Ռուսաստանը ԱԱ 2018-ի բացման խաղում ջախջախեց Սաուդյան Արաբիային

Ռուսաստանի ֆուտբոլի ազգային հավաքականն աշխարհի 2018 թ. առաջնության բացման խաղում ուրախացրեց իր երկրպագուներին: Քիչ առաջ Մոսկվայի «Լուժնիկի» մարզադաշտում խոշոր հաշվով առավելության հասավ Սաուդյան Արաբիայի նկատմամբ: Մրցակցին հաղթեց 5:0:

Ռուսները հանդիպումն ակտիվ սկսեցին եւ հենց սկզբից ուզում էին ցույց տալ՝ ով է տանտերը: Նրանց ջանքերն առաջին անգամ գոլի վերածվեցին 12-րդ րոպեին: Աչքի ընկավ Յուրի Գազինսկին:

24-րդ րոպեին ռուսների տրամադրությունը փչացրեց Ալան Ձագոեւի վնասվածքը: Նա չկարողացավ շարունակել հանդիպումը, սակայն, ինչպես ասում են, չկա չարիք առանց բարիքի: Փոխարինման մտած Դենիս Չերիշեւն իսկական հերոս դարձավ: Նրա շնորհիվ ռուսները հաշիվն իրենց համար ավելի հարմարավետ դարձրին առաջին խաղակեսի վերջում: Նա գոլ խփեց 43-րդ րոպեին:

2-րդ կեսում ռուսները չթուլացան. գիտակցում են, որ խմբային փուլում կարեւոր է ոչ միայն հաղթանակը, այլեւ խփած գոլերի քանակը: Նրանք շարունակեցին գրոհել ու եւս մեկ անգամ հաջողության հասան 71-րդ րոպեին: Իր հաշվին գոլ գրանցեց Արտյոմ Դյուբան:

Հետագայում էլ Ռուսաստանի ընտրանու ֆուտբոլիստները շարունակում էին ուղիներ փնտրել դեպի մրցակցի դարպասը եւ հանդիպման վերջում եւս 2 գոլ խփեցին: Նախ դուբլի հեղինակ դարձավ Դենիս Չերիշեւը, ապա վտանգավոր գոտում Ռուսաստանը տուգանայինի իրավունք ստացավ: Գնդաակին մոտեցավ Ալեքսանդր Գոլովինը եւ այն ուղարկեց դարպասը. 5:0:

Բացման արարողությանն ու խաղին, ՌԴ նախագահ Վլադմիր Պուտինի հրավերով, հետեւել է նաեւ ՀՀ վարչապետ Նիկոլ Փաշինյանը: Ներկա են եղել նաեւ այլ երկրների բարձրաստիճան պաշտոնյաներ:

A խմբի այդ դիմակայությունն այսօրվա՝ հունիսի 14-ի միակ հանդիպումն է: Վաղը կկայանա այս խմբի 2-րդ հանդիպումը՝ Եգիպտոս-Ուրուգվայ: Տեղի կունենան նաեւ B խմբի 2 խաղերը՝ Մարոկկո-Իրան եւ Պորտուգալիա-Իսպանիա:

Ֆուտբոլի աշխարհի առաջնությունը կավարտվի հուլիսի 15-ին: Եզրափակիչը կկայանա Մոսկվայի «Լուժնիկի» մարզադաշտում:

Տպել
1385 դիտում

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում