Եվրո 2016-ը ցնցած Իսլանդիան ԱԱ D խմբում կդիմակայի Մեսսիի Արգենտինային

Եվրո 2016-ի հայտնություն Իսլանդիայի ֆուտբոլի ազգային հավաքականն այժմ էլ պետք է փորձի հրաշք գործել աշխարհի 2018 թ. առաջնությունում: Հունիսի 14-ից հուլիսի 15-ը Ռուսաստանում կայանալիք մրցաշարի D խմբում պայքարելու է Արգենտինայի, Խորվաթիայի ու Նիգերիայի դեմ:  

Առաջին հայացքից իսլանդացիները շանսեր չունեն Արգենտինայի ու Խորվաթիայի հավաքականների առկայության պարագայում, սակայն նրանց չէին հավատում նաեւ Եվրոյի նախընտրական փուլում, իսկ նրանք ուղեգիր նվաճեցին: Շատերը մտածում էին, որ խմբայի փուլում հայտնվելը նրանց համար արդեն բավական է, բայց հաղթահարեցին նաեւ Եվրոյի այդ արգելքը:

Բոլորը սպասում էին, որ 1/8 եզրափակչում Անգլիան, վերջապես, իր տեղը ցույց կտա ֆուտբոլային գաճաճ պետությանը, բայց ֆուտբոլի հայրենիքը համարվող երկրի ընտրանուն էլ դա չհաջողվեց: Միայն քառորդ եզրափակչում նրանց ուժերը չբավարարեցին, ու զիջեցին կազմակերպիչ երկրին՝ Ֆրանսիային (5:2), բայց մինչեւ վերջ պայքարելով:

ԱԱ ուղեգիրն իսլանդացիները նվաճեցին ընտրական I խմբում գրավելով 1-ին տեղը: Ընդ որում՝ նրանք 2-րդ տեղում թողեցին նույն Խորվաթիայի, որն աշխարհի առաջնության D խմբում տեսականորեն Արգենտինայի հետ 2 ֆավորիտներից մեկն է, եւ որը նրանց զրկել էր ԱԱ 2014-ի ուղեգրից մրցաշարի որակավորման փլեյ-օֆ փուլում:

Իսլանդիա

Երբեք չի խաղացել աշխարհի առաջնություններում:

Գլխավոր մարզիչը՝ Հեյմիր Հելգրիմսոն

Նախկին ատամնաբույժ է: Լարս Լագերբակի հետ միասին որպես գլխավոր մարզիչ ազգային ընտրանուն առաջնորդել է մեծ հաջողությունների. Եվրո 2016-ի շրջանակներում նրանք հասան մինչեւ քառորդ եզրափակիչ:

Հելգրիմսոնը միայնակ թիմին իր պատմության մեջ առաջին անգամ դուրս է բերել աշխարհի առաջնություն: Իսլանդիա ամենաքիչ բնակչությամբ երկիրն է, որը երբեւիցե աշխարհի առաջնությունների եզրափակիչ փուլի ուղեգիր է նվաճել:

Թիմի աստղը՝ կիսապաշտպան Գիլֆի Սիգուրդսոն

Իսլանդիայի հավաքականի թալիսմանն է: Վերջին 5 տարիներին ճանաչվել է իր երկրի լավագույն ֆուտբոլիստ: Աշխարհի առաջնության որակավորման փուլում դարձել է 4 գոլի ու նույնքան գոլային փոխանցման հեղինակ:

Արգենտինա

Աշխարհի առաջնությանն առաջին անգամ մասնակցել է 1930-ին, վերջին անգամ՝ 2014-ին: 2 անգամ բարձրացրել է չեմպիոնական գավաթը՝ 1978-ին եւ 1986-ին:

Գլխավոր մարզիչը՝ Խորխե Սամպաոլի

Թիմը գլխավորել է 2017 թ.:

Թիմի աստղը՝ հարձակվող Լիոնել Մեսսի

Ընտրանու միակ առանցքային խաղացողը չէ, սակայն, շատերի կարծիքով, հենց նրանից է կախված «Լա ալբիսելեստեի» հաջողությունը: Պատմության լավագույն ֆուտբոլիստներից մեկը, «Ոսկե գնդակի» 5-ակի մրցանակակիրը դեռեւս ընտրանու կազմում խոշոր մրցաշարում չեմպիոն չի դարձել: Կատալոնական «Բարսելոնայի» առաջատարն Արգենտինայի հավաքականի բոլոր ժամանակների լավագույն ռմբարկուն է: Սա նրա համար աշխարհի 4-րդ առաջնությունն է:

Խորվաթիա

Առաջին անգամ աշխարհի առաջնությանը մասնակցել է 1998-ին, վերջին անգամ՝ 2014-ին: Լավագույն արդյունքը 3-րդ տեղն է: Այդ ցուցանիշը գրանցել է 1998-ին:

Գլխավոր մարզիչը՝ Զլատկո Դալիչ

Հավաքականը գլխավորել է 2017 թ.:

Թիմի աստղը՝ կիսապաշտպան Լուկա Մոդրիչ

Համարվում է աշխարհի լավագույն կիսապաշտպանների մեկը: Առանցքային դեր ունի Մադրիդի «Ռեալի» կազմում, եւ նաեւ նրա արդյունավետ խաղով են պայմանավորված «արքայական ակումբի» վերջին տարիների հաջողություններն Իսպանիայում եւ եվրոպական մրցասպարեզում: Ըստ փորձագետների՝ այս առաջնությունում Խորվաթիայի համար Մոդրիչից շատ բան կախված կլինի:

Նիգերիա

Առաջին անգամ աշխարհի առաջնության մասնակցել է 1994-ին, վերջին անգամ՝ 2014-ին: Լավագույն արդյունքը 1/8 եզրափակիչն է: Նման արդյունքի կարողացել է հասնել 3 անգամ՝ 1994, 1998, 2014 թթ.:

Գլխավոր մարզիչը՝ Գերնոթ Ռոհր

Գերմանացի մասնագետը Նիգերիայի ընտրանին գլխավորել է 2016-ի օգոստոսին:

Թիմի աստղը՝ կիսապաշտպան Ջոն Օբի Միկել

Հավաքականի ավագը մնում է թիմի կարեւորագույն ֆուտբոլիստը: «Չելսիի» կազմում Չեմպիոնների լիգայի հաղթող է եղել: Նրա փորձը կարող է մեծ օգուտ տալ ընտրանուն:

Տպել
1519 դիտում

Աշոցքում ՔՊ անդամն է հաղթել, Հառիճում՝ ինչպես միշտ, 18 տարվա համայնքապետը

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում