Եվրախորհրդարանի պատվիրակությունն աջակցում է ՀՀ-ում հավակնոտ բարեփոխումների իրականացմանը

2018 թվականի հունիսի 18-ին Հայաստանում էր գտնվում Եվրախորհրդարանի (ԵԽ) ինը պատգամավորներից բաղկացած պատվիրակությունը՝ ԵԽ Արտաքին հարաբերությունների հանձնաժողովի նախագահ Դեյվիդ Մքալիսթերի գլխավորությամբ: Այցի նպատակն էր գնահատել Եվրոպական միության եւ Հայաստանի միջեւ հարաբերությունների ներկա փուլը եւ բարեփոխումներին ուղղված ջանքերը: Այս մասին ասված է ՀՀ-ում եվրամիության դիվանագիտական ներկայացուցչության տարածած հաղորդագրության մեջ:

ԵԽ ինը պատգամավորների պատվիրակությունը հանդիպումներ ունեցավ ՀՀ վարչապետ Նիկոլ Փաշինյանի, ՀՀ ԱԺ նախագահ Արա Բաբլոյանի, ՀՀ նախարարների, ՀՀ ԱԺ պատգամավորների եւ քաղաքացիական հասարակության  ներկայացուցիչների հետ  եւ գնահատական տվեց Հայաստանում առկա քաղաքական իրավիճակի, ԵՄ-Հայաստան հարաբերությունների ներկա մակարդակի, ինչպես նաեւ  բարեփոխումներին ուղղված նոր ջանքերի վերաբերյալ՝ Հայաստանում տեղի ունեցող քաղաքական ցնցումներից հետո, որի արդյունքում երկրում տեղի ունեցավ իշխանափոխություն:

«Եվրախորհրդարանը ուշի ուշով հետեւում էր Հայաստանում 2018 թվականի ապրիլ եւ մայիս ամիսներին տեղի ունեցող իրադարձություններին. Քաղաքացիների հասարակական ակտիվ ներգրավվածությունը, ինչպես նաեւ նրանց խաղաղ աջակցությունը փոփոխություններին եւ կոռուպցիայի դեմ պայքարին խիստ տպավորիչ էր: Հայաստանի համար` պահը բեկումնային էր:

Ամրապնդել ժողովրդավարությունը,  խորացնել  հարաբերությունները ԵՄ-ի հետ եւ հաստատել տեւական խաղաղություն. սրանք են ՀՀ քաղաքացիների ձգտումը, որին հանձնառու են ՀՀ իշխանությունները, Եվրամիությունն էլ պատրաստակամ է աջակից լինել բոլոր՝ այդ ուղղությամբ իրականացվող քայլերին», - այցից հետո նշեց  ԵԽ պատվիրակության  ղեկավար Դեյվիդ Մքալիսթերը (ԵԺԿ, Գերմանիա):

«Հուլիսի 4-ին Եվրախորհրդարանը կքվեարկի ԵՄ-Հայաստան Համապարփակ եւ ընդլայնված գործընկերության համաձայնագրի վերաբերյալ: Այս նոր համաձայնագրի վավերացումը միայն սկիզբն է. Համաձայնագրի հաջող իրականացումն առանցքային կարեւորություն կունենա  Հայաստանի արդիականացման տեսանկյունից:  Հաջողությամբ կյանքի կոչման պարագայում՝ այն կօգնի խթանել ԵՄ-ի հետ  առեւտուրը եւ ներգրավել ԵՄ ներդրումներ ՝ շոշափելի օգուտներ բերելով հայ ժողովրդին:

Տեղյակ եմ, որ մեզ հորդորում են սկսել բանակցություններ նոր համաձայնագրի ուղղությամբ, որը ՀՀ քաղաքացիներին կտա առանց վիզաների այցելությունների հնարավորություն: Կցանկանայի պարզաբանել՝ Մենք պատրաստ ենք աջակցել նման երկխոսության մեկնարկին: Իմ ընկալմամբ՝ գոյություն ունեցող պայմանավորվածությունները կյանքի են կոչվում:  Այդուհանդերձ՝ անհրաժեշտ է, որպեսզի նկատվի մի շարք ԵՄ անդամ պետություններում անօրինական բնակվող Հայաստանցի միգրանտների թիվը կրճատում:  Եվ կրկին՝ անհրաժեշտ է, որպեսզի  առանցքային բարեփոխումներն, ինչպիսին է կոռուպցիայի դեմ պայքարը, իրենց  պտուղները տան», - ասաց Դեյվիդ Մքալիսթերը:

Հաջորդ քայլեր

Այցի արդյունքները կհամալրեն Եվրախորհրդարանի քվեարկությանը`ԵՄ-Հայաստան Համապարփակ եւ ընդլայնված գործընկերության համաձայնագրի վերաբերյալ, որը կկայանա Ստրասբուրգում 2018 թվականի հուլիսին:

Մքալլիսթերի հետ միասին՝ ԵԽ պատվիրակության կազմում էին եւս ութ պատգամավոր. «Եվրանեսթ» խորհրդարանական վեհաժողովի պատվիրակության ղեկավար Ռեբեկա Հարմսը (Կանաչներ, Գերմանիա), Հայաստան-Եվրամիություն խորհրդարանական համագործակցության հանձնաժողովի նախագահ Սաջադ Քարիմը (Եվրոպական պահպանողականներ եւ ռեֆորմիստներ, Միացյալ Թագավորություն), ԵԽ Արտաքին հարաբերությունների հանձնաժողովի Հայաստանի գծով զեկուցող Լազլո Թոքեշը (ԵԺԿ, Հունգարիա), Ժելյանա Զովկոն (ԵԺԿ, Խորվաթիա), Նինա Գիլը (Սոցիալիստների եւ դեմոկրատների առաջադեմ ալյանս, Միացյալ թագավորություն), Բորիս Զալան  (Սոցիալիստներ եւ դեմոկրատներ, Սլովակիա), Տիկին Էլենի Թեոխարուսը  (Սոցիալիստներ եւ դեմոկրատներ, Կիպրոս), Պրն Պետրաս Աուշտրեվիչուսը(Եվրոպայի Լիբերալների եւ Դեմոկրատների Դաշինք, Լիտվա):

Տպել
1050 դիտում

Ցմահ դատապարտյալ Աշոտ Մանուկյանն ազատ է արձակվել

ԱԺ-ն քննարկում է այլընտրանքային՝ հեռավար կրթության անցման մասին նախագիծը

Դատական դեպարտամենտի դատական կարգադրիչների ծառայության պետին գեներալ-մայորի կոչում է շնորհվել

Պուտինն աշխարհի 5 երկրների առաջնորդներին առաջարկել է հանդիպում ունենալ

Սա իմ խաչն է, որը ես պիտի տանեմ. Հրայր Թովմասյան

Ատրճանակ, հրացաններ, նռնակներ․ ոստիկանության բաժիններում ապօրինի զենքեր են հանձնվել (տեսանյութ)

Նիկոլ Փաշինյանը փոփոխել է իր որոշումը՝ Սահմանադրական բարեփոխումների հանձնաժողովի անդամների թիվը 15-ից դարձնելով 16

ԵԱՍՄ ամբողջ տեխնիկան՝ 29 մեքենա, գիշերն աշխատել է քաղաքի ողջ տարածքում

Հրայր Թովմասյանի բնակարանի խուզարկությունն ավարտվեց

Մոսկվայում տեղի ունեցավ «Սուսերով պարը» ֆիլմի շնորհանդեսը

Հայկ Մարությանն այցելել է Արգավանդ-Շիրակ նոր ճանապարհահատվածի շինհրապարակ (լուսանկարներ)

Վրաերթի է ենթարկվել 10-ամյա երեխա. հիվանդանոց է տեղափոխվել արդեն մահացած

Վիճաբանություն՝ Հրայր Թովմասյանի պաշտպանների եւ ՀՔԾ քննիչի միջեւ. ՏԵՍԱՆՅՈՒԹ

Վիրավոր զինվորներից մեկի վիրահատությունն ավարտվել է. վիճակը ծանր կայուն է. Հովհաննիսյան

Քննիչը մերժեց խուզարկությունը տեսանկարահանելու մեր միջնորդությունը. պաշտպան

Երևանում թալանել են ՀՀ ԿԳՄՍ փոխնախարարի բնակարանը. տարել են ոսկյա զարդեր, բրենդային կանացի ժամացույցներ և գումար

2019 թվականի ընթացքում ՊԵԿ-ը հայտնաբերել է 3 մլն դոլարից ավելի արժեքով թմրամիջոցներ. Վարդանյան

Ազատումներ, նշանակումներ ոստիկանությունում. Երեւանը նոր փոխոստիկանապետ ու ՊՊԾ գնդի հրամանատար ունի

Դուք գալիս եք ստեղծելու ՀԱՅԲԻԶՆԵՍԲԱՆԿԻ նոր ապագան

Պետական սեփականության գույքն օտարվել է հավանական շուկայական արժեքից 13 անգամ պակաս գնով. դատախազություն