Եգիպտոսի դարպասապահը կդառնա ֆուտբոլի աշխարհի առաջնությունների ամենատարեց ֆուտբոլիստը

Եգիպտոսի հավաքականի դարպասապահ Էսամ Էլ-Հադարին կարող է դառնալ ֆուտբոլի աշխարհի առաջնություններին մասնակցած ամենատարեց ֆուտբոլիստը: Հունիսի 14-ից հուլիսի 15-ը Ռուսաստանում կայանալիք մրցաշարում նա 45 տարեկան կլինի: Այդպիսով նա կգերազանցի Կոլումբիայի հավաքականի դարպասապահ Ֆարիդ Մոնդրագոնի ռեկորդը, որը 2014 թ. Բրազիլիայում կայացած աշխարհի առաջնությանը մասնակցեց 43 տարեկանում:

Բացի այս փաստից՝ A խմբում, որտեղ ընդգրկված է նաեւ ԱԱ հյուրընկալող երկիրը՝ Ռուսաստանը, հավաքականների վերաբերյալ կարելի է առանձնացնել եւս մի քանի հետաքրքիր տվյալներ: Սաուդիան Արաբիան կդառնա ասիական առաջին երկիրը, որը կմասնակցի աշխարհի առաջնության բացման խաղին: Հունիսի 14-ին խմբային փուլի առաջին տուրի շրջանակներում ուժերը կչափի Ռուսաստանի հետ:

Եգիպտոսի համար էլ սա կլինի աշխարհի առաջին առաջնությունը 1990 թվականից հետո: Ստացվում է, որ թիմի առաջատար Մոհամեդ Սալահը, որը հունիսի 15-ին 26 տարեկան կդառնա, նույնիսկ ծնված չի եղել, երբ իր երկրի ընտրանին վերջին անգամ մասնակցել է մրցաշարին: Ինքը՝ Սալահը, այս շրջանում ապաքինվում է: Ուսի վնասվածք էր ստացել Չեմպիոնների լիգայի 2017-18 մրցաշրջանի եզրափակչի «Ռեալի» դեմ խաղում, որում իր «Լիվերպուլը» պարտվեց: Դեռ չի ապաքինվել, սակայն ընդգրկվել է Եգիպտոսի հավաքականի վերջնական հայտացուցակում:

Այս խմբում է նաեւ աշխարհի առաջնությունների կրկնակի չեմպիոն Ուրուգվայի ընտրանին: «Լա Սելեստեն» հաղթել է աշխարհի առաջին առաջնությունում՝ 1930 թ., եւ 1950 թ.:

Ռուսաստան

Գլխավոր մարզիչ՝ Ստանիսլավ Չերչեսով

ԽՍՀՄ եւ Ռուսաստանի հավաքականի նախկին դարպասապահ է: Ազգային ընտրանու ղեկն ստանձնել է 2016 թ.:

Թիմի աստղը՝ դարպասապահ Իգոր Ակինֆեեւ

Թիմի ավագն է: Ավելի քան 100 անգամ կրել է հավաքականի մարզաշապիկը:

Սաուդյան Արաբիա

Գլխավոր մարզիչը՝ Խուան Անտոնիո Պիցի

Ընտրանու գլխավոր մարզիչ է նշանակվել 2017 թ.: Մինչեւ այդ Չիլիին հաղթանակի է առաջնորդել Հարավային Ամերիկայի ֆուտբոլային միության հիմնադրման եւ այս մայրցամաքի առաջին առաջնության 100-ամյակին նվիրված մրցաշարում՝ «Copa America Centenario»-ում, սակայն չի կարողացել թիմին դուրս բերել աշխարհի 2018 թ. առաջնության եզրափակիչ փուլ:

Թիմի աստղը՝ հարձակվող Մոհամեդ Ալ-Սահլավի

31-ամյա ֆուտբոլիստը 16 գոլ է խփել աշխարհի առաջնության որակավորման փուլում: Թիմի իսկական առաջատարն է:

Եգիպտոս

Գլխավոր մարզիչ՝ Էկտոր Կուպեր

Արգենտինացի մասնագետը թիմը գլխավորել է 2015-ի մարտին: Նա թիմին օգնել է 28 տարի դադարից հետո կրկին հայտվել ԱԱ եզրափակիչ փուլում:

Թիմի աստղը՝ հարձակվող Մոհամեդ Սալահ

Անգլիական «Լիվերպուլի» եւ Եգիպտոսի առաջատարն է: Համաշխարհային մարզական պարբերականներում կա կարծիք, որ բրազիլացի Նեյմարի հետ մեկտեղ նաեւ Սալահը կարող է ձեռնոց նետել այս պահին աշխարհի լավագույն ֆուտբոլիստներ արգենտինացի Լիոնել Մեսսիին եւ պորտուգալացի Կրիշտիանու Ռոնալդուին:

Ուրուգվայ

Գլխավոր մարզիչ՝ Օսկար Տաբարես

Ընտրանին գլխավորել է նաեւ աշխահի 1990, 2010 եւ 2014 թթ. առաջնություններում:

Թիմի աստղը՝ Լուիս Սուարես

Հավաքականի բոլոր ժամանակների լավագույն ռմբարկուն է, ըստ ՖԻՖԱ-ի: Աշխարհի 2010 թ. առաջնությունում նա դարձավ թիմի հերոսը: Քառորդ եզրափակչի Գանայի դեմ խաղում՝ 1:1 հաշվի ժամանակ դարպասային գծից ձեռքերով դուրս բերեց գնդակը: Ինքը հեռացվեց, Գանայի հավաքականը 11-մետրանոցի հնարավորություն ստացավ, սակայն Ասամոա Գյանը վրիպեց: Խաղը հասավ 11-մետրանոցներին, որում ավելի դիպուկ էին ուորւգվայցիները:

2014 թ. Բրազիլիայում Սուարեսն արդեն հակահերոս դարձավ: Խմբային փուլի Իտալիայի դեմ խաղում նա կծեց մրցակցի պաշտպան Ջորջիո Կյելինիին: Հետագայում ծանր իրավիճակի մեջ դրեց իր հավաքականին, քանի որ խիստ պատժի արժանացավ ՖԻՖԱ-ի կողմից: 4 ամիս զրկվեց ֆուտբոլային գործունեություն ծավալելու իրավունքից, նույնիսկ մարզադաշտեր այցելելը նրան արգելված էր: Հավաքականի մակարդակով էլ որակազրկվեց 9 խաղով:

Տպել
1714 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը