Արմավիրի մարզպետը հրաժարական է ներկայացրել

06/06/2018 schedule14:40

Արմավիրի մարզպետ Աշոտ Ղահրամանյանը հայտարարել է, որ քաղաքական իրավիճակի փոփոխությամբ պայմանավորված դադարեցնում է ՀՀ Արմավիրի մարզպետի լիազորությունների կատարումը:

«Արմավիրի մարզի սիրելի բնակիչներ, հարգարժան գործընկերներ,
Երկրում քաղաքական իրավիճակի փոփոխությամբ պայմանավորված` այսօրվանից ես դադարեցնում եմ ՀՀ Արմավիրի մարզպետի լիազորությունների կատարումը:

Բազմաթիվ առիթներով ասել եմ, որ Արմավիրի մարզպետ նշանակվելն ընկալել եմ վերադարձ դեպի տուն, իմ ծննդավայր, որտեղ մարդիկ ինձ միշտ շատ հարազատ են եղել, խնդիրները` ծանոթ, անելիքները` հստակ, իսկ ապագան` լուսավոր ու տեսանելի:

Առաջնորդվելով այս հիմնարար մոտեցումներով` պաշտոնավարմանս տասնմեկ ու կես տարիների ընթացքում իմ գործընկերների հետ միասին աշխատել ենք հանուն, այլ ոչ թե ընդդեմ գաղափարախոսությամբ: Վստահեցնում եմ, որ արել ենք առավելագույնը` համակողմանի զարգացած եւ գործուն ենթակառուցվածքներով մարզային տնտեսություն ունենալու համար: Մարզի զարգացմանը, բնակչության կենսամակարդակի բարելավմանը միտված մեր ծրագրերը կյանքի են կոչվել ոչ միայն պետական բյուջեի միջոցների, այլեւ առանձին անհատների, բարերարների, հայաստանյան եւ միջազգային կազմակերպությունների ֆինանսական աջակցությամբ:

Այսօր մեկ անգամ եւս իմ խորին շնորհակալությունն ու երախտագիտությունն եմ հայտնում բոլորին` մեր մոտեցումները կիսելու, մեզ վստահելու եւ գործուն աջակցության համար:

Ներողություն եմ խնդրում նաեւ չարվածի, այն գործերի համար, որոնց իրականացումն իմ ուժերից վեր է եղել...: Սակայն լիահույս եմ, որ դրանք էլ ժամանակի ընթացքում կյանքի կկոչվեն, եւ հավատացած եղեք` առաջին ուրախացողը հենց ես կլինեմ:

Եվս մեկ անգամ իմ շնորհակալությունն եմ ուզում հայտնել իմ գործընկերներին եւ վստահեցնել, որ մեր երկարամյա գործունեության հաջողության գրավականը եղել է միասնական, թիմային աշխատանքը եւ համախմբվածությունն ընդհանուր գաղափարների շուրջ:

Ամենայն բարիք եւ արեւշատություն եմ ցանկանում Արմավիրի մարզի յուրաքանչյուր բնակչին, բազում հաջողություններ ու ձեռքբերումներ` նոր մարզպետին:
Լավ եղեք»,- ասված է Ղահրամանյանի խոսքում:

Տպել
1462 դիտում

Կոտայքի մարզպետը դատախազություն է դիմել. Աբովյանի համայնքային սեփականության հողերի աճուրդը խախտումներով է եղել

«Հայինկասացիա»-ի պահոցից $20,000 գումար են հափշտակել. հարուցվել է քրգործ

Սկսվում է Եվրո 2020-ի ընտրական փուլը. Հայաստանի համար հույս կա՞

«Լիդիանը» դեմ է Ամուլսարի ոսկու հանքի ազդեցության 3-րդ աուդիտին

Մուրազին հեռախոսազրույցներ է ունեցել Օսիպյանի հետ եւ թախանձագին խնդրել դրա մասին չհայտարարել. ոստիկանություն

Մաթեւոսյանը Լենուղի համայնքի վթարային շենքի բնակիչներին նոր շենքային պայմաններ է առաջարկել, սակայն նրանք հրաժարվել են

Արտաքին քաղաքականության, տնտեսական բարեփոխումներ. Արարատ Միրզոյանի այցը Գերմանիա շարունակվում է

Դեբեդ գետում երեխայի դի է հայտնաբերվել

«Ընդունվել է պատմական որոշում». Ղազախստանի մայրաքաղաքն անվանակոչվել է ի պատիվ Նուրսուլթան Նազարբաեւի

Հայաստանը երջանիկ երկրների ցանկում 13 կետով բարելավել է դիրքերը

2018-ին հրադադարի պահպանման ռեժիմի խախտման դեպքերը նվազել են 28.57 տոկոսով, իսկ կրակոցների քանակը՝ 46.11 տոկոսով

Վթարային շենքը փլուզման եզրին է

10 անշարժ գույք եւ 40 միլիոն դրամ. Հերմինե Նաղդալյանի ունեցվածքը

Ավերածություններ Գյումրու Մուշ 2-ում. Սամվել Բալասանանը չի արձագանքել համատիրության կանչին

Շուտով մենք բոլոր տեղերում կունենանք մեկական փոխմարզպետ. նախարար

Ucom-ում «Հաճախորդի միջազգային օրը» 4 օր շարունակ է նշվելու

Գնման գործընթացներում առկա բացերը խանգարում են մեր աշխատանքին. Վանաձորի քաղաքապետ

«Վարկս Էյ Էմ»-ը ֆինանսավորել է տասնյակ նախագծեր, այդ թվում` սահմանամերձ Մովսես գյուղում (տեսանյութ)

Դմիտրի Մեդվեդևը ապրիլի 30-ին կայցելի Հայաստան. ՀՀ եւ ՌԴ վարչապետները հեռախոսազրույց են ունեցել

ՀԱՊԿ-ի գլխավոր քարտուղարի պաշտոնում Բելառուսի թեկնածուի հաստատման փաստաթղթերն ուղարկված են. պաշտոնական