Որ պարագայում Էջմիածնի քաղաքապետ Կարեն Գրիգորյանը հրաժարական կտա. Դոն Պիպոն միտինգ է անում

Էջմիածնում այս պահին շարունակվում է բողոքի ցույցն ընդդեմ քաղաքապետ Կարեն Գրիգորյանի: Մեծ թվով մարդիկ պահանջում են քաղաքապետ Կարեն Գրիգորյանի հրաժարականը: Հանրահավաքին ներկա է նաեւ քրեական հեղինակություն Դոն Պիպոն՝ Արթուր Ասատրյանը:

Գրիգորյանը հրաժարական կտա՞: Մեր հարցերին պատասխանեց Էջմիածնի քաղաքապետարանի լրատվության բաժնի նախկին պետ Վարդան Վարդանյանը: Վարդանյանն այժմ ԵԿՄ լրատվության վարչության պետն է, ինչպես նաեւ Կարեն Գրիգորյանի ընկերը:

- Պարոն Վարդանյան, Էջմիածնում մեծ թվով մարդիկ այդ պահին բողոքի ցույց են անում են պահանջում են քաղաքապետ Կարեն Գրիգորյանի հրաժարականը, Գրիգորյանը հրաժարական կտա՞:

- Եթե Էջմիածնի քաղաքապետի փոփոխության հարց է դրվում, ապա ո՞վ իրավունք ունի նման պահանջ դնել, Էջմիածնի բնակչությունը, ճի՞շտ է:

Կարեն Գրիգորյանը 3 անգամ ընտրվել է Էջմիածնի քաղաքապետ: Առաջին անգամ 2008 թվականի հոկտեմբերի 19-ի ընտրություններում, Կարեն Գրիգորյանը, լինելով անկուսակցական, ինքնառաջադրվել էր, ՀՀԿ-ն առաջադրել էր Հակոբ Հակոբյանի (Ճոյտ) թեկնածությունը: Կառավարող կոալիցիան`ՀՀԿ, ԲՀԿ, ՕԵԿ, ՀՅԴ, հայտարարությամբ պաշտպանում էր Հակոբ Հակոբյանի թեկնածությունը: Բոլոր հանձնաժողովները իրենց ձեռքն էր ու փորձում էին խախտումներ անել, այդ պայմաններում էջմիածնեցին ընտրեց Կարեն Գրիգորյանին ու այնպիսի վստահության քվե տվեց, նույնիսկ պաշտոնական թվերով 75 տոկոս ստացավ Կարեն Գրիգորյանը: Իշխանությունը հաստատ կեղծիքներ արած կլիներ, բայց անգամ այդ պարագայում արձանագրվեց 75 տոկոս: Դրանից հետո ե՛ւ 2012 թվականին ե՛ւ 2017 թվականին Կարեն Գրիգորյանն ինքնառաջադրվել է որպես անկուսակցական եւ ընտրվել է:

Լավ, ենթադրենք, դժգոհ են էջմիածինցիները, խնդիր չկա, բայց հիմա հանրահավաքին մասնակցողների մեջ եկեք շրջեք, տեսեք, թե քանի՞ էջմիածինցի կա: Ես հենց հիմա Էջմիածնում եմ, կան կողքի գյուղերից մարդիկ, կան Ռուսաստանից, Իսպանիայից, Բելգիայից մարդիկ, Երեւանից շատ մարդ կա: Ես 10 հոգի էջմիածինցի եմ տեսել առայժմ այդ ցուցարարների մեջ: Վաղը չէ մյուս օրն էլ Կարեն Գրիգորյանի ընկերները, սատարողները, էջմիածինցիները հանրահավաք են անելու ի պաշտպանություն Կարեն Գրիգորյանի, մենք համարում ենք, որ մեր քաղաքապետը պետք է մնա Կարեն Գրիգորյանը:

Այսօր էլ, այդ օրն էլ մտեք ժողովրդի մեջ եւ տեսեք՝ քանի էջմիածինցի է այսպես ասում եւ քանի էջմիածինցի է այնպես ասում: Իսկ սկզբունքորեն, եթե Էջմիածնի բնակչությունը ասի, որ չենք ուզում Կարեն Գրիգորյանին, ես իրենց ճանաչում եմ, հաստատ հրաժարական կտա: Նա երբեք չի բռնացել ժողովրդի կամքին: Համապետական ընտրություններ են եղել, երբեք կեղծիքներ չեն արվել, որ ընտրությունները ուզում եք՝ նայեք: 2013-ին պաշտոնական թվերով այստեղ Սերժ Սարգսյանը 27 տոկոս ստացավ, իսկ եթե կեղծեին, այդպես չէր լինի, այնպես որ Կարեն Գրիգորյանը միշտ ժողովրդի ազատ կամարտահայտությունը հարգել է: Եթե Էջմիածնի բնակչությունը իրոք կպահանջի իր հրաժարականը, նա կտա հրաժարական, բայց եթե պիտի բրյուսելցին, վլադիվաստոկցին պահանջեն, համաձա՞յն եք, ինձ հետ, որ դա օրինական պահանջ չի:

Դոն Պիպոն հիմա հրապարակում կանգնած է, նա ասում է՝ ես չեմ կազմակերպիչը, պարզապես մասնակցում եմ: Սերգոյան Արտակն ասում է՝ ես եմ կազմակերպիչը, բայց նա անգամ Էջմիածնի ընտրող չի, նա ո՞վ է, որ որոշի, թե ով լինի այստեղ քաղաքապետ:

- Այսինքն սա հրահրված ցո՞ւյց է:

- Այո, նույնիսկ այն մարդը, որ որպես կազմակերպիչ կանգնում է եւ հիմա էլ ցույցն է վարում, անգամ Էջմիածնի ընտրող չի: Ամբողջ գիշեր երեկ Էջմիածնի հրապարակում անկարգություններ են արել, լկտի, բարձր աղմուկ-աղաղակ են արել այսօրվա միտինգի կազմակերպիչները: Այդ ամենն ուղարկված է ոստիկանություն:

- Դոն Պիպո՞ն է կազմակերպիչը:

- Ոչ, Դոն Պիպոն չի եղել նրանց մեջ: Էջմիածնի քաղաքապետարանը նյութերն ուղարկել է ոստիկանություն:

- Իսկ ո՞րն է այս ամենի նպատակը:

- Այ դա անողներից կհարցնեք, այնտեղ մեքենաների համարներն էլ են երեւում, դեմքերն էլ են երեւում, ուղարկվել է ոստիկանություն: Խնդրեք ոստիկանությունից, թող տրամադրեն, համ էլ ասեք՝ ինչո՞ւ ընթացք չեք տալիս:

- Ասում են, որ Էջմիածնում վախի մթնոլորտ է, դրա համար են ընտրում Կարեն Գրիգորյանին:

- Էջմիածինցին այնքան դուխով է, որ 2008 թվականին, ի հեճուկս ՀՀԿ-ի, ընտրեց Կարեն Գրիգորյանին, Էջմիածնում երբեք չի եղել վախի մթնոլորտ: Իսկ, եթե ենթադրենք, որ եղել է, այսօր չկա չէ՞ այդպիսի խնդիր, դե թող հիմա ազատ կամարտահայտվեն: Ես այստեղ հրաժարական պահանջող էջմիածինցի չեմ տեսնում: Կարեն Գրիգորյանին ապացուցեք, որ էջմիածինցիներն են պահանջում իր հրաժարականը եւ ես խոստանում եմ, որ այդ դեպքում նա կտա հրաժարական:

Տպել
10103 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց