Որքան աշխատավարձ են ստանում ՀՀ բարձրաստիճան պաշտոնյաները. նրանց աշխատավարձի մասին խոսակցությունները խիստ չափազանցված են

Որքա՞ն աշխատավարձ են ստանում Հայաստանի Հանրապետության բարձրաստիճան պաշտոնյաները: Այս հարցի պատասխանը ստացանք՝ ուսումնասիրելով նոր Սահմանադրությամբ «Պետական պաշտոններ զբաղեցնող անձանց վարձատրության մասին» ՀՀ օրենքը: 

Այսպիսով, համաձայն «Պետական պաշտոններ զբաղեցնող անձանց վարձատրության մասին» ՀՀ գործող օրենքի, պաշտոնային դրույքաչափը հաշվարկվում է բազային աշխատավարձի եւ օրենքով նախատեսված գործակցի արտադրյալով: Պետական պաշտոն զբաղեցնող անձանց բազային աշխատավարձի չափը սահմանվում է յուրաքանչյուր տարվա պետական բյուջեի մասին ՀՀ օրենքով:

Համաձայն «2018 թվականի պետական բյուջեի մասին» ՀՀ օրենքի` պետական պաշտոն զբաղեցնող անձանց բազային աշխատավարձի չափը կազմում է 66,140 ՀՀ դրամ:

Ստորեւ ներկայացնում ենք բարձրաստիճան պաշտոնյաների աշխատավարձերի չափերը, որից, սակայն, նրանք բավական պատկառելի հարկեր են վճարում:

ՀՀ նախագահ Արմեն Սարգսյանի աշխատավարձի դրույքաչափի հաշվարկման գործակիցը 20 է, հետեւաբար՝ Արմեն Սարգսյանի ամսական աշխատավարձը կազմում է 1 մլն 322 հազար 800 դրամ:

ՀՀ վարչապետ Նիկոլ Փաշինյանի աշխատավարձի դրույքաչափի հաշվարկման գործակիցը 19 է, հետեւաբար՝ Նիկոլ Փաշինյանի ամսական աշխատավարձը կազմում է 1 մլն 256 հազար 660 դրամ:

ՀՀ ԱԺ նախագահի աշխատավարձի դրույքաչափի հաշվարկման գործակիցը 18 է, այսինքն՝ ԱԺ նախագահի ամսական աշխատավարձը կազմում է 1 մլն 190 հազար 520 դրամ:

ՀՀ առաջին փոխվարչապետի աշխատավարձի դրույքաչափի հաշվարկման գործակիցը 16 է, նրա ամսական աշխատավարձը կազմում է 1 մլն 58 հազար 240 դրամ:

ՀՀ փոխվարչապետերի աշխատավարձի դրույքաչափի հաշվարկման գործակիցը 15.5 է, ամսական աշխատավարձը կազմում է 1մլն 25 հազար 170 դրամ:

Սահմանադրական դատարանի նախագահի եւ Բարձրագույն դատական խորհրդի նախագահի աշխատավարձի դրույքաչափի հաշվարկման գործակիցը 16 է, այսինքն՝ Հրայր Թովմասյանի եւ Գագիկ Հարությունյանի ամսական աշխատավարձը կազմում է 1 մլն 58 հազար 240 դրամ:

Ազգային անվտանգության խորհրդի քարտուղար Արմեն Գրիգորյանի աշխատավարձի դրույքաչափի հաշվարկման գործակիցը 15.5 է, նրա ամսական աշխատավարձը կազմում է 1մլն 25 հազար 170 դրամ:

Մարդու իրավունքների պաշտպանի, գլխավոր դատախազի, Վճռաբեկ դատարանի նախագահի, Վերահսկիչ պալատի նախագահի աշխատավարձի դրույքաչափերի հաշվարկման գործակիցը 15 է, հետեւաբար՝ նրանց աշխատավարձը կազմում է 992 հազար 100 դրամ:

Ազգային ժողովի նախագահի տեղակալների աշխատավարձի դրույքաչափի հաշվարկման գործակիցը 14 է, աշխատավարձը կազմում է 925 հազար 960 դրամ:

Վճռաբեկ դատարանի պալատի նախագահի Ազգային ժողովի մշտական հանձնաժողովի նախագահի, վարչապետի աշխատակազմի ղեկավարի, Ազգային ժողովի աշխատակազմի ղեկավարի աշխատավարձի դրույքաչափի հաշվարկման գործակիցը 12 է, նրանց ամսական աշխատավարձը կազմում է 793 հազար 680 դրամ:

Նախարարների, Ազգային անվտանգության ծառայության տնօրենի, Ոստիկանության պետի, Պետական եկամուտների կոմիտեի նախագահի, Պետական վերահսկողության ծառայության ղեկավարի, ԶՈՒ գլխավոր շտաբի պետի, ՍԴ դատավորի, Կոռուպցիայի կանխարգելման հանձնաժողովի նախագահի, Հատուկ քննչական ծառայության պետի, Բարձրագույն դատական խորհրդի անդամի եւ Քննչական կոմիտեի նախագահի աշխատավարձի դրույքաչափի հաշվարկման գործակիցը 12 է, հետեւաբար նրանց ամսական աշխատավարձը կազմում է 793 հազար 680 դրամ:

ԱԺ պատգամավորի, մարզպետի, Քրեակատարողական ծառայության պետի, Փրկարար ծառայության տնօրենի, Ոստիկանության պետի առաջին տեղակալի, Վարչական եւ Առաջին ատյանի դատարանների դատավորների աշխատավարձի դրույքաչափի հաշվարկման գործակիցը 10 է, հետեւաբար՝ նրանց ամսական աշխատավարձը կազմում է 661 հազար 400 դրամ:

Այս աշխատավարձները, ինչպես նշեցինք, չհարկված վիճակում են այսքան կազմում: Ժողովրդական լեզվով ասած՝ սա «կեղտոտ» թիվն է: Օրինակ` Ազգային ժողովի պատգամավորի աշխատավարձը, որը կազմում է 661 հազար 400 դրամ, հարկվելուց հետո դառնում է մոտ 470 հազար դրամ:

Հանրության մեջ տարածված կարծիքը, թե բոլոր պատգամավորներին տրվում է ավտոմեքենա եւ բնակվարձի գումար, նույնպես ճոխացված է: ԱԺ մեկ խմբակցությանը տրվում է 1 ծառայողական ավտոմեքենա: Իսկ անձնական ավտոմեքենա ունեցող պատգամավորներին տրամադրվում են անհատական պետհամարանիշներ: Ավտոմեքենա է տրամադրվում նաեւ հանձնաժողովների նախագահներին եւ ԱԺ նախագահին: Իսկ բնակվարձ փոխհատուցվում է մարզերի պատգամավորներին` իրենց ցանկության եւ դիմելու դեպքում` 100 հազար դրամի չափով: Նույն կերպ բնակվարձ է տրվում նաեւ իրենց բնակավայրից հեռու ծառայություն անցկացնող զինծառայողներին:

Տպել
11917 դիտում

Կորոնավիրուսի պատճառով մահացել է դերասան Վասիլ Սարգսյանը

Փաշինյանի՝ Պուտինին ուղղված դիմումն ու ՌԴ ԱԳՆ պատասխանը պետք է դիտարկել որպես կարեւոր գործընթացի մեկնարկ․ Ռուբինյան

ՌԴ ԱԳՆ-ն պատասխանել է ՀՀ վարչապետ Փաշինյանի՝ Պուտինին ուղղված նամակին

Մենք միասնական մարմին ենք, ես զգում եմ մեր արյունը, որը հոսում է իմ երակներով․ Տ․ Սպիվակովան Արցախի մասին ֆիլմ է նկարել

Զորահավաքի ենթակա անձի մոտ կորոնավիրուսի դրական պատասխանի դեպքում վերստուգվելու է ՊՇՌ թեստավորման պատասխանը

Վիեննայում շուրջ 50 իսլամիստ հարձակվել է կաթոլիկ եկեղեցու վրա

Զգուշություն դրսևորելով՝ Ստամբուլի 200 հայ ՀՀ է եկել․ Սինանյանի խոսքով՝ սփյուռքի համախմբումն աննախադեպ է

Ադրբեջանական սոցիալական ցանցերը նոր տեսանյութ են հրապարակել, որում երեւում են 19 հայերի մարմիններ. Արցախի ՄԻՊ

Հայաստանում հաստատվել է կորոնավիրուսի 2381 նոր դեպք. գրանցվել է 41 մահ

Շուշիում Ադրբեջանի հարվածների հետեւանքով քաղաքացիական բնակչության շրջանում կան վիրավորներ

ՀՀ եւ ԱՀ ՄԻՊ-երը միջազգային կառույցներին հրավիրել են Արցախ՝ ցույց տալու ադրբեջանի վայրագությունները

Թուրքիայում տեղի ունեցած երկրաշարժի հետեւանքով զոհերի թիվը հասել է 24-ի

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին

Առավոտյան հրթիռակոծվել է Ստեփանակերտը. նյութական մեծ վնաս է հասցվել խաղաղ բնակչությանը (լուսանկարներ)

Հակառակորդը շարունակում է թիրախավորել խաղաղ բնակավայրերը․ կիրառում է արգելված եւ քիմիական զենքի տարրեր

Այսօր Վրաստանում խորհրդարանական ընտրություններ են․ կանցկացվեն հակահամաճարակային կանոնների խիստ պահպանմամբ

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)