Կառավարության ծրագրի նախագիծը. ի՞նչ փոփոխություններ կլինեն արտաքին քաղաքականությունում

ՀՀ կառավարությունը հունիսի 1-ին կայացած նիստում հավանություն տվեց կառավարության ծրագրին եւ ուղարկեց այն Ազգային Ժողով: Ծրագրի համաձայն՝ կառավարության գործունեության հիմնական նպատակը «2018 թվականի ապրիլ-մայիս ամիսներին Հայաստանում տեղի ունեցած ոչ բռնի, թավշյա, ժողովրդական հեղափոխության արժեքների ամրագրումն է՝ որպես հանրային եւ ազգային հարաբերությունների հիմք եւ հեղափոխության գաղափարների իրագործումը` որպես մշտական քաղաքական իրողություն»: Կառավարության առաջնահերթությունների թվում է արտահերթ խորհրդարանական ընտրությունների առավելագույնը մեկ տարվա ընթացքում անցկացումը:

Այդպիսով, ծրագիրը առավելագույնն առաջիկա մեկ տարվա համար է: Այդ սեղմ ժամկետների համար կառավարությունն իր վրա բավական ծանր բեռ է վերցրել՝ ապահովել կոռուպցիայի հանրային մերժումը եւ կոռուպցիայից զերծ հանրությունը, քաղաքականության եւ բիզնեսի գործնական տարանջատումը, արհեստական տնտեսական մենաշնորհների բացառումը, տնտեսական գործունեությամբ զբաղվելու իրական հնարավորությունը, տնտեսության ներառական աճի ապահովումը, աշխատատեղերի ստեղծումը, աղքատության հաղթահարումը եւ այլն:

Սակայն, բացի սոցիալ-տնտեսական բաղադրիչից ծրագրի մեջ, բնականաբար, առկա են նաեւ այլ ոլորտներին վերաբերող հարցեր: Նախորդ կառավարության 5-ամյա ծրագրում ներկայացված արտաքին քաղաքականության առաջնահերթություններ են ներառվել նաեւ ներկայիս կառավարության ծրագրի նախագծում: Այդուհանդերձ կան նաեւ տարբերություններ:

Նախորդ ծրագրում իրականացվելիք արտաքին քաղաքականության հայտարարված ուղենիշներից բացակայում էին Հայաստանի Հանրապետության միջազգային հեղինակության բարձրացումը, բոլոր պետությունների հետ փոխշահավետ հարաբերությունների հաստատումը, նոր շուկաների ձեռքբերումն ու դեպի Հայաստան եւ Արցախ ներդրումային ծրագրերին նախաձեռնումը:

«Արտաքին քաղաքականություն իրականացնելիս կառավարությունն առաջնորդվելու է Հայաստանի Հանրապետության եւ հայ ժողովրդի հավաքական շահերով»,- նշված է կառավարության ծրագրի նախագծում։

Տարբերություններով հանդերձ՝ Հայաստանի արտաքին մարտահրավերների նկատմամբ նախկին եւ ներկա իշխանությունների վերաբերմունքը գրեթե նույնն է: Երկուսն էլ Արցախի միջազգային իրավունքի հիմնարար սկզբունքների, մասնավորապես` ժողովուրդների ինքնորոշման իրավունքի վրա հիմնված բացառապես խաղաղ կարգավորման ջատագով են։ Նոր ծրագրի նախագծով այս հարցում կա հավելում առ այն, որ «բանակցությունների արդյունավետության բարձրացման նպատակով էական նշանակություն ունի խաղաղության հաստատման համար համապատասխան մթնոլորտի առկայությունը եւ կողմերի ագրեսիվ հռետորաբանության բացակայությունը»։

Նոր կառավարության ծրագրի նախագծում նշվում է նաեւ, որ Արցախը որպես հակամարտության կողմ պետք է որոշիչ ձայն եւ ներգրավվածություն ունենա իրական եւ տեւական խաղաղ հանգուցալուծման գործընթացում:

Հայաստանի արտաքին քաղաքականության կարեւորագույն հարցերից մյուսի՝ Հայոց ցեղասպանության միջազգային ճանաչման եւ դատապարտման գործընթացը շարունակվելու է նաեւ նոր ծրագրով:

ԵԱՏՄ-ի հարցում նկատվում է որոշակի փոփոխություն. եթե նախորդ իշխանությունները շեշտը դնում էին միության շրջանակներում համագործակցության ակտիվ մասնակցությանը, ապա նոր ծրագրով նախատեսվում է Հայաստանի անդամակցությունը ԵԱՏՄ-ին եւ ՀԱՊԿ-ին առավել արդյունավետ դարձնել:

Ռուսաստանի Դաշնության հետ ռազմավարական-դաշնակցային հարաբերությունների զարգացումը նոր ծրագրի նախագծով շարունակում է մնալ կառավարության «գլխավոր առաջնահերթությունների թվում»։ Միաժամանակ նոր ծրագրի նախագծում նշվում է, որ «Հայաստան-Ռուսաստան հարաբերությունները պետք է հիմնված լինեն բարեկամության, իրավահավասարության, հարցերը համատեղ ջանքերով լուծելու պատրաստակամության վրա»: Այլ կերպ ասած «հովանավոր - հաճախորդ» հարաբերությունները վերանալու են։

ԵՄ-ի հետ համագործակցությունը նոր ծրագրի նախագծով համալրվել է ՀՀ քաղաքացիների համար ԵՄ մուտքի արտոնագրերի ազատականացման շուրջ երկխոսություն սկսելու մտայնությամբ։

Հարեւան Իրանի եւ Վրաստանի առանձնահատուկ հարաբերությունների զարգացումը, համաձայն նոր ծրագրի նախագծի պետք է հնարավորինս զերծ լինի այլ աշխարհաքաղաքական ազդեցություններից։

Նոր կառավարության ծրագրի նախագծով եւս հատուկ ուշադրություն է դարձվում աշխարհասփյուռ հայությանը: Սակայն, եթե նախորդ կառավարության գործունեությունը ուղղված էր լինելու «սփյուռքի ներուժի թիրախային օգտագործման, ինքնակազմակերպման եւ ազգային ինքնության պահպանման հարցերում աջակցությանը եւ Հայաստանում սփյուռքահայերի ինտեգրմանը», ապա նոր ծրագրով նախատեսվում է «հայության մարդկային, ֆինանսական, տնտեսական, մտավոր ներուժը կամ նրա զգալի մասը կենտրոնացնել Հայաստանի Հանրապետության տարածքում»։

Ըստ նոր կառավարության «մեծ հայրենադարձության հարուցումը» հնարավորություն կտա լուծել Հայաստանի առջեւ ծառացած ժողովրդագրական, ազգային անվտանգության խնդիրներ եւ «ճշգրտել ՀՀ գործնական դերակատարումը»։

Այս ամենը ներառված է կառավարության ծրագրի նախագծում, որը դեռ պետք է արժանանա խորհրդարանի հավանությանը: Հաշվի առնելով Ազգային Ժողովում առկա ընդդիմադիր մեծամասնությունը, միանգամայն բնական է, որ քննարկումների ընթացքում ծրագրում կլինեն որոշակի փոփոխություններ եւ ճշգրտումներ: Հասկանալի է նաեւ, որ հայտարարված նպատակներից շատերը չափից դուրս ծավալուն են առաջիկա մեկ տարվա ընթացքում դրանց հասնելու համար: Սակայն, եթե այդ ընթացքում հաջողվի գոնե անբեկանելի միտում ձեւավորել դրանց ուղղությամբ՝ դա արդեն իսկ կարելի է առաջընթաց համարել:

Տպել
5833 դիտում

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր