ՀՀ դահուկասպորտի ֆեդերացիան դեռ նոր կանոնակարգերը չի ընդունել

ՀՀ դահուկասպորտի ֆեդերացիայում դեռ շարունակվում են նոր կանոնակարգեր մշակել: Այս տարվա ապրիլին պետք է ժողով լիներ, որի ընթացքում պետք է ընդունվեին նոր կանոնակարգերը, սակայն այն հետաձգվել է: «Հայկական ժամանակ»-ի հետ զրույցում ֆեդերացիայի գլխավոր քարտուղար Գագիկ Սարգսյանը նշեց, որ որոշումները վերաբերում են բազմաթիվ ասպեկտների, այդ պատճառով էլ աշխատանքները ձգձգվում են: Բացի այդ՝ միջազգային ֆեդերացիայում փոփոխություններ են տեղի ունեցել: Մայիսի 13-19 Հունաստանում կայացած նիստի ընթացքում նոր չափանիշներ են սահմանվել, որոնք ՀՀ ֆեդերացիան պետք է ադապտացնի:

«Պետք է մշակվեն նոր կանոնակարգեր, կարճաժամկետ, միջնաժամկետ եւ երկարաժամկետ նոր ծրագրեր սկսած մարզիկների, մարզիչների էթիկայի կարգից, ընդհանուր էթիկայի նորմեր, անվտանգություն եւ այլն: Միջազգային ֆեդերացիայում եւս տեղի են ունեցել փոփոխություններ, եւ բոլոր օրենքները, որոնք ընդունվել են այնտեղ, պետք է տեղայնացվեն նաեւ մեզ մոտ»,- ասաց նա:

Դեռեւս հստակ չէ՝ երբ տեղի կունենա ՀՀ դահուկասպորտի ֆեդերացիայի ժողովը, սակայն, ինչպես ընդգծում է Գագիկ Սարգսյանը, այս աշխատանքները մարզիկների մարզումային գործընթացի վրա չեն արնդրադառնում: Բոլորը շարունակում են մարզվել անհատական ծրագրերով իրենց մարզադպրոցներում, իրենց անձնական մարզիչներին հետ:

ՀՀ դահուկասպորտի ֆեդերացիայում նման փոփոխություններ իրականացնելու անհրաժեշտություն էր առաջացել այս տարվա ձմեռային օլիմպիական խաղերի ընթացքում ՀՀ հավաքականում տեղի ունեցած սկանդալից հետո: Փհենչհան 2018-ի ընթացքում լեռնադահուկորդ Աշոտ Կարապետյանը մնացել էր առանց դահուկների: Սա մեծ աղմուկ էր առաջացրել: Հետագայում ՀԱՕԿ գլխավոր քարտուղար Հրաչյա Ռոստոմյանի հետ ժողովից հետո որոշվել էր նոր հավաքական ձեւավորել:

Լեռնադահուկային սպորտի նոր հավաքական դեռ չկա: Կազմավորման հարցը կքննարկվի ժողովի ընթացքում: Ավելի վաղ ՀԺ-ի հետ զրույցում Սարգսյանը նշել էր, որ գուցե մինչեւ դեկտեմբեր կամ դրանից հետո էլ լեռնադահուկային սպորտի հավաքական չունենանք: Դա կախված կլինի այն հանգամանքից, թե որքանով լեռնադահուկորդները կհամապատասխանեն նոր չափանիշներին:

Դահուկասպորտի հավաքականի հետ կապված նման խնդիրներ չկան: Այն շարունակում է իր բնականոն աշխատանքը:

Տպել
2301 դիտում

Պայթյուն լսելու դեպքում խնդրում ենք խուճապի չմատնվել. Ասկերանում և Ստեփանակերտում վնասազերծում է իրականացվում. ԱՀ ԱԻՊԾ

Հանրահավաքի մասնակիցների ուղղությամբ ծխանռնակ նետելու գործը մեղադրական եզրակացությամբ ուղարկվել է դատարան

ՀՔԾ հատկապես կարևոր գործերի ավագ քննիչ Հայկ Մանանդյանը պարգևատրվել է Մխիթար Գոշի մեդալով

Արմեն Սարգսյանը մասնավոր այցով​ մեկնել է​ Ռուսաստանի Դաշնություն

Ստեփանակերտում և շրջաններում մեկնարկել են վերանորոգման և վերակառուցման աշխատանքները

Հաստատվել է կորոնավիրուսի 1248 նոր դեպք, առողջացել է 1330, մահացել՝ 31 մարդ

Հոկտեմբերին ՀՀ ֆինանսների նախարարությունում պարգևավճարներ չեն բաժանվել. նախարարության պարզաբանումը

Այսօր դուրս կբերվի Աստվածամուխ Սուրբ Գեղարդը. ՀԱԵ-ն նշում է հայոց առաջին լուսավորիչների տոնը

Հրդեհ է բռնկվել Մարմարաշենի տներից մեկում

Միացյալ Թագավորության Շտապ բուժօգնության թիմը կաջակցի Հայաստանի առողջապահության նախարարությանը

Իշխանությունները պարտավոր են մանրամասնել՝ թե պատերազմից հետո սահմանների հետ կապված ինչ զարգացումներ են նախատեսված. ՄԻՊ

Արագածոտնի մարզի Ամբերդ ամրոց և Քարի լիճ տանող ճանապարհները դժվարանցանելի են

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը