Ուշագրավ մանրամասներ Նոր Խարբերդի համայնքապետարանի գնումներից. պարտադրաբար թերթեր են գնել

ՀՀ ֆինանսների նախարարության գնումների համակարգի 2018 թվականին կատարված եւ նախատեսվող գնումների պլաններում բավական ուշագրավ թվեր կան: Մասնավորապես, Արարատի մարզի Նոր Խարբերդ համայնքի գնումները «փոքր-ինչ» տարօրինակ էին թվում:

Նոր Խարբերդի տարօրինակ գնումների ցանկից մի քանիսը ստորեւ.

Պարգեւատրում- 400 հազար դրամ

Թերթերի բաժանորդագրություն- 400 հազար դրամ

Ֆլեշ հիշողություն- 4 GB, հատը 2300 դրամ, քանակությունը՝ 10 հատ, ընդհանուր՝ 23 հազար դրամ

Ֆլեշ հիշողություն- 2GB, հատը 2000 դրամ, ընդհանուր քանակը 5 հատ, ընդհանուր՝ 10 հազար դրամ

Համակարգչի աթոռ- 900 հազար դրամ

Սեղան, գրասեղան- 450 հազար դրամ

Երբ Նոր Խարբերդի համայնքապետ Կամո Կակոյանից փորձեցինք պարզել, թե ի՞նչ թվեր են սրանք, նա զարմացավ: Կակոյանը նշեց, որ երբեւէ իր պաշտոնավարման ընթացքում նմանատիպ գնումներ չեն կատարել: Հարցին՝ իսկ եթե չեն կատարել, սրանք ի՞նչ թվեր են, Կակոյանը համայնքապետարանի հաշվապահի հետ կապ հաստատելուց հետո նշեց, որ նախկին գնումների պլանի վրա ամեն տարի որոշ բաներ են ավելացնում, ուղարկում, եւ դրանք իր պաշտոնավարման ժամանակ չեն ձեռք բերել:

Հարցին, թե թերթերի բաժանորդագրությունը նույնպե՞ս իր պաշտոնավարման ժամանակ չի եղել, Կակոյանը պատասխանեց, որ եղել են, բայց մոտ 40 հազար դրամի են դրանք: «Առաջ եղել են 100 հազարից ավելի, բայց կրճատել ենք, մեզ այդ թերթերը պետք էլ չեն, ուղղակի կարելի է ասել պարտադիր ցուցակի մեջ է ներառված»,- ասաց Նոր Խարբերդի համայնքապետը:

Քիչ հետո մեզ հետ կապ հաստատեց համայնքապետարանի հաշվապահը եւ նշեց, որ մեծ մասը հին տվյալներ են, եւ իրենց ասել են, որ հենց այնպես է դա գրված, պետք է թողնեն ցուցակում: Հարցին, թե նոր տվյալների մեջ հին տվյալնե՞ր են, հաշվապահը պատասխանեց. «Այո, հին տվյալներ են, ու ասել են՝ իրավունք չունենք մենք ջնջելու»: Հարցին՝ ո՞վ է նման բան ասել, հաշվապահը չկարողացավ պատասխանել՝ նշելով միայն, որ «այդպես են ասել»:

Մի քանի ճշտեղ հարցերից հետո համայնքապետարանի հաշվապահը, ի վերջո հայտարարեց, որ Հայփոստից են ասում: «Դուք ինքներդ էլ շատ լավ գիտեք, թե ինչպես է լինում: Մենք անընդհատ փորձում ենք ճիշտ կազմակերպել ծախսերը, բայց երբեմն նաեւ պարտադրում են, չէ՞: Բերում են, թե թերթ էլի ստացեք, ասում ենք, որ թերթը մեզ պետք չի»:

Թե ի՞նչ թերթերի է բաժանորդագրված համայնքապետարանը, հաշվապահը նշեց, որ անունները չգիտի, ինչ-որ օրաթերթեր են:

«Ամեն տարի 35 հազար ինչ-որ կազմակերպության ենք վճարում, փորձել եմ ամեն տարի ճշտել, թե դա ի՞նչ է, ինչի՞ համար ենք վճարում, ասել են՝ դե, օրենքն ենք ձեզ ասում: Օրենքը, փառք Աստծո, այսօր կա ինտերնետ, մենք մտնում ենք ՊԵԿ եւ ինչ պետք է՝ օրենքով տեղեկանում ենք, բայց երբեմն պարտադրում են», - ասաց հաշվապահը:

Տպել
1372 դիտում

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել

Բացահայտվել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ. ԱԱԾ (տեսանյութ)

Կողքից է տպավորություն, թե հեշտ էր. Գեւորգյանը՝ ՀՀ 2019 թ. կանանց շախմատի չեմպիոն դառնալու մասին

ԵԽԽՎ դիտորդական առաքելությունը բարձր է գնահատել Հայաստանի ազատ եւ արդար ընտրությունները. Ռուբինյան

Սոցիալական աջակցության ոլորտում ծավալով աննախադեպ կոռուպցիոն մեխանիզմի ամբողջական շրջանակն է բացահայտվել

Նիկոլ Փաշինյանը շնորհավորական ուղերձ է հղել Շվեդիայի վարչապետին՝ վերընտրվելու առթիվ

Նախորդ տարիներին եղել է շահագրգռող գին եւ գյուղացիներն իրացրել են, ինչն էլ ոգեւորություն է առաջացրել. փոխնախարար

«ԱԳԱ ֆուդ կորտ»-ի աշխատանքը դադարեցված է, սնունդի մեջ աղիքային ցուպիկի խմբի մանրէներ են եղել

Երեւանի համար նախատեսված 9-ը նոր ձնամաքրիչ մեքենաները տեղ են հասել (լուսանկարներ)

Նիկոլ Փաշինյանը շնորհավորական ուղերձ է հղել Շվեդիայի վարչապետին

Իրանում ՀՀ դեսպանը ներկայացրել է ԼՂ հիմնահարցի շուրջ վերջին զարգացումները

Եթե պատրաստ եք ձեր քայլը կատարել, եկե՛ք Հայաստան, հարստացե՛ք և հարստացրե՛ք. Փաշինյանը՝ շվեյցարացի գործարարներին

«Հինգերորդ ալիքը» կեղծում է Մարտի 1-ի պատմությունը. փաստերի ստուգում

Դատարանը բավարարել է Քոչարյանի հայցն ընդդեմ 1in.am-ի

Գյումրեցի կնոջ մահվան մեջ մեղադրվող ռուս զինծառայողին ՀՀ ՔԿՀ տեղափոխելու միջնորդությունն ամբողջությամբ մերժվել է

Ռոբերտ Քոչարյանի դեմ. դավադրություն հայկական ձեւով

Հանրաքվեից հետո. Քոչարյանը միջազգային տրիբունալի առջեւ