ԵՊՀ-ն տարեկան 30 «դռել» է գնում, պրակտիկայի գումար չկա. պահանջում են ռեկտորի հրաժարականը

Երեւանի պետական համալսարանում այսօր բողոքի հերթական ցույցերն էին անցկացվում՝ այս անգամ նոր օրակարգով:

«ԵՊՀ ռեստարտ» նախաձեռնության անդամները առաջ էին քաշել չորս պահանջ՝  ռեկտոր Արամ Սիմոնյանի հրաժարականը, հոգաբարձուների խորհրդի լուծարում, ֆինանսական աուդիտի անցկացում, ինչպես նաեւ ուսանողական խորհրդի եւ արհմիության ժամանակավոր կասեցում: Հայտարարվել էր նաեւ դասադուլ եւ գործադուլ: Դրանց միացած ուսանողների քանակն առայժմ մի քանի տասնյակի սահմաններում է: «ԵՊՀ ռեստարտ» նախաձեռնության անդամ Դավիթ Պետրոսյանը հայտարարեց, որ իրենց միացել են նաեւ դասախոսներ:

«Հեղափոխությունը պետք է մտնի ԵՊՀ: Արդյունքում պետք է ունենանք այն ԵՊՀ-ն, որը պատկերացնում ենք: Մենք պետք է ներկայացնենք մեր պահանջները ու ակնկալում ենք ռացիոնալ պատասխաններ, իսկ եթե չընդունվեն այդ պահանջները, նշանակում է կլինեն սկզբունքային եւ գաղափարական տարաձայնություններ: ԵՊՀ-ում շարունակում ենք ունենալ նույն խնդիրները: Չենք ստանում այն կրթությունը, որը պետք է համապատասխանի ուսանողի պահանջին, որով կարող ենք մեր նպաստը ունենալ ՀՀ պետականաշինությանը, համալսարանում շարունակում ենք ունենալ կառավարման թափանցիկության խնդիր: Ունենք ռեսուրսների անարդյունավետ ծախս: Այն ժամանակ, երբ ուսանողին ասում են պրակտիկայի գնալու համար գումար չկա, 2 միլիոն 600 հազար դրամ է ծախսվում մեկ սեղան գնելու համար, 1 միլիոն՝ աթոռ գնելու համար, ամեն տարի գնվում է 30 հատ «դռել»: ԵՊՀ-ի անվտանգությունն, ըստ մեր տեղեկությունների, ապահովում է մի կազմակերպություն, որը պատկանում է Գալուստ Սահակյանի որդուն՝ Արման Սահակյանին»,- իրենց գործողությունների շարժառիթները ներկայացնելով՝ մասնավորապես թվարկեց Դավիթ Պետրոսյանը:

Բողոքի ցույցի մասնակիցները երթով շարժվեցին դեպի ԵՊՀ տարբեր մասնաշենքեր՝ իրազեկում անցկացնելու նպատակով: Ռոմանագերմանական բանասիրության ֆակուլտետի մոտ նրանց դիմավորեց «Դեմ եմ անհիմն ռեստարտին» գրությամբ պաստառը ձեռքին մի երիտասարդ: Ասաց, որ ինքն Արմեն Խաչատրյանն է: Ավարտել է ԵՊՀ փիլիսոփայության ֆակուլտետի մագիստրատուրան: Նպատակ ունի նաեւ ասպիրանտուրա ընդունվել: Նա հայտարարեց, որ եթե նախկինում խնդիրները բարձրաձայնվում էին այս կերպ, ապա դա կարելի էր հասկանալ: Այժմ, սակայն, ըստ հակաբողոքի ցույցի մասնակցի, կա ժողովրդի կառավարություն, ոստիկանություն ու ԱԱԾ, հետեւաբար, եթե առկա են չարաշահումներ, ապա պետք է դրանց վերաբերյալ լինեն իրավապահների գնահատականները՝ մարդկանց անվանարկելուց առաջ: ԵՊՀ-ում ստացվող կրթության որակից Արմեն Խաչատրյանը նույնպես դժգոհ է, բայց կարծում է՝ ոչ ոք չի կարող երաշխավորել, որ Արամ Սիմոնյանի հեռանալով իրավիճակը շտկվելու է:

Հետո երիտասարդը շրջեց բողոքի ցույցի մասնակիցների հետ: Նա եւ «Արամ, ամեն ինչ չես կարա», «Մերժիր Սերժի ռեժիմին» գրությամբ պաստառները պարզած ուսանողները հաշտ ու խաղաղ գոյակցում էին: Հետո էլ միասին գնացին ԵՊՀ ռեկտոր Արամ Սիմոնյանի հետ հանդիպման: Ռեկտորը հայտարարեց, որ ուսանողների պահանջներն իրավաչափ չեն: Նշեց, որ իր հրաժարականը կարող է լինել երկու դեպքում՝ եթե համապատասխան դիմում գրի կամ եթե այդպիսի որոշում կայացնի հոգաբարձուների խորհուրդը, որն էլ ընտրել է ռեկտորին:

Հոգաբարձուների խորհրդի լուծարման վերաբերյալ պահանջի մասին խոսելով՝ Արամ Սիմոնյանը նկատեց, որ դրա հասցեատերը կառավարությունն է: Ի դեպ, այդ խորհրդի կազմում, Սերժ Սարգսյանի գլխավորությամբ, ընդգրկված են մարդիկ, որոնք հեռացել են իշխանությունից եւ նախկին պաշտոններն այլեւս չեն զբաղեցնում:

Ուսանողների երրորդ պահանջը, այն է՝ ֆինանսական աուդիտ, ըստ Արամ Սիմոնյանի, կարգավորվում է աուդիտի մասին օրենքով: Սիմոնյանը հայտարարեց, որ դա կատարվում է յուրաքանչյուր ֆինանսական տարվա ավարտին՝ հոգաբարձուների խորհրդի որոշմամբ: Ինչ վերաբերում է ուսանողական խորհրդի եւ արհմիության գործունեությունը կասեցնելու մասին պահանջին, ռեկտորն ընդգծեց, որ դրանք ինքնուրույն եւ ինքնակառավարվող մարմիններ են, ուստի ինքն այդ առումով անելիք չունի:

Ուսանողները ռեկտորին ուղղեցին իրենց մտահոգող բազմաթիվ հարցեր՝ բուհի տարածքում նախորդ ցույցերի ժամանակ ոստիկանական հետապնդումների ենթարկվելուց մինչեւ կենցաղային խնդիրներին վերաբերող: Ռեկտորի պատասխաններից նրանք գոհ չմնացին ու շարունակեցին պնդել պաշտոնից հեռանալու պահանջը՝ նաեւ պաշարելով նրա աշխատասենյակը: Այդ ընթացքում վատացել է Արամ Սիմոնյանի ինքնազգացողությունը, շտապ օգնություն է հրավիրվել: Արամ Սիմոնյանը վստահ է, որ ենթարկվում է քաղաքական հետապնդումների: Նա հայտարարել է, որ հրաժարականի շուրջ կմտածի, եթե այդ պահանջով հանդես գան բուհի 18 հազար ուսանողից գոնե երկու-երեք հազարը: Բողոքի ցույցի մի խումբ մասնակիցներ վճռել են գիշերել ԵՊՀ գիտխորհրդի նիստերի դահլիճում, որտեղ ցերեկը հանդիպում էին ունեցել ռեկտոր Արամ Սիմոնյանի հետ:

Տպել
5256 դիտում

ՀՀ տարածքում կան փակ և դժվարանցանելի ավտոճանապարհներ, Լարսը բաց է

Վարչապետի և արտախորհրդարանական քաղաքական ուժերի ղեկավարների մասնակցությամբ նիստ է տեղի ունեցել (լուսանկարներ, տեսանյութ)

Անավարտ թռիչք. Գյումրու N զորամասում հուշակոթող է բացվել՝ ի հիշատակ զոհված օդաչուների (լուսանկարներ)

Հակահամաճարակային կանոնները խախտվել են Ավան և Նոր Նորք վարչական շրջանների հանրային տրանսպորտում

«Ալիբեկ» սարի գագաթին ավտոմեքենան արգելափակվել է ձյան մեջ

Կալանավորվել է ոստիկանության ՊՊԳՎ նախկին պետ Վարդան Մինասյանը

Զագրեբում քննարկվել է հայ-խորվաթական երկկողմ օրակարգին վերաբերող հարցերի լայն շրջանակ (լուսանկարներ)

Հայտնի է Ճարտարի բնակչին սպանած ադրբեջանցու ինքնությունը. խաղաղապահները բանակցում են դին արցախյան կողմին հանձնելու շուրջ

Արմավիրի մարզի Բաղրամյան համայնքում «Արմաթ» ինժեներական լաբորատորիա է բացվել

2 դեղաչափով պատվաստված անձինք 6 ամիս անց կարող են ստանալ բուստեր՝ խթանիչ դեղաչափ. ՀՎԿԱԿ

Հալեպի նահանգապետը պատրաստակամություն է հայտնել օժանդակել Հալեպի հայկական եկեղեցիներին, դպրոցներին և հայ համայնքին

ԱԳՆ-ն վերահաստատել է ՀՀ աջակցությունը՝ ԵԱՀԿ մամուլի ազատության հարցերով ներկայացուցչի կողմից նախաձեռնված ծրագրերին

Մայր Աթոռ Սուրբ Էջմիածնում նշվել է հայոց առաջին լուսավորիչների տոնը (լուսանկարներ)

Ողբերգական դեպք Վանաձորում. ննջասենյակում հայտնաբերվել է տան տիրոջ կիսաայրված դին (լուսանկարներ)

Լեռնային և նախալեռնային գոտիներում ճանապարհները կպատվեն մերկասառույցով

Օտարերկրացի տղամարդուն ծեծել են, հափշտակել բջջային հեռախոսը, գումարն ու արծաթե վզնոցը

Իրականացվել է մարտական հերթապահության հերթափոխ, ստուգվել է զինծառայողներին կցագրված զենք-զինամթերքը

Դեկտեմբերի 5-ի ՏԻՄ ընտրություններով Հայաստանը կավարտի վարչատարածքային ամենամեծ բարեփոխումը (տեսանյութ)

Մուշի ոստիկանները ապօրինի պահվող զենք են հայտնաբերել

Երկրաշարժ է գրանցվել Բավրա գյուղից 18 կմ հյուսիս-արևելք. ցնցումները զգացվել են Լոռիում

Հատուկ նշանակության ստորաբաժանման զինծառայողների հետ կրակային պատրաստության պարապմունք է անցկացվել

Քննարկվել են բարձր տեխնոլոգիաների ոլորտում Բելառուսի հետ համագործակցության ընդլայնման մի շարք հնարավորություններ

Արցախում կորոնավիրուսի 54 նոր դեպք է գրանցվել, ծայրահեղ ծանր վիճակում է 18 հիվանդ

Զովունի գյուղից դեպի Կորեայի ձոր տանող ավտոճանապարհը ժամանակավորապես փակ է

Արաբկիրում Սոսե և Վաղարշյան փողոցների մայթերը հիմնովին բարեկարգվել են, գործընթացը շարունակական է. Դանիելյան

Գրանցվել է կորոնավիրուսի 419 նոր դեպք և 25 մահ, փաստացի բուժում է ստանում 10834 պացիենտ

7 ժամով կդադարեցվի Սյունիքի մարզի Սիսիան քաղաքի 2 փողոցի գազամատակարարումը

Ստոկհոլմում Հայաստանի ու Ադրբեջանի ԱԳ նախարարների հանդիպում տեղի չի ունեցել. ԱԳՆ խոսնակ

Մինչև 6 ժամ լույս չի լինի Երևանի տարբեր հասցեներում և 4 մարզի որոշ համայնքներում

ՀՀ տարածքում կան փակ և դժվարանցանելի ավտոճանապարհներ

Ալավերդի-Այրում ավտոճանապարհին մեքենան ձորն է ընկել. կա զոհ

Աճառյան 1-ին փակուղու խաչմերուկում Աճառյան փողոցի տրանսպորտային լուսացույցները կտեղակայվեն երթևեկելի մասի վերևում

Ոսկեվազ համայնքում գազի ներքին ցանց է կառուցվում

Հայաստանի եւ Ղազախստանի ԱԳ նախարարները մտքեր են փոխանակել միջազգային ու տարածաշրջանային անվտանգային հարցերի շուրջ

205 համարի երթուղայինը վթարի է ենթարկվել․ 2 ուղեւոր տեղափոխվել է «Աստղիկ» բժշկական կենտրոն

Բասկետբոլի Ա լիգա․ «Էրեբունին» ընդհատեց «Ուրարտուի» անպարտելիության շարքը

Արարատ Միրզոյանը հանդիպել է ԵԱՀԿ Մինսկի խմբի համանախագահների հետ

Պուտինը Էրդողանին տեղեկացրել է Փաշինյանի և Ալիևի հետ եռակողմ հանդիպման արդյունքների մասին

ԱԳՆ-ն խստորեն դատապարտում է Ադրբեջանի կողմից միջազգային ՄԻ խախտմամբ իրականացված քաղաքացիական անձի սպանությունը

Կրթության առանձնահատուկ պայմանների կարիք ունեցող երեխաների նախադպրոցական կրթությունը կապահովի պետությունը. Անդրեասյան