Աղջիկս առաջինն ինձ նվեր արեց. Լուիզա Ղամբարյանը՝ մանկության հուշերի ու հունիսի 1-ի մասին  

Երեխաների իրավունքների պաշտպանության միջազգային օրը դերասանուհի Լուիզա Ղամբարյանի դուստրը հասցրել է առաջինը նվեր մատուցել մայրիկին: Գաբրիելան, որն ամսվա վերջին 13 տարեկան կդառնա, ընկերուհու հետ իր ու նրա մայրիկի համար խմորեղեններ է պատվիրել: «Հայկական ժամանակ»-ի հետ զրույցում դերասանուհին պատմեց՝ ինչպես է աղջիկն այսօր՝ հունիսի 1-ի առավոտյան, հյուրասիրել իրենց:

«Այս տարի առաջին անգամ իմ աղջիկն ինձ նվեր արեց առաջինը: Սովորաբար ես եմ նրան նվիրում, իսկ նա այս տարի, երեւի, այնքան մեծ բալիկ է դարձել, որ որոշել է իր տոնին ինքն ինձ շնորհակալություն հայտնել: Ընկերուհու հետ շատ գեղեցիկ, փոքրիկ խմորեղեններ էին պատվիրել, որոնց վրա գրված էին իմ անունը, իր անունը: Առավոտ շուտ իջավ շենքի բակ, իր պատվերը վերցրեց, բերեց, շնորհավորեց, եւ մենք ընկերուհուս հետ առավոտյան սուրճի սեղանի շուրջ նշեցինք: Հետո ես նրան իմ նվերը տվեցի եւ խնդրեցի իր եւ աշխարհի մյուս բալաների համար, որ Աստված նրանց պաշտպանի ոչ միայն հունիսի 1-ին: Եվ տա Աստված, որ երեխաներն այնքան պաշտպանված լինեն, որ միայն հունիսի 1-ով դա չարձանագրենք, այլ կյանքի բոլոր օրերին նրանք պաշտպանված զգան: Երեկոյան էլ շարունակելու ենք նշել. միասին մի տեղ կգնանք, կզբոսնենք, կխաղանք»,- ասաց դերասանուհին:

Լուիզա Ղամբարյանը կիսվեց նաեւ իր մանկական հուշերով: Ընդգծում է, որ հրաշալի մանկություն է ունեցել, հիանալի ընտանիք, որտեղ իշխել է սերն ու հարգանքը, ծնողներ, որոնց ջանքերով ինքը, քույրը եւ եղբայրը կայացած մարդիկ են դարձել: Բազմաթիվ գեղեցիկ պահեր է ապրել մանուկ հասակում ու բոլորն էլ պարզ հիշում է՝ հատկապես հունիսիմեկերը:

«Կարող է՝ չհիշեմ ինձ հետ 1 ամիս առաջ տեղի ունեցած ինչ-որ դեպք, բայց մանկությանս ցանկացած էպիզոդ շատ հստակ աչքիս առաջ է: Մշտապես հիշում եմ հատկապես հունիսիմեկերը՝ հենց հունիսիմեկերը, երբ մայրս պարտադիր ինչ-որ խմորեղեն կամ անուշեղեն էր պատրաստում, այդ հոտն եմ հիշում: Մենք՝ բոլորս, ճամբար-ճամբար էինք խաղում: Ի տարբերություն այսօրվա՝ նախկինում շատ էին բակային խաղերը եւ կենդանի շփումները: Ամեն մեկս մեր տանը պատրաստած ինչ-որ բան իջեցնում էինք բակ եւ մեծ «փարթի» էինք անում, այդ ամենը վայելում էինք, հետո տեղի էր ունենում համերգային մասը: Ակտիվիստներից մեկը, բնականաբար ես էի: Երգում էինք, պարում էին, ինչ-որ ստեղծագործություններ էինք ներկայացնում գրական, պոեզիայի, հումորային... Բակում տաղավար ունեինք, մեր ծնողները բոլորը գալիս նայում էին»,- պատմում է նա:

Փոքր ժամանակ Լուիզա Ղամբարյանի հայրն իրեն, քրոջն ու եղբորը խորհուրդ է տվել լինել երջանիկ՝ անկախ նրանից, թե կյանքի տարբեր ոլորտներում ինչ որոշումներ կկայացնեն: Միաժամանակ նա նրանց հորդորել է նպատակներն իրականացնելու ճանապարհին երբեք ուրիշների չվնասել: Հիմա դերասանուհին նույն սկզբունքը փորձում է դաստիարակել իր դստեր մեջ:

«Հիշում եմ, որ հայրս ասում էր, որ առաջին հերթին պետք է խոստանաք դառնալ երջանիկ (ինչը հիմա ես իմ աղջկան եմ ասում), որ դա ամենակարեւորն է, որ անկախ մասնագիտական եւ անձնական ընտրությունից՝ մշտապես պետք է կարողանք լինել երջանիկ, եւ հետո իհարկե պատվախնդրություն էր մեզ խորհուրդ տալիս. լինել ընկերասեր, պատվախնդիր, մադրասեր: Դրանք խորհուրդներն էին, որոնք իսկապես անջնջելի հետք են թողել: Երազանքներն էլ կամաց-կամաց կատարվում են»,- ասաց նա:

Դերասանուհին ընդգծում է, որ հայ ծնողները մեծ նշանակություն են տալիս իրենց երեխաների կրթությանը: Կարեւոր է համարում, որ նրանք շարունակեն առաջնահերթություն համարել դա: Իսկ մնացածը վստահ է, որ Աստված իր տեղը կգցի, ու երեխաները երջանիկ կլինեն:

Տպել
4901 դիտում

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա

Արտակարգ դեպք Արմավիրի մարզում. գիշերը փորձել են թալանել Արմավիրի մարզպետարանը

Փակ են Արագածոտնի մարզի 11 համայնքների միջհամայնքային ճանապարհներ, այլ ճանապարհների առկա է մերկասառույց

Հայաստանի 24 համայնքներում այսօր ՏԻՄ ընտրություններ են անցկացվում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում