«Ֆիդայիներ» ՀԿ-ն հայ ֆիդայիների պատվին 600 նկարից բաղկացած ֆիդայապատ կստեղծի. Չիլինգարյան

Արդեն 1 տարի է՝ մի շարք ազատամարտիկներ եւ, պարզապես սրտացավ քաղաքացիներ ստեղծել են «Ֆիդայիներ» ՀԿ-ն: «Ֆիդայիներ» ՀԿ-ն տարբեր միջոցառումներ է կազմակերպում եւ անդրադառնում է հայ ֆիդայիներին:

«Ֆիդայիներ» ՀԿ-ի գործունեության եւ նպատակների վերաբերյալ զրուցեցինք ՀԿ-ի նախագահ Սեյրան Չիլինգարյանի հետ:

- Պարոն Չիլինգարյան, ինչո՞վ է զբաղվում «Ֆիդայիներ» ՀԿ-ն, ի՞նչ գործունեություն է իրականացնում:

- «Ֆիդայիներ» ՀԿ-ն ստեղծվել է անցած տարվա մայիսի 27-ին, Գեւորգ Չաուշի մահվան 110-ամյակի կապակցությամբ: Մեր ՀԿ-ն իր առաջ դրել է նախապայման, որպեսզի 1870-1920 թվականներն ընկած ժամանակահատվածում բոլոր ֆիդայիներին անդրադառնա եւ ներկայացնի հասարակությանը: Մենք շատ աշխատանքներ ենք տարել այդ կապակցությամբ:

- Ի՞նչ աշխատանքներ եք կատարել:

- Նախ, արդեն իսկ պայմանավորվածություն է ձեռք բերվել, որ Աղբյուր Սերոբի գերեզմանաթմբից մի բուռ հող բերենք Սոսե մայրիկի գերեզմանը ընդհանրացնելու համար: Անձամբ ինձ պատիվ չի բերում, որ Աղբյուր Սերոբի գերեզմանի գլուխը մի  տեղում է թաղված, մարմինը այլ տեղում է թաղված, բոլորը գաղտնի են, ոչ ոք տեղը չգիտի: Կնոջն Ալեքսանդրապոլում են թաղել, հետո բերել են Հայաստան: Վերջիվերջո այդ մարդը Արեւմտյան Հայաստանի առաջին հայդուկապետն է եղել, որը ստեղծել է ամուր խումբ, ումից վախեցել են թե՛ թուրքերը, թե՛ քրդերը, եւ այդ հենքի վրա էլ ստեղծվել է մեր ֆիդայությունը:

Այս պահին որոշված է, որ ստեղծենք ֆիդայապատ, որի վրա կլինեն մոտ 300 ֆիդայի՝ սարդարապատյան եւ իմ ասած ժամանակաշրջանի հերոսներով: Արդեն պայմանավորվածություններ եղել են, ժողովներ ենք արել ԵՊՀ պատմության ֆակուլտետի ամբիոնում: Մեզ հետ է Նկարիչների միության նախագահը, Ճարտարապետների միության նախագահը: Մոտ 600 նկարի համար պատ պետք է լինի: Մեզ հետ կան հերոսներ` Արկադի Տեր-Թադեւոսյանը, Վաղարշակ Վարդանյանը, մեր ՀԿ-ի խորհրդի անդամներ են: Մեր շտաբի աշխատանքները համակարգելու է «Ֆիդայիներ» Հ/Կ-ի Վայոց Ձորի տարածքային շտաբի նորընտիր ղեկավար, Վայքի գնդի նախկին հրամանատարի տեղակալ՝ «Կայծ» մարտական անունով հայտնի Էդուարդ Բաբայանը:

- Ձեր ՀԿ-ում ընդգրկված մարդիկ բոլորը կռված ազատամարտիկնե՞ր են:

- Չէի ասի, ինձ ընդհանրապես չի հետաքրքրում՝ կռված է, թե`ոչ: Ես աշխատանք եմ ուզում անել, այսօր ինձ համար գիտական ճանապարհ անցած մարդը կարող է ավելի շատ բան անել, քան կռվածը: Ես էլ եմ կռվին մասնակցել, ընկերներս էլ են մասնակցել, մենք ընդամենը կոչվում ենք սիմվոլներ:

- Ձեր ՀԿ-ն ՊՆ-ին, ՊԲ-ին առնչվո՞ւմ է:

- Իհարկե, առնչվում է, ես հասարակական խորհրդի անդամ եմ, ՊՆ-ում գրանցված եմ: Պաշտպանական դիրքեր գնում եմ, իմ պատվոգրերով, իմ դրոշով ոգեւորում եմ, հայապահպանության համար հուշամեդալ ունեմ: Մայիսի 7-ին, 8-ին եւ 9-ին Արցախում եմ եղել, Նիկոլ Փաշինյանի վարորդին պատվոգիր եմ տվել, որ փոխանցի իրեն:

- Հայկական բանակում նախկինում տիրող իրավիճակի ու ներկայիս իրավիճակի միջեւ փոփոխություններ նկատե՞լ եք:

- Առաջ գնում ենք, տարբերություն կա թե՛ զենքի, թե՛ զինատեսակների, թե՛ հագուստի շատ տարբերություններ կան: Պարոն Փաշինյանի ասածը, որ չպետք է զինվորի համար ծնողները հագուստ գնեն, բավականին ոգեւորել է մեզ:

- Այս պահի դրությամբ, երբ փոփոխություններ են տեղի ունեցել Հայաստանի ներքաղաքական կյանքում, ձեր ՀԿ-ն ի՞նչ սպասելիքներ ունի նոր կառավարությունից, ՊՆ-ից:

- Հարգանքը նոր կառավարության հանդեպ շատ մեծ է: Հին կառավարությունից շատերին անձամբ եմ ճանաչել, նրանք բարձրացել են մեր մարմնի մասերի վրայով: Նոր կառավարությունը արեց մի գործ, որը համաշխարհային հնչեղություն ստացավ, նման բան չի լինում, բայց ստացվեց: Նիկոլ Փաշինյանի ասած 0 թվով հասարակությունը շատ ոգեւորված է: Մի բան միայն կխնդրեմ պարոն Փաշինյանի կառավարության բոլոր անդամներին ու նրա հետ բոլոր քայլողներին՝ թող ոչ մեկը ոչինչ չուզի, թող ոչ ոք ոչինչ չակնկալի, որպեսզի կարողանան մի բան անել: Ոչ մի բան արագ չի լինում, թող բոլորը միահամուռ աշխատեն այդ մարդու հետ, որպեսզի կարողանանք այս վիճակից դուրս գալ: Եթե հայ ազգը մի անգամ էլ հիասթափվի, մեր վերջը արդեն կգա:

Տպել
1876 դիտում

ԵՊՀ հոգաբարձուների նոր խորհուրդը օրակարգային հարց կդարձնի՞ ռեկտորի հետագա պաշտոնավարման նպատակահարմարությունը

Շիրակի մարզպետի տեղակալը պաշտոնից ազատվելու դիմում է գրել

Դատավոր Արսեն Նիկողոսյանի տրամադրվածությունն ակնհայտ էր. Մանվել Գրիգորյանի պաշտպանները ստացել են դատարանի որոշումը

Ալիևը մեկնաբանել է Ադրբեջանի՝ ՀԱՊԿ անդամակցության հավանականության հարցը

Նիկոլ Փաշինյանն ու Իլհամ Ալիեւը հանդիպել են, մտքեր փոխանակել շուրջ 1,5 ժամ

Հանդիպել են Ղազախստանում ՀՀ դեսպանն ու երկրի պետական քարտուղարը

Այս պարագայում ես կարծիք չունեմ. դպրոցի տնօրենը՝ նախարարի ֆեյսբուքյան գրառման մասին

Նիկոլ Փաշինյանը հանդիպել է Բրազիլիայի նախագահի, Լյուքսեմբուրգի և Եգիպտոսի վարչապետների հետ

Ռոբերտ Քոչարյանի պաշտպանները երեկ ստացել են դատարանի որոշումը

Արարատ Միրզոյանն ընդունել է ՀՀ-ում Շվեդիայի Թագավորության դեսպանին

Վաղարշյան 1 հասցեի վիճաբանությունը կրակոցներով չի սահմանափակվել. բնակիչներն ահազանգում են՝ իրենց ահաբեկում են

Նիկոլ Փաշինյանը Դավոսում հանդիպելու է Իլհամ Ալիևի հետ

Հայտարարություն մրցույթի մասին

Նիկոլ Փաշինյանը հարցազրույցներ է տվել միջազգային առաջատար մի շարք լրատվամիջոցների

Մի երկու տարի կնստես, կհելնես, գողական աղջիկ կդառնաս. հետաքննիչները հերքել են Հասմիկ Սարգսյանի ցուցմունքները

Մեղադրանք է առաջադրվել 20-ամյա երիտասարդին՝ ատրճանակով ու պայթուցիկով սպառնալու, ավազակության համար

Կապված Լարսի ճանապարհների փակ լինելու հետ՝ հեղուկ գազի որոշակի դեֆիցիտ է առաջացել. Շաբոյան

ՀՀ ֆուտբոլի ֆեդերացիան կանանց 3 ազգային ընտրանի կունենա

Նվազել են գրիպով պայմանավորված շտապօգնության կանչերը և հոսպիտալացման դեպքերը

Կրակոցներ Արարատի մարզում. կան վիրավորներ ու վնասված ավտոմեքենաներ