ոստիկանների ստուգումներով հայտնաբերվել է օրինախախտման 3072 դեպք, խախտումների ընդհանուր թիվը 68.305 է

Արցախի ՊԲ հրամանատարը շնորհավորել է ծառայության անցնող զորակոչիկներին