Կառավարության աշխատակազմից չեն հստակեցնում՝ Բաբլոյանը Փաշինյանի կողքին էր կանգնելո՞ւ

Հայաստանի առաջին հանրապետության հիմնադրման 100-ամյակի տոնակատարությունն առանց սկանդալի չանցավ: Աղմուկի հետեւում խորհրդարանական ընդդիմությունն էր՝ Հանրապետական կուսակցությունը: Բանն այն է, որ ըստ տարբեր ՀՀԿ-ական գործիչների՝ խորհրդարանի նախագահ Արա Բաբլոյանը ներկա գտնվելու պատշաճ հրավեր չի ստացել 100-ամյակին նվիրված միջոցառումներին մասնակցելու համար: Այս հայտարարություններից հետո վարչապետի աշխատակազմի ղեկավար Էդուարդ Աղաջանյանը ֆեյսբուքի իր էջում մեկնաբանություն ներկայացրեց, ըստ որի՝ խորհրդարանի նախագահին պատշաճ հրավերք է եղել:

«Պաշտոնապես հայտարարում եմ՝ Արա Բաբլոյանը հրավիրված է եղել որպես ԱԺ նախագահ եւ որպես ՀՀԿ խմբակցության ներկայացուցիչ: Եւ այո, Պարոն Բաբլոյանի համար նստատեղ նախատեսված է եղել թե՛ Սարդարապատի օթյակում, եւ թե՛ համերգի պարտերում»,- մասնավորապես, գրել էր Աղաջանյանը:

Վարչապետի աշխատակազմի ղեկավարի այս մեկնաբանությանը հաջորդեց Ազգային ժողովի աշխատակազմի ղեկավարի տեղակալ Արսեն Բաբայանի գրառումը, որի համաձայն՝ Բաբլոյանը չի լինելու նախագահ-վարչապետ-ԱԺ նախագահ եռյակում, այսինքն՝ չի կանգնելու նրանց կողքին:

«Ի պատասխան ՀՀ վարչապետի աշխատակազմի ղեկավար պարոն Աղաջանյանի հայտարարությանը, թե Արա Բաբլոյանը հրավիրված է եղել ե՛ւ որպես ՀՀԿ խմբակցության պատգամավոր, ե՛ւ որպես ԱԺ նախագահ, ստիպված եմ առավել մանրամասն ներկայացնել, թե ինչ է օրենսդիր իշխանությունը, պետական միջոցառումը եւ արարողակարգային ավագությունը։

Պետական արարողակարգով, որը պետականության սիմվոլիկան ապահովող հիմնական գործընթացն է, նախատեսված է բարձրաստիճան պաշտոնյաների եռյակ, այն է՝ Հանրապետության նախագահը, Ազգային ժողովի նախագահը եւ վարչապետը։ Կրկին արարողակարգը նախատեսում է, որ նշված երեք բարձրաստիճան պաշտոնյաները պետական միջոցառումներում մասնակցում են միասին, միջոցառման պաշտոնական մասն անցկացնում են երեքով։ Առնվազն այս երեք պաշտոնյաները պետք է լինեն նույն հարթության վրա, նույն հարթակում։

ՀՀ ԱԺ աշխատակազմը փորձել է պարզել ՀՀ ԱԺ նախագահի արարողակարգային մասնակցությունը, մասնավորապես, թե որ ճանապարհով պիտի մոտենա, նշված եռյակում որ կողմում պետք է կանգնի եւ բազմաթիվ այլ արարողակարգային հարցեր։ Այդ փորձի ընթացքում ՀՀ վարչապետի աշխատակազմից հայտնել են, որ ՀՀ ԱԺ նախագահը չի լինելու եռյակում, այլ՝ որպես ՀՀԿ խմբակցության պատգամավոր, պետք է համալրի մյուս երկու պատգամավորների շարքը։

Այսպիսով, նշված որոշումը գնահատելով որպես օրենսդիր իշխանության նկատմամբ ոչ պատշաճ վերաբերմունք, ՀՀ ԱԺ նախագահ Արա Բաբլոյանը հրաժարվել է ներկա լինել միջոցառմանը, գիտակցելով, որ արարողակարգային ավագության կոպիտ խախտմամբ իր մասնակցությունը կնսեմացնի ՀՀ Ազգային ժողովի դերը։

Պետական համակարգում փորձառություն ունեցողները գիտեն, թե ինչպես է իրականացվում ՀՀ Ազգային ժողովի նախագահին հրավիրելը։ Փորձառություն ունեցող պետական պաշտոնյաները, մասնավորապես աշխատակազմերում ծառայություն իրականացնողները, գիտակցում են, որ օրենսդիր իշխանության կամ Ազգային ժողովի նախագահի հրավերը սոսկ ներկայություն ապահովելը չէ, այլ՝ արարողակարգի հիմնադրույթների ամբողջական պահպանում։ Պետական միջոցառման հրավիրելը պետական արարողակարգային գործողությունների ամբողջության ապահովումն է»,- մասնավորապես, գրել է Բաբայանը։

Արսեն Բաբայանի բարձրաձայնած այն խնդիրը, այն է՝ Բաբլոյանի ներկայությունն ապահոված չի եղել նախագահի եւ վարչապետի կողքին՝ նույն հարթության վրա, փորձեցինք պարզել վարչապետի աշխատակազմի ղեկավարից: Սակայն Աղաջանյանը ամբողջ աշխատանքային օրվա ընթացքում մեր զանգերն անպատասխան թողեց, խուսափեց անդրադառնալ այս հարցին, իսկ օրվա ավարտին նրա գործավարուհին փոխանցեց, որ այն, ինչ ունի թեմայի վերաբերյալ ասելու, արդեն նախորդ օրվա գրառման մեջ տեղ է գտել: Այսպիսով՝ «օդից կախված» է մնում այն հարցը, թե Բաբլոյանը պետք է կանգնած լինե՞ր հարթակում, թե՞ ոչ:

Թեմային երեկ խորհրդարանում անդրադարձավ նաեւ ՀՀ վարչապետ Նիկոլ Փաշինյանը եւ պատասխանելով հարցին, թե ինչո՞ւ խորհրդարանի նախագահը ներկա չի եղել, ասաց.

«Պարոն Բաբլոյանը հրավիրված է եղել, ես կարծում եմ, որ այս անցումային շրջանի հետ կապված որոշակի ցավալի թյուրիմացություն է եղել: Ես հույս ունեմ, որ բոլորս հասկանում ենք, որ Հայաստանում ավանդույթ կա, որ բոլոր հարցերը վարչապետի մակարդակով պետք է քննարկել եւ լուծել՝ ընդհուպ փողկապի գույնը, թե դեմքի ինչ արտահայտություն ունենալ, ու քանի որ հիմա գործող վարչապետը հարկ չի համարում բոլոր մանրամասների մեջ մտնի՝ թե ով ինչ ասի, ինչ խոսի, ով ինչ դեմքի արտահայտություն ունենա, այդպիսի թյուրիմացություններ կլինեն: Համակարգը, թերեւս, այն իներցիայով է գործում, որ իշխանությունը խնդիր ունի ընդդիմության համար տհաճություններ ստեղծելու, իհարկե, այդ տրամաբանությունը չպիտի գործի»,- հայտարարեց Փաշինյանը:

Միջոցառմանը ներկա չի եղել նաեւ ԲՀԿ-ի էլիտան՝ Գագիկ Ծառուկյանի մակարդակով: Ազգային ժողովի «Ծառուկյան» խմբակցության պատգամավոր Նաիրա Զոհրաբյանն էլ ՀԺ-ի հետ զրույցում պատասխանելով հարցին, թե ինչու՞ ԲՀԿ-ականները ներկա չեն եղել, արդյո՞ք կրկին հրավեր չի եղել, նշեց.

«Մենք ստացել ենք երեք հրավիրատոմս՝ պարոն Ծառուկյանի, իմ եւ պարոն Մելքումյանի անուններով: Պարոն Ծառուկյանն աշխատանքային ծանրաբեռնավածություն ուներ, չի կարողացել գնալ, ես եւ պարոն Մելքումյանն էլ գտնվում էինք Վարդենիսում, մեր տարածքային գրասենյակում տարածքային խորհրդի նիստ էր: Տեխնիկապես չենք հասցրել լինել: Ես անառողջ եմ համարում, թե ում են հրավիրել, ում չեն հրավիրել քննարկման շուրջ սկսված աժիոտաժը: Ի վերջո, առաջին հանրապետության տոնը ոչ մեկի սեփականությունը չէ եւ հրավիրատոմսերով չէ, որ մարդ պետք է գնա կամ չգնա: Եթե ինչ-որ մեկը ցանկություն ուներ գտնվել այնտեղ, ապա դրա համար հրավիրատոմս բացարձակ պետք չէր եւ չպետք է սպասեր այդ հրավիրատոմսին: ԲՀԿ-ական իմ մի քանի գործընկերներ հրավիրատոմս չեն ունեցել, բայց գնացել եւ կուսակցությունը պատշաճ ներկայացրել են»,- ասաց Նաիրա Զոհրաբյանը:

Եթե անդրադառնանք Ազգային ժողովի դերն արժեւորել-չարժեւորելուն, ապա նշենք, որ այս կառույցը հաճախակի է գործադիր մարմնի կողմից հեղինակազրկվում: Մասնավորապես, 2018-ի տարեսկզբին քաղաքական մեծամասնության կողմից հայտարարվեց, որ Հայաստանն անցում է կատարում խորհրդարանական համակարգի: Եվ հենց այս ժամանակահատվածում էր, որ Սերժ Սարգսյանը ցանկություն հայտնեց հանդիպել ԱԺ ղեկավարության հետ, որի կազմում են նախագահը, նրա երեք տեղակալները, խմբակցությունների ղեկավարները եւ մշտական հանձնաժողովների նախագաները: Սակայն Սերժ Սարգսյանը հարկ չհամարեց գալ խորհրդարան եւ ղեկավարությանը կանչեց իր մոտ:

Ընդդիմադիր ուժերի տարբեր գործիչներ էլ իրենց հերթին հայտարարել ու շարունակում են մնալ այն կարծիքին, որ խորհրդարանը մեծամասնության վարած քաղաքականության արդյունքում դարձել էր ՀՀԿ-ի կառավարության «դակիչ» կոճակը: Սա այն պատճառով, որ կառավարությունն օրենքի ինչ նախագիծ ուղարկում էր, ԱԺ-ի մեծամասնությունը հաստատում էր: Այս իրավիճակը ՀՀԿ-ական Սերյան Սարոյանն այսպես է մեկնաբանում. «Նախագահը (Սերժ Սարգսյանը) մեզ ոնց ասի, սաղս էստեղ կնոպկա սեղմող ենք»,- բազմիցս հայտարարել է նա:

Արդեն կարող ենք արձանագրել, որ հեղափոխությունից հետո քաղաքական մեծամասնությունն էլ է խոսքի ազատության անսահմանափակ առավելություն ստացել: Նրանք խոսում են իրավունքներից, արժեքներից, իսկ մինչեւ այս լռում էին այդ մասին:

Տպել
7068 դիտում

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)